الفطير المشلتت و منه حلو و كمان بالتصوير الممل//طبق متميز//

**سائله الرحمن** · 02-03-2006, 03:21 AM

السلام عليكم ازيكم و حشتونى ليه فتره ما دخلتش المنتدى و ما كتبتش حاجه المهم جايبالكم الفطير المشلتت و منه حلو

المقادير على حسب اسرتك انا عملت كيلو الا كوبايه و م\ص ملح و ميه حسب العجن انا اخد معايه كوب و نص ميه

بس عجنتها فى العجانه و بعدين لتتها عاى ايدى شويه بسيطه لغايه ما تكون لينه و ناعمه نسيبها ترتاح ربع نص

ساعه و ده شكلها بعد ما ريجناها على فكره انا عملت من المقدار ده 2 فطير مشلتت و2 فطير حلو

بعدين نقسمها 2 كبار شويه و 2 اصغر و ممكن نخليهم 3 كبار و نصغر 2 التانين و نبتدى نفرد و لو اتقطعت منك

مافيش مشكله و بعد الفرد تكون رقيقه ندهنا بالسمن اللى سايحناه دهن باذمه

**سائله الرحمن** · 02-03-2006, 03:32 AM

[IMG][/IMG]بعدين بدأن اتنيها و مع كل تانيه ندهن بالسمن

لغايه ما نوصل للنهايه نبدأ نلفها من الاخر كده و برضه مع الدهن بالسمن و كل ما تلفى شدى العجين شويه

الطرف الاخير دخليه فى نص الفطيره كده و حطيها فى طبق كبير و سبيها كده

**سائله الرحمن** · 02-03-2006, 03:46 AM

[IMG][/IMG]بس كده نسيبها ترتاح لغايه ما نفرد الفطيره التانيه و نعملها زى دى بالزبط و بعدين نفرها يا بالنشابه ( الشوبك)

او بايده نبططها و هى سهله فى تبطيطها باليد و بعدين نحطها على الطاسه او الصاج على الفرن و تكون سخنت و

بعدين نحطها و نوطى النار قوىو كلما كانت الصاجه تخينه يكون احسن و اول ما تبدأتحمر شويه من تحت نقلبها

على الناحيه التانيه و بعدين لما تحمر شويه نرجع نقلب على الناحيه الاولانيه لغايه ماتتحمركده علشان تستوى

براحه و سيبيها ماتستعجليش عليه و كل ما كانت فرده رقيق مش هاتاخد وقت منك فى انها تستوى و دى الصور

**سائله الرحمن** · 02-03-2006, 03:55 AM

ده المشلتت بس نبدأ فى الحلو يا حلوين

ناخد قطعه من اللى قسمناهم الصغيرين و نفرده و نحاول انها تكون مربعه شويه و ندهنها بالسمن و نطبقها من

ناحيه و ندهن و نطبق الناحيه التانيه و ندهن و نحط الحشو كان عندى توفو سكر عملتاه كراميل و ضفنا عليه

قشطه خفق بس مزوده القشطه شويه يعنى سايله شويه و بالملعقه رشيت شويه و بعدين جبت مكسرات و

جرشتهم و معاهم جوز هند و زبيب و م\ك سكر و خلطهم و رشيت الفطيره و طبقتها بالشكل ده و حطيتها فى طبق و

سبتها لغايه ماعملت اختها

[IMG]

[IMG]

**سائله الرحمن** · 02-03-2006, 03:57 AM

**سائله الرحمن** · 02-03-2006, 04:00 AM

[IMG]

باين عليه هانجت مش عارفه ليه الصور بتتلخبط و كمان مش راضيه تطلع الساعه عندى 2 الفجر و مش قادره اكمل بس

هاكمل لان ما صدقت بنتى نامت قلت اخلص الموضوع بس لو الصور ماظهرتش سامحونى مش بايدى

**سائله الرحمن** · 02-03-2006, 04:05 AM

يارب الصور تظه

**سائله الرحمن** · 02-03-2006, 04:08 AM

ودى كمان

كمان

**سائله الرحمن** · 02-03-2006, 04:13 AM

يا مسهل

وده الشكل النهائى بعد ماسويته زى المشلتت و هى سخنه قطعتها و رشيت عليها التوفو و ممكن نحشيها مربى و

نرش سكر بودره على وش الفطيره و بالهنا و الشفا كمان المشلتت بيتاكل مع احلى شىء العسل الاسود و ممكن

معاه طحينه و يا سلام لو فيه جبنه قريش