عارفة احلي حاجة انك اون لاين وحاسة زي ماتكوني قاعدة معايا
اني الي دمك زي السكر ..وعلي فكرة ديه طبيعتي مع الناس كلها لما باتكلم بحب اهزر ونقلب الموقف لقعدة جميلة ..حتي لوكان الي قاعد معايا ناس رسمين قوي بردك بنقلبها لقعدة زي كده..وكل واحد بقي وليه مدخله يعني الي اقدر ادخله منها ونخليها احلي قعدة
بالنسبة للبشاميل في بنت في المنتدي قالت لي عليه هي كويس من ناحيةانه مش فيه بيس وكمان هي بتقول انه جميل جدا اناهاحط لك الوصفة بتاعتها وانتي شوفيها كده
لعمل البشاميل نحتاج الى:
كوب طحين تقريبا 7 ملاعق كبيرة..ليتر من الحليب اي تقريبا اربع اكواب..مكعبين ماجي و زبدة..ملح و فلفل اسود و اوريجانو
الشئ بقي الي مش عارفاه هو ال اوريجانو ؟؟؟؟؟ ده ايه ده؟؟ اصل انا بقي بقيت اخاف اسال لحسن في اخت هنا في المنتدي مرة باقول ان مشعارفة كلمة مش فاكراها دلوئتي بسال عن معناها ايه قالت لي ديه سهلة قوي ومعرفة ...فبيني وبينك حسيت باحراج ..فحاولي انتي بقي تشوفي لينا بشاطرتك ايه ديه؟؟ علي فكرة البنت قالت انها بتحطت ...متزاريلا علي وش الصنية وبتستخدم الشواية في تحمير الوش بتاع الصنية

ههههههههه شوفى يا ستى انتى سالتي مره عن ايه هو الطحين
وقالوا لك انه هو الدقيق
وشوفى الاوريجانوا اعشاب عطريه تشتريها من العطار
ويمكن تستغنى عنها عادى وتبدليها بقرنفل او روزمارى (اكليل الجبل ) وكلها عند العطار موجود ذى البهارات والكمون
وشوفى يا ستى بالنسبه لوجه الصينيه انا بستعمل اما :
جبنه رومى مبشوره او بقسماط ناعم او بيضه مع معلقه زيت واخفقهم وادهن الوجه بس دهن خفيف
والاختيارات كلها ناجحه بس الموازريلا راح تسيح على الوجه وتتحمر بسرعه جدا قبل ماتكون المكرونه والبشمل استوى فيها
اذا قررتى تحطى جبنه حطيها بعد مرور 20 دقيقه على وضع الصينيه بالفرن
وانا معاكى اى سؤال انا اون لاين يا قمر

إيه الحلاوة ديه يا جريحه الحب

بس على فكرة كده بقيت مربى الأرز بلبن

السكر مش كتير شوية

ههههههههههههههه بنبونه يختى اعمل ايه السكر الى عندنا شكله مغسول قبل كذا
كل مااحط منه ما يحلى
شكله سكر مصنوع من الفجل ههههههههههه وربى انااحط كيلو سكر بس خفت اكتب كيلو تصرخون فى وجهى

إيه الحكايه يا مشمشه
بقى أنا دروسى صعبه طيب هنخليها أنياب يمكن تكون أسهل
حبيبتى أنا قلت لك ( يقدح السمن و يضاف إليه الأرز و يقلب حتى يسمع له صوت )
يعنى تضعى الأرز على السمن الساخن و تقلبيه حت يشخشخ أى تسمعى له صوت أثناء التقليب مع مراعاه عدم تغيير اللون
و على فكرة أى حاجة تحبى تسألى عليها لا تتحرجى من السؤال أبدا
إحنا عندنا مثل بيقول ( يموت المعلم ولا يتعلم )
على فكرة أحب أعرفك بنفسى أنا مهندسة ولا أعمل وهويت المطبخ و عمل الحلوى و إللى علمنى إنى لو أكلت أى أكلة حلوة فى أى مكان سواء فى مطعم أو بيت أسئل و بدون إحراج وممكن كمان أطلب الشيف يشرح لى الأكلة ديه معموله إزاى و الآن أنا عاملة مشروع صغير فى بيتى لعمل الحلوى و بعض المأكولات و الحمد لله الزبائن طفشانه على طول ( كلام فى سيرك عشان الحسد الله أكبر )

أعتقد أن الأوريجانو هو الزعتر أو الريحان عموما هتأكد و أخبرك

جريحة الحلوة
أولا غيرى إسم جريحة علشان نعرف ندلعك
ثانيا حاولى دائما تستخدمى السكر الغامق بيحلى أكثر و هتستخدمى كمية أقل
ثالثا يفضل ألا تستخدمى مكعبات الشوربه ( الماجى )
و لو مذنقة قوى شوربة النيل أجمل و جربيها و قولى لى

بنبونه
مينفعش اغير الاسم بالمنتدى لازم اسوى اسم جديد
وعموما يا قمر انااسمى مريومه وماجستير فى القانون ووظيفتى طبعا هى المطبخ انا من مشجعى البطاله هههههههه
وشوفى يا ستى شوربه النيل انااول مره اسمه فيها
وكمان السكر البنى لازم اروح كارفور ولا هيبر ماركت لانه مش موجود بالمحلات العاديه بس راح اجرب استخدمه يا قمر

ازيك يا احلى جريحه ويارب ما تكونى ابدا جريحه
مشموشه انا فعلا باحط بقسماط مطحون بس نسيت اكتبه
بنبونه ياسكره احنا طلعنا بصره زى بعض عامله نفس المشروع انتى من فين بالظبط رودى انا مستنيه

الله يسلمك يااحلى عبوووووووره
انا بخير يا قمر وما فيه احد ما ينجرح من الحب بس ولا يهمك احنا قدها وقدود هههههه

جريحة يوه قصدى مريومة السكر الغامق تلاقية فى الجمعيات لو بتتعاملى معاها
أنا شخصيا بأفضل سكرهم فقط


عبير أنا فى مدينة نصر
و أنت فين ؟؟؟؟؟؟؟؟؟