دجاج مشوي بالفرن بالصور خطوة خطوة من مطبخي يهووووس (لا يفوتكم)

**ام مودي** · 11-10-2004, 09:43 AM

مرحبا..
اليوم راح نعمل دجاج مشوي بالفرن مع الخضار ..يااااا سلام شو طيب شوفو ز وانتو الحكم و قولولي الريحة وصلت لعندكم ولا لا

نبدا بسم الله الرحمن الرحيم.

المتطلبات بدون مقادير
دجاجة كاملة مغسولة و منظفة بالخل و الملح و الطحين عشان الزفرة ..بصلة كبيرة مفرومة و مخلوط معها بهارات متل الحبهان و الكركم و فلفل اسود و بهارات الدجاج..تقريبا راس ثوم و اكتر مدقوق و ايضا مخلوط معه البهارات..خضار مشكلة متل ذرة حبيبات و بيبي كورن(عرانيس ذرة صغيرة) و بازيلاء و جزر و بطاطا مقطعين و مشروم..حبة بندورة مفرومة و ممكن صويا صوص و ملح طبعا و كيس الشوي الخاص بالفرن حجم كبير

الطريقة:

قومي بعمل فتحات بالدجاجة بواسطة السكين(فتحات او شقوق كبيرة)و رشي عليها الهيل و فلفل اسود و قرفة و كركم و بهار مشكل و ملح و قليل من الصويا صوص و افركيه الجاجة بهم جيدا من الداخل و الخارج و بالفتحات هكذا

احشي الشقوق بالثوم و حاولي تفركي الدجاجة بخلطة الثوم انت و بتحشيها هكذا
عند الصدر

و عند اللافخاد و الاوراك

و احشيها من الداخل بالبصل المفروم و المفروك بالبهارات

قلبي الخضار مع بعض و ضعي عليها القليل من الملح و الفلفل الاسود

ضعي القليل من الخضار داخل كيس الشوي

يتتتتتتتتتتتتتتتبع

**ام مودي** · 11-10-2004, 09:51 AM

ضعي الدجاجة على الخضار و وزعي باقي الخضار حولها

اغلقي الكيس جيدا و اعملي فتحة صغيرة بالكيس

و ادخليها الفرن لمدة ساعة و نص تقريبا الى ان تستوي و بعدها حمري الوجه ممكن اضافة القليل من الصويا صوي لتعطي لون و قدميها..
تفضلللللللللللللللوووووووووووووووووو

تقطع و توزع مع الخضار...و لا تنسو السلطة

تحيااتي

**رندوش** · 11-10-2004, 10:03 AM

السلام عليكم ورحمة الله وبركاته

ام مودي الله يفتح نفسك بتشهي بس عندي سؤال
الثوم ضروري يمكن بيعمل طعم ثاني
بجرب بالثوم و بقلك انا ما بحب الثوم الا للضروره

تسلمي

**ام مودي** · 11-10-2004, 10:08 AM

اهلين رندوش تسلمي عالرد الحلو
انا بالنسبة لي بحس الثوم هو اللي بيعطيها الرائحة اللذيذة و الطعم الرائع ممكن تقللي الكمية لو حابة و لو انو من رايي هيك اطيب.
جربيها و راح تعجبك
و صحتيين و الف عافية مقدما و انتظر رايك فيها
تحيااتي

**samra** · 11-10-2004, 11:00 AM

تسلم ايدكى يا ام مودى ..........شكلها يفتح النفس فعلا بس يا ترى ممكن تقوللى على كمية البهارات المستخدمة مع الفراخ لانى مرة جربتها بس كمية البهارات كانت مش مظبوطة طلعت مش قد كده

**lily** · 11-10-2004, 11:20 AM

يمي يمي .. شكلها فعلا بشهي ويفتح النفس ان شاء الله راح اجرب الطريقه
شرح كافي ووافي مشكوره حبيبتي

**وعود الخير** · 11-10-2004, 11:30 AM

ربنا يفتحها عليك.. أنا عادة باحشيها بالخضار بس طريقتكتك روعة....
أنا فكرت وفكرت ومن بعد تفكير عميق قررت:
أن أبدأ بإجراءات الهجرة إلى كندا .. والبحث عنك بواسطة الانتربول بتهمة اتقان الأكلات الشهية...

لك يسلموا هالأيادي ان شاء الله تعالى بتتناولي كتابك بيمينك...

طيبة وشهية وصحية.. شو بدي احكي كمان...
ربنا يرزقك الجنة... بس بيبي كورن مافي .. ممكن حبات ذرة .

**(راما)** · 11-10-2004, 11:31 AM

أكلة تفتح النفس !!! سلم ايديك...

**عواصف شوق** · 11-10-2004, 11:32 AM

مشكوورة عزيزتي...
يعطيك العافية...

**ام مودي** · 11-10-2004, 12:25 PM

كتبت بواسطة samra

تسلم ايدكى يا ام مودى ..........شكلها يفتح النفس فعلا بس يا ترى ممكن تقوللى على كمية البهارات المستخدمة مع الفراخ لانى مرة جربتها بس كمية البهارات كانت مش مظبوطة طلعت مش قد كده

تسلمي يا سمرة
بالنسبة للبهارات صراحة انا اضع عالبركة و ما بقيس بس انت لا تكتري تقريبا من كل نوع ربع معلقة ..عالدجاجة مثلا من كل نوع ربع و على خلطة الثوم من كل نوع ربع و على البصل ايضاهذا اذا البهارات متعددة
مثلا ضعي ربع حبهان و ربع قرفة و ربع فلفل اسود و ربع كركم و ربع بهار مشكل
يعني لا تكتري حتى ما يغطي طعم البهارات عالاكل و لو قللتي ما فيش مشاكل
و صحة و عافية مقدما
تحيااتي