الكنافه الكذابه سهله وسريعه وماتاخذ وقت واكيد صورتها لكم :)

**ام عزيزان** · 15-11-2005, 05:58 AM

طبعا اللي تشتهي الكنافه بوقتها وماعندها شعرية الكنافه ممكن تعملها بالتوست

وماتاخذ وقت وسهله وسريعه

الطريقه جدا سهله

تاخذين كيس واحد توست وتنزعين عنه اطرافه

وتبدين تفتتييين فيه لما يصير عندج فتات صغير جدا

تاخذين ثلاث ارباع قالب زبده صغير 113غ وتذوبينه وتحطينه على التوست وتبدين تفركين فيهم لما التوست يبدي يتشرب الزبده كلها

بعدها صفي نص مقدار التوست مع الضغط عليه في القالب وحطي الحشوه ( 2 علبة قشطه مع كيس جبن موزريلا... واللي تحب طعم الجبن اكثر تحط قشطه وحده بس )

وبعد الحشوه تحطين باقي التوست وتفرشينه اشوي اشوي مع الضغط القليل على الحشوه

دخليها الفرن حتى تتحمر من فوق وتحت وتاخذ تقريبا ثلث ساعه

وعلى طول من اطلعينها من الفرن اسقيها بالشيره وزينيها بالفستق ... انا وقتها ماكان عندي حطيت شرايح اللوز عليها

وعليكم بالعافيه

يا بنات عندي ملاحظه

انا جربت اذوب الجبن يعني اطلعه عن الفريزر واخلطه بالقشطه بس هذى الطريقه تخلي فرش الحشوه اشوي صعب لان الجبن يكون طري وذايب

بس المره الثانيه جربت اني اطلع الجبن على طول من الفريزر وهو مجمد وطبعا متفكك عن بعض ومبشور اخلطه مع القشطه راح يعطيني سهوله بفرش الحشوه على الكنافه او التوست

**ريحانة الجنة** · 15-11-2005, 07:33 AM

ياهلا ويامرحبا بأختي أم عزيزان انتي هنى في منتدى لك وانا ماعندي خبر يامرحبا يامرحبا وتسلمين والله يعطيكي العافية ويبارك فيكي يالطيبة على الكنافة اللذيذة

**~الكادي~** · 15-11-2005, 08:22 AM

ام عزيزان هنا..
يامرحبا يا مرحبا..وانا مجربه اكله وحده لكي ولذيذه ..بس من المدح في عالم حواء شكل اكلاتك كلها لذيذه..

**طيـــف** · 15-11-2005, 12:38 PM

يااااااااااااااااااقلبي ع التفانين

رائعه مشاءالله عنا ستات بيوت بيحكي التاريخ عنهم

يسلمو ايديكِ

**شفق** · 15-11-2005, 12:41 PM

طريقه حلووه ..

تسلم ايدج : )

**شيز كيك** · 15-11-2005, 12:44 PM

طريقه راااااااااااااااائعه

تسلم الاياااااااااادي

**اليلاس** · 15-11-2005, 01:31 PM

عاشت ايدك يا ام عزيزان عن جد اكلاتك بتشهي ووصفاتك بسيطة التطبيق وواضحة الشرح
مشكوووووووووووووورة
بس ممكن تقوليلي كم قطعة من التوست اخذت معاكي؟؟
لأن بصراحة لما طلعت اشتري كيس توست لقيت في عبوات مختلفة الاحجام