السلام عليكم ورحمة الله وبركاته
اخواتي الاعزاء بنات منتدانا العزيز
جت لي فكرة اعجبتني ...وفي الواقع صاحبة هذة الفكرة ولكن بقسم اخر هي اختنا حنان فاروق ...صاحبة قسم الجمال المصري...في البداية انا من فترة ليست بالطويلة واناباتابع منتدانا والاكلات اللي موجودة فيه...طبعا اكل رائع ووصفات جميلة لكن....انافكرت في حاجة جديدة نوعا ما.
ليه مش نعمل ركن للاكلات المصرية علشان اخواتنا في الخليج يعرفوا ان الاكل ده مصري وكمان علشان لو عندهم لنفس الاكل وصفة تانية يشاركونا بيه..انافكرت في الركن ده لاكتر من سبب :
اولا: لان فيه بعض الوصفات مش موجودة في مصر وبعض الاسماء بتبقي غريبة علينا وبكده لو في اخت لينا عايشة مثلا في دولة عربية وهي من مصر اساسا تبقي تساعدنا وتقول لنا اقرب وصفة للاكلة ديه تناسبنا احنا كمصرين.
تانيا: الهدف من الركن ده هيبقي اننا كل واحدة فينا وخصوصا اني شايفة اخوات ليننا هنا متجوزين يساعدوا الناس الغلابه اللي زي انا في تعلم الطبخ والاكلات ...لان اختكم عيبها شئ واحد بس في الاكل انها بتنسي دايما مقادير الملح وما الي ذلك ....وده بيرجع لشئ واحد بس .هو ان الكبار اللي بيحاولوا يعلموني دايما لما بتبقي معاهم مش بيهتموا قوي بانهم يقولوا لي بالظبط اد ايه ملح او ماالي ذلك من مكونات لانهم مثلا بيطبخوا من اكتر من عشرين سنة فبتالي بيعتقدوا ان ده شئ مفروغ منه.
انا طولت عليكم لكن ....هنحاول نبدأ ونعمل الركن الجميل ده لكل اخواتنا اللي عايزين يتعلموا الطبخ من اول السلطات (وفعلا محدش يستسهل بباي حاجة) لحد المحاشي المصرية.
وبكده اكون طرحت عليكم اخواتي الموضوع ارجو كل من تستطيع انها تساعدنا من اخواتنا الكبار الموجودين في المنتدي انها تساعدنا ..وتقول فعلا الطريقة الي هي بتطبخ بيها يعني الواقع وليس الشئ المثالي وتحكي كل الاحتياطات وكل خطوة بالتفصيل علشان لو اتزنقنا (اضطرينا) في يوم اننا نطبخ بجد يبقي نلاقي مرجع زي كتاب ابلة نظيرة يعلمنا.
ولكم مني جزيل الشكر واناباذن الله معاكم لاني انا كمان عايزة اتعلم لكن هنحاول ننظم مع بعض الركن علشان يبقي اجمل ركن.....
انا باقترح نبدا باهم وجبة مصرية ودايما بتبقي موجودة جنب كل الاكل ..الا وهو الرز الابيض..كتير هيقولوا لي ده سهل جدا انا عارفة بس ممكن لو فيه اخت لينا شاطرة تقول هي بتعمله ازاي وايه الاحتياطات اللي بتعملها علشان مش يكون مثلا (معجن) او شايط
السلام عليكم..اختكم من مصر

اهلا ياقمر موضوعك جميييييييييييييييييييييل وانا كمان من مصر بس خيييييبه اشوف الاكلات اللى حتكتبوها وانفذها

بسم الله الرحمن الرحيم
[I] انا جيت استعدوووووووا للاكل المصرى الخطير وان شاء الله يعجب كل الاخوات جميع الاطباق المصريه حبيت اشاركم فى ركن الاكلات المصريه وما فيهاش حاجه لو نتبادل الخبرات فى اعداد الاطباق المختلفه من جميع الدول العربيه

