شعار♥حلى متميز♥ كيكه السبانخ خلي الضيوف لما يشوفوها يقولوا الدنيا اخضرت كده ليه

صباح الفل والورد والسبانخ والملوخيه والخس كمان هههههههههههههههه

كيف حالكم وشو اخباركم اليوم جبت معي كيكه خضره بس كل من شافها قال واشي يفرك عيونه ويقول شومالها الدنيا ههههههه
الطريقه عندي من سنتين وزياده من الاخت منى الله يرضى عليها ومين يومها لليوم كل ما ينزل السبانخ بعملها دايما لونها شو حلو رح تحكولي في كيكه نعناع بس هاي اللي بسبانخ لونها اخضر خضارها احلى من كيكه النعنع
يعني لونها حلو بشهاده الكل لاني مجربها كثير وعلى فكره ما تخافوا السباخ مارح يعطي اي نكهه بس اللهم اللون وخلص وهيني باكد انه مافي اي طعم للسبانخ بالمره
رغيت كثير صح يلا نبدا بالمقادير -- هاي مقادير مضاعفه ممكن تعملوا النص عملتها في قالب كبير--
3 بيضات حجم كبير او 4 صغار
2 كوب سكر
كوب زيت
2 ملعقه كبيره حليب
3 ونص كوب دقيق
2 ملعقه كبيره بكنج باودر
كوب سبانخ مسلوق ومصفى -- سبامخ مغسول ولما تغلي المي حطي السبانخ بس يتغير لونه للفاتح وبعدها صفيهن وخلص --
كوب ماء ويمكن اقل حسب ما توخد الكيكه
وممكن تزينيها في اللي بدك اياه بس انا خليها ساده

هي السبانخ قبل السلق بس مش عارفه اللون طالع مش مزبوط

بس يادوب نحطهن ويختلف لونهن بالماء

ويصيروا هيك بعد السلق

وطبعا نكون قد حضرنا الخلاط ونضع فيه البيض والسكر والزيت والحليب ونخفق ونضيف شويه ماء وبعدها نضيف السبانخ ونتركها تنخفق مليح

ما تخافوا السبانخ رح يذوب كله زرح يصير الخليط اخضر
وبعدها نضيف عليه الدقيق والبكنج باودر خارج الخلااط علشان بيصير الخليط جامد ومار يمشي الخلاط مليح
ونصبها في القالب

وهيك بعد ما تطلع من الفرن

معلش كنت مستعجله كثير ما زينتها وقطعتها بسرعه بس هي قطعه على الماشي اتفضلوا

وصحتين وعافيه على قلوبكم
والشكر كل الشكر لصاحبه الموضوع الاصلي الاخت منى ربنا يوفقها
||| الكيكة الخضراء بالمكون السري ||| بالخطوات المصورة من مطبخي
هي الموضوع الاصلي للي بحب يشوفه

بصراحة أول شي خطر ببالي هو كيف تغلط هنلي هالغلطة وتنزل طبق مالح هنا
بس بعدين شفتها وفهمت
بصرلحة ودي اجازف وأسويها لأنها فعلاً لونها حلو
يعطيك العافية حبيبتي

سباااااانخ

يوووه

كان سويتيها بالنعناع تطلع الذ

انا كنت جربت الكيكه الخضراء بس بالنعناع وطعمها كان مميز





ويعطيج العافيه

تسلم الأيادي عزيزتي هنلي

شكلها حلو والله يعطيك ألف عافية

وكل الشكر لك وللأخت منى

تسلم الأيادي هنلي,,

تسلم يديكي بس ممكن نستعمل السبانخ المجمدة

السلام عليكم
اختي ام عزيزان كيفك
عندي سؤال اذا ما في مانع بالنسبة لكيكة النعنع الي ساويتها انتي النعنع نضعه متل ما هو بالخلاط ولا بدو سلق

ومشكورة

هلا حبيبتي هنلي

كيفك الغالية انشاء الله طيبة ماشاء الله شكلها حلو
ولونها احلى شو ورانا نجرب هم فيها فايدة السبانخ مفيدة

تسلمي ياجميل

تسلم إيدينك أنا سويتها بالبقدونس وكمان نجحت معي

تسلمي يا افوفه لسه على الطبيعه احلى هيك الاخضر احلى من الصوره اخضر فرش قوي ان شاء الله تجربيها وتعجبك اختي

اهلين بالغاليه ام عزيزان انا زيك قلت يييييييي سبانخ وايامها وديت رساله لمنى وسالتها قالت مافيها اي طعم للسبانخ وبما اني بحب الاشياء الغريبه سويتها وسويت لدار عمي ولدار سيدي والكل يستغرب من لونها
اي نعم جربت كيكه النعنع بس هاي فرق لونها احلى من اللي بالنعنع
وحابه اسوي بالنعنع مره ثانيه بس بدي اسلقه شوي زي السبانخ لانه لما سويتها اول مره صار النعنع يعطي على بني شوي قلت بسلقه وبشوف بلكي اسويها بعدين ان شاء الله

تسلمي اختي دريم ليدي ان شاء الله تجربها وتعجبك اختي

تسلمي اختي ام لونه الصراحه ما جربتها بالسبانخ المجمد عندي سبانخ مجمد بس بخاف التجميد يعطي نكهه مش حلوه للكيك قلت استني موسم السبانخ احسن وهسه بدا الموسم
وبالنسبه لكيكه النعنع كثير جربوها بالركن واعجبتهم بس هاي خضارها احلى وشوفي بلكي الاسبوع الجاي انزل كيكه النعنع هي الطريقه انك تحطي النعن من دون سلق والكل بيعملها هيك بس انا ان شاء الله رح اجربها مع سلق بلكي طلع اللون الاخضر في الكيكه حلو


تسلميلي يا عذوبه على التميز ان شاء الله تجربيها وتعجبك