احنا نقدر ننساكى برضة يا قلب فاضى
بالنسبة لموضوع مخدر
انا بصراحة عمرى ما فكرت فية بينى وبينك بخاف لو استعملتة ومحسش بالالم انى اعمل بالسويت جامد واعور نفسى وانا طبعا مش حاسة بأى حاجة
بس هاقولك حاجة حلوة اوى خففت لى الالم بنسبة 80%
انا جربت معجون الاسنان
يعنى حطية كأنك بتحطى كريم عادى وسيبية لمدة 5 دقايق هاتحسى بتنميل
ابدأئى انتى بقى بالسويت او بالسيلك بيل
لو مصرة على مخدر
يبقى اكيد صيدلية الطرشوبى اللى ف السكة الجديدة
فى بنات هناك
اسألى اى بنت فيهم
بالنسبة ل بلو
البودرة المائية دى دماااااااار
وكذا حد قدامى قال انها مش دايما حتى بتبقى الاصلى وتقريبا بعد وقت قصير البودر بتحبب
انا اساسا كام عندى واحدة صاحبتى بتستعملها عايزة اقولك وشها بيبقى عامل زى ما تكون حاطة ماسك غير انها ف العرق بتسيح وتبقى مجيرة من تحت المناخير وحوالين بقك
وبتقفل مسام الوش وتقريبا بتمتص المية اللى ف وشك كلها يعنى من الاخر مشروع فاااااااااااااشل
بصى يا بلو
انا من رأى الشخصى علشان متستهلكسش بشرتك من كريمات الاساس وكدة
كفاية اوى الصبح كريم مرطب وفوقة بودرة دوف اللى قولت لك عليها دى بتفتح لون البشرة وبتدى مظهر طبيعى خالص المهم توزيعها حلو على وشك
الكومبكت بفضل اكتر تبقى بالليل لآنها فاتحة اوى
انا بشترى دايما البودر من محل بيوتى اللى ف السكة الجديدة
بس خلى بالك فاصلى معاهم
ونصيحة اشترى النوعين(دوف)
البودر العادى والكمبكت
صدقينى هايعجبوكى اوى
الروابط المفضلة