الى عاوز تتعلم طريقه عمل الارز المصرى (( الرز المفلفل )) تتفضل

ارز مصرى ابيض
المقادير

2 كوب من الارز المصرى
2 ملعقه من الزبده او 3 ملاعق من زيت الذره او عباد الشمس
2 و 1/2 كوب ماء ساخن او بارد ما يفرق
مقدار من الملح حوالى 2 ملعقتين

الطـــــــــــــــــــريقه

1: نغسل الارز جيدا للتخلص من كميه النشاء المرتفعه الموجوده فيه ونضعه فى مصفاه جانبا

2: فى وعاء الطهى نضع مقدار الزبده او الزيت النباتى ثم نضيف عليه الارز المغسول سابقا
ونحرك الارز جيدا حتى تصبح حبات الارز متماسكه
3: نضيف كميه الماء ويفضل الحار ثم نضيف مقدار الملح ورشه الفلفل الاسود او الابيض
ونغطى جيدا على الارز حتى يتشرب الماء ثم نخفف عليه النار ونضعه على نار هادئه جدا حتى تمام النضج
ويقدم ساخن مع اشهى اطباق الخضار وخلافه


لعمل الارز المصرى بالشعيريه

نحمر الشعيريه اولا فى الزبده او الزيت حتى يصبح لونها ذهبى ثم نضيف لها الارز المغسول ونكمل باقى الخطوات السابقه

اتمنى تعجبكم
واى احد عنده سؤال عن اى وصفه من المطبخ المصرى او المطبخ الخليجى يسال ولا يتردد

السلام عليكم ورحمة الله وبركاته
اخووووووواتى المصريات لا تحرجونا وهاتوا وصفتكم اللذيذه عشان المطبخ المصرى يكسر الدنيا

وان شاء الله رح نكتب كل الوصفات من الفته المصريه الى جميع انواع المحاشى الى طواجن الخضار وطواجن التورلى والمشويات المصريه والحواوشى الخطير وكل الحلوياااااااااااات الى تموتون فيها بس عاوزين الهمه يا بناااااااااااااااااااااااااااااات النيل

بسم الله الرحمن الرحيم جزاك الله خيرا هدا موضوع جميل جدا ورغم انني اعاني من صداع شديد الا انني توكلت علي الله وقولت سوف اشارك اليوم معكم بالفته الذي يالخل والثوم

المقادير علي حسب عدد الافراد الذي يتفضلوا علي الغذاء لحم بالعظم ارز عيش (خبر محمص بالفرن)
صلصه طماطم 1 حبه طماطم 2فص ثوم مدقوق ناعم 1 ملعقه خل 2 بصل 2ملعقه سمنه

الطريقه نضع اللحم في حله علي النار مع حب الهيل وبصله صغيره ورشه فلفل اسود وتترك علي النار حتي النضج
ثم نقوم بتسويه الارز الابيض ثم في حله اخري نقطع البصل قطع صغيره ونحمر في السمن ونقشر حبه الطماطم ونضيفها الي البصل ونحمره شويه مع بعض تم نضيف اليهم علبه الصلصه ونتركها تتسبك علي النار ثم ناخذ شويه في حله صغيره من الصلصه بعد النضج ونضيف اليهم مقدار 3 اكواب من الشوربه بتاعه اللحم بعد ان تكون استوت وضبط الملح والتوابل عليها حسب الرغبه
ثم نقطع الخبز بعد ان نكون حمصنه فب الفرن واصبح لونه ذهبيا
اخضري طبق غويط او صنيه بايركس علي حسب ما تحبي تقدمي الفته
ضعي الخبر في الصنبه اوالطبق الكبير وصبي عليهم الصلصه المضاف اليها الشوربه ثم ضعي طبقه من الارز الابيض ثم ضعي طبقه من الصلصه المسبكه علي وجه الارز ثم قومي بتشويح اللحمه تشويحه خفيفه ( تحمير خفيف ممكن في نفس الحله التي تمت عمليه تسوبه اللحمه فيه بدون ان تضيف اي ماده دهنيه فقد ضيفي فلفل اسود ناعم وملح حسب الرغبه ثم قومي بتوزيع اللحمه في الصنبه واسكوبي باقي الصلصه المسبكه ثم في مقلي ضغيره قومي نتحمير الثوم وعند ما يحمر ضيفي اليه ملعقه الخل ثم ضيفي اليها شويه من الشوربه او الصلصه مقدار 3 ملاعق ثم ضفيهم الي الصنيه علي الوجه مع مراعاه ان تقومي بتوزيعهم علي كل الصنيه
توكل ساخنه وبالهنا ةالصحه

محشى البطاطس باللحمه المفرومه


المقادير
كيلو من البطاطس المتوسطه الحجم ياليت تكون مستطيله شوى
نصف كيلو لحم مفروم
2 بصله مفرومه
2 فص ثوم
2 ملعقه صلصه طماطم
حبتين طماطم مقطعه مكعبات صغيره
ملح فلفل اسود بهارات شطه

الطريقه

نبدء بتقشير البطاطس وحفرها بحيت نترك الجوانب بسمك 2 سم ثم نقلى البطاطس فى زيت حتى يصير لونها ذهبى فاتح يعنى ما نتركها تستوى بس تدبل من الزيت ونضعها على فوط مطبخ
فى اناء اخر نضع البصل المفروم يتشوح ونجركه حتى يصبح شفاف (الى تحب تضيف ملعقتين زيت براحتها ) اناافضل الطبخ بدون دهون لات اللحم فيه ما يكفى من الدهون
ثم نضيف الثوم المفروم وبعده اللحم ونحرك مع اضافه البهارات والفلفل والملح
نغطى اللحم حتى يتشرب من السؤائل الى يفرزه اللحم
ثم اضيف اليه مكعبات الطماطم مع الصلصه والشطه ونتركها تستوى 10 دقايق حتى تجف كل السوائل من اللحمه

بعدها نحشى حبات البطاطس بخليط اللحم المفروم
ونتركها جانبا
فى صنيه الفرن نضع ملعقتين زيت + بصله جوانج تتشوح ثم نضيف اليها قلب البطاطس تتقلب شوى ثم نضع لها الملح ونرص فوقها حبات البطاطس المحشيه وندخلها ربع ساعه الفرن وتقدم مع رز ابيض وبالهنا والشفا

فى المرات القادمه اقولكم طريقه عمل محشى الطماطم ومحشى الفلفل الحارالرفيع بالجبنه

اختى مروووووووه شكرا على وصفه الفته تجنن لكن انا اعرف طريقه اسهل للصلصه ورائعه جدا فى طعمها

هى انك تفرمى الثوم حوالى 5 فصوص كبار مع فلفل اخضر حار وملح وبهارات وفى اناء فيه ملعقتين زيت نحمر الثوم حتى يصبح ذهبى اللون ثم نضيف عليه حوالى 4 معالق خل ابيض ونتركه اول ما يبدء يغلى الثوم مع الخل اضيف عصير الطماطم واتركها على النار حتى تصبح صلصله ثقيله شوى بس
ارش منها على وش الفته وكمان على الخبر المحمص مع الشوربه

اختى كتير حلوووووووووووووووووووة مرة حلوووووووووووووووووة ربنا ما يحرمنا منك ولا من اكل مصر

نـــــــــــــــــــــــــــــورتى الصفحه يا زهره مصر وجربى ان شاء الله تستمتعين فى الوصفات

بسم الله الرحمن الرحيم اختي جريحه الحب شكرا علي تعليقق الجميل بس من 2فص ثوم الي 5 لم نختلف

اما بالنسبه اللفلفل الحار طبعا بتعطي طعم جميل يس في ناس مابتحب الفلفل الحار واحنا عوزنها تكون فته بطعم الفته المصريه شكرا لكي مره اخري ياعزيزتي