وحشتونىىىىىىى كتير
واعذرونى لغيابى علشان فترة الوحم عندى شديده شويه
بناهد مع الكمبيوتر والكمبيوتر يناهد فيا
لكن الحمد لله بالف الف وارجعلكم
المهم راجعه اليوم ومعايا الاطباق التركى
واشهر الاطباق التركى كانت انواع واشكال من الكباب واللحمه المشويه
واضح من اسماء الاطباق انهم لما يحبوا يحتفلوا بسلطان من السلاطين يعملولوا طبق وتوليفه من الكباب خاصه به واهم ما فى الموضوع ان الطبق بيكون بأسمه

المهم من الذ واخف الاطباق
الاسكندر كباب ISKENDER KABOB
والادانا كباب ADANA KABOB
Cagirtlak Kebabi ( شارتلك كباب ) وبيكون كباب حار جدا
وكباب البازنجان EGGPLANT KEBAB
وارز تركى خطيييييييير Turkish Pilaf
with Chickpeas

نبدأ

الاسكندر كباب ISKENDER KABOB

الطبق ده ملعبك شويه لكن لذيذ جدا
بيتكون من 4 طبقات

اول طبقه خبز محمص
تانى طبقه اللحمه وهى عباره عن قطعتين ستيك بينهم لحمه مفرومه
ثالث طبقه صوص الطماطم
ورابع طبقه صوص الزبادى

نتكلم على تانى طبقه وهى اللحمه
1/2 كيلو لحمه مفرومه
تتبل بملح وفلفل وناخد منها جزء ونضعه بين قطعتين ستيك متبلين بملح وفلفل واضغط عليهم براحة يدى علشان يمسكوا فى بعض

والفهم باكياس وادخلها الفريزر لتانى يوم واطلعها واتركها ساعه فقط وقبل ماتفك من التلج نهائيا بقطعها ترنشات

,واقليها فى قليل من الزيت فى مقلايه وبعد النضج اضعه فوق العيش المقلى

اول طبقه عباره عن عيش بيتى مقطع مكعبات ومقلى فى قليل من الزيت ايضا

ثالث طبقه صوص الطماطم
4 طماطم كبيره معصوره ومصفاه
2 م ك زيت
1 م ك صلصه
ملح وفلفل

الطريقه
اضع الزيت على النار وعليه الصلصه مع التقليب واضيف عصير الطماطم والملح والفلفل واتركها تتسك على النار واضع منها فوق اللحمه

واخر طبقه طبقة الزبادى
2 كوب زبادى
فص توم مفروم
قليل من البقدونس المفروم
م ص مسترده
قليل من الزعتر والكمون والبابريكا
واقلبهم كلهم مع بعض
ويزين به فوق صلصة الطماطم
وكان عندى باقى بازنجان وفلفل مقلى زينت به الطبق

وبكده خلصنا كباب اسكندر باشا

ندخل فى اللى بعده

ادانا كباب ADANA KABOB
المكونات
1 كيلو لحمه مفرومه
1 بصله كبره قطع صغيره
1/3 كوب بقدونس مفروم
ملح وفلفل
بابريكا وشطه
كمون

الطريقه اخلط كله على بعضه

واتركه ساعه واصبعه حول الاعواد الخشبيه واشويها فى الفرن
وانا زينتها بصوص الزبادى السابق

وعملت كباب لحمه Cagirtlak Kebabi ( شارتلك كباب )

لجمه لبانى
ماية بصل
ملح وفلفل
بهارات لحمه
شطه كتير لانه بيكون حااااااااااااار جدا
واتبلهم فتره وادخلهم بالاعواد واشويهم

كباب البازنجان EGGPLANT KEBAB
المكونات
4 بازنجانه
4 طماطم
4 فلفل حار كبير
1/2 كيلو لحمه مفرومه

1 بصله كبيره
1 م ك بقسماط
1 م ص فلفل اسود
2 م ص ملح
1 م كمون
4 م ك زيت زيتون

اتبل اللحمه المفرومه بالبصله والبهارات
واخلطهم جيدا واتركهم وفى نفس الوقت اقطع البازنجان شرائح سميكه وارش عليهم ملح علشان ينزل مايته
واكور الكفته واضعها بالتبادل مع البازنجان وارش عليهم الزيت وادخلهم الفرن ومعهم الطماطم والفلفل الاخضر الفرن اللى ان ستوى اللحمه والبازنجان ودوبوا مع الصينيه وادعولى








واخيرا الارز التركىىى الخطير
Turkish Pilaf
with Chickpeas

المكونات
1 كوب رز بسمتى اسمر (مفيش اسمر جيبت ابيض وخليته اسمر قولى ازاى)
2 كوب ماء
1/2 م كمون
ملح

بصله قطع صغيره
3 بازنجانه كبيره مقطعه مكعبات ومرشوشه ملح ومنزله مايتها ومقليه
1/2 كوب مرقه
حمص مسلوق
1/4 م كمون
اطماطم كبيره مكعبات
1/4 كوب بقدونس
ملح
2 م ص صلصه

الطريقه
وضعت الرز الابيض مع الماء مع الملح والكمون على النار وعلشان يسمر وضعت عليه 4 م ك صويا صوص و2 م ورشيستر اختيارى
وكنت متخاوفه من الطعم
لكن الطعم لوحده يهبل من غير باقى الاضافات
واسوى الرز على النار

واحضر طاسه اخرى
واضع بها قليل من الزيت وعليه البصل تقلبتين وعليه البازنجان





وبعد التقليب اضيف الصلصه والطماطم وباقى المكونات
يسبكوا مع بعض تمام وبعد ما يجف الصوص قليلا


اضع فوقه الرز المطبوخ
واقلبهم واقدمهم وازين الطبق بالبقدونس

ماشاءالله غاليتي أطباق في غاية الرووووووووووعه وشكلها بيشهي سلمت الأيادي

روعه حبيبتى ماشاء الله والرز يجنننننننننننننن

تسلم ايدك على أطباقك الشهية

تسلم ايييييييييدك بجد هااااااااااااااااااااااااااا يليين هالطباق وبيشهوو كثير

ما شاء الله برنسيسه
تسلم ايديك على اطباق الكباب اللي بتشهي
بالف صحه وهنا يا رب
والف الحمد لله على السلامه

تسلم ايدك على أطباقك الشهية

تسلم الأيادي الأطباق شكلها ما شاء الله تحفة

ما شاء الله
وزي ما يقولوا من غاب جاب الغنايم


تبارك الرحمن أطباق روعه وصور أروع
والريحه وصلت لعندي