لاتفوتكم صينية الكفته مع أرز بالشعيريه تجنننننننن ومصورتها بعد.....

مسااااااااااااااااااء الخيرات على الحلوين اليوم سويت لكم كفته عجب بس اذا قديمه ولا وحده
تفتح فمها وقولوا واااااااو روووعه اول مره نعرفها والا ماانزلكم بعد كذا شئ






المقادير:
لحم مفروم
بصلتين متوسطتين
ملعقه كبيرة كمون
ملعقه صغيرة فلفل اسود
ملح
فصين ثوم
ملعقة كبيرة دقيق
شوي شبت
صلصة السعوديه
يفرم البصل والثوم والشبت ويوضع على اللحم المفروم مع البهارات والملح والدقيقوتخلط جيدا وتوضع في صفاية عشان تنزل المويه الى في اللحمه.. حطي فنجان زيت في صينية متوسطة خذي اللحمه المفرومه واعصريها من المويه وكوريها وسويها زي الطعميه (الفلافل)
وحطيها في الصينيه واتركيها تتحمر شوي لمن تتماسك واقلبيها على الجهه الثانيه يعني تتشوح بس مدري فهمتوا وكل ماتخلصين من مجموعه شيليها على جنب واذا خلصتي جيبي صلصه تقريبا نصف العلبه وحطيها على الزيت الى شوحتي الكفته فيه ورجعي الكفته للصينيه وقلبيها مع الزيت والصلصه... قطعي بصله وحمريها في زيت وحبتين هيل وقرنفل وممكن فلفل رومي بس انا ماكان عندي وصفي الزيت من البصل وحطي الزيت في قدر وخليه على جنب بعدين اقولك عليه وحطي حبه طماطم( مخلوطه بالخلاط مع حبه ماجي ) على البصل وشوحيها شوي وصبيها على الكفته وحركيها وغطيها بقصدير ودخليها الفرن على نار هادئه

نجي للرز بالشعيريه اممممم فاكرين الزيت الى اول حطي عليه ثلاث حبات هيل وقطعه قرفه وقطعتين صغيره شيبه الى تنحط على الشوربه لاتستغربون والله ينات تعطي الرز نكهه غريبه تجننن بس لاتكثرين وجيبي الشعيريه وكسريها على الزيت وقلبيها لمن تشقر وحطي الرز طبعا بعد غسله وقلبيهم بالزيت شوي وصبي عليه المويه وغطيه لمن يستوي وشوفي الكفته لاتنشف مويتها واذا استوت حطيها في صحن وحطي معاها الرز وكليها وادعيلي ...ادري اني بربرت كثير بس النوم بدا يأثر علي وقاعده اكتب الموضوع للمره الثانيه تخيلوا على اني بطيئه يعلق الجهاز واعيد الموضوع بعد ماخلصته

واخيرا بوكيه ورد للي يدخلون ومايردون (احرجهم عشان يردون )>>> وحده مشفوحه على الردود