قديم

حبيباتي العزيزات

كل عام وانتم بخير

كلها كم يوم ونخلص من هم الإختبارات

....ونرتاح شويه وتبدأ إجازة الصيف

وأكيد كل أم خطر في بالها أيش في مفيد في الصيفيه أشغل فيها اولادي وبناتي؟؟؟

وهنا انا فكرت في طرح هذا السؤال لكل من توصله هذه الرساله

إذا في أي برامج صيفيه ترفيهيه

لامنهجيه

فيها شوية إيمانيات وتعليم قيم نرسلها لبعض

ونتبادل ارقام تلفونات هذه المراكز ونرسلها لبعض بواسطة البريد الإلكتروني

طبعاً المراكز أكيد للأولاد والبنات من جميع الأعمار

جزاكم الله خير جميعاً

فقيرة إلى الله جدة

السلام عليكم ورحمة الله

اش رأيك يافقيرة إلى الله ننقل الموضوع للإخاء ونقعد نفضفض ..؟

بصراحة جدة تغيرت علي كتييييييييييييير .. أنا لي كم شهر هنا ماكملت سنة .. كنت عايشة هنا قبل 8 سنين وبعدين رحت أمريكا .. ورجعت .

يوم الجمعة رحتRed sea mall وبصراحة صعقت من حال الناس والإسلام .. يعني الحجاب صار يبكي .. والتربية انعدمت .. والأطفال مع الشغالات والسواقين .. مدري فين الأمومة وفين المبادئ .

طبعاً نحنا على قول مدير مدرسة اولادي جايين من امريكا ومن بيئة مختلفة ومبادئ مختلفة .. نفسي اقوله بيئة اسلامية ..

المهم ياعمري قبل شوية اتصلت على مدرسة التعاون الأهلية اسألهم عن الصيف طلعوا ماقرروا شي لسة

لو عندك رقم مدارس الأقصى ياريت تعطيني هو .. أنا ساكنة جنب الجامعة عشان عمل جوزي .. وبصراحة مرتااااااااااااااحة السليمانية بلازا والأندلس مول أحسن مليون مرة من مولات شمال جدة .

انتظر معلوماتك .

هلا حمرة الورد
اما حكاية الاولاد مع الشغالين والسواقين معليش اعذريهم اصله فيه اباء ما يفضوا لعيالهم يا اما في الشغل ياما راجعين تعبانين ويبغوا يناموا حتى الخميس والجمعة يبغوا يعوضوا النوم مو معقولة العيال يفضلوا محبوسين بين اربع حيطان لا ترفيه ولا نوادي بانتظار ابوهم الموقر
ما نقول غير اللهم لا عيش الا عيش الآخرة
وحسبنا الله ونعم الوكيل
ما باقي غير يعملوا شركة لاب مستعار

والله شي محزن .. أمريكا كانت اهون كثير ..

طبعاً انا ماشفت غير جدة لأني عايشة فيها الله اعلم عن الباقي ..

ننتظر إضافات الأمهات .. ورح ارجع انا اتصل بمدرسة التعاون اشوف اش البرنامج الصيفي بالضط . وادور عن برامج البنات إن شاء الله .

شكله مافي حركة الا بعد الإختبارات !!

حمرة الورد انا اايدك في كلامك وانا دايم اروح الاندلس مول علشانه
اهون من الردسي وغيره اللي بشمال جده
وانا اسمع عن مركز الموده للبنات انه كويس وقريب منك
وبحاول اجيبلك رقم الاقصى

هلا بجميع اخواتى صراحة الاندلس مول حلو للاولاد وكان عندى فكرة انى نعلم اولادنا وندربهم على التزلج بطريقة حلوة بهل الصيف وممكن نعلمهم السباحة بالاضافة الى تعليمهم ايات من القران من جزء عم والله يقدرنا على جعل ايام الصيف لينا ولاولادنا كلها طاعة لله والله الموفق

ياليت تدلوني على مركز قريب من بيتي أنا في شمال جدة
وولدي 6سنوات ونص

واحب اضيف انه مدارس التقوى الاهليه بنات بيعملو مركز صيفي

ربي يعينكم

اجل رحت ياحمرة ريد سي مول شفت كيف الهم اللي فيه

انا رحت مرة وشفت الهنا اللي فيه وقرفت منه

الله يوفقكم ويعينكم على تربية ابنائكم في جو مثل هذا

والمدينة في طريقها لنفس الوضع.

ربي يحفظنا ويستر على بناتنا .

السلام عليكم كيفكم ياأهل أحلى مدينة جددددددددددددددددددددددددددددددة
الله يصلح حالها ويرفع شأنها في الخير دائماً
حابة أبشركم شئ >>> زي ما جدة فيها الفساد الظاهراللي كلنا متضايقين منه بس والله النشاط الدعوي فيها ممتاز ومتميز جداً وصدقوني مهما الزمن طال راح يظهر الخير وتتبدل الأحوال للأحسن المهم لازم نبذل جهدنا أكثر ونقاوم المنكرات بصورة صريحة ومانكتفي بالعزلة والسكوت ونربي في أطفالنا المسؤولية وصدقوني راح تتغير الأحوال.

بالنسبة للمراكز الصيفية أنا بصراحة ماعندي خلفية بالنسبة للأولاد لكن أسمع عن الأقصى أنه كويس وبرضو التعاون
أما البنات ففي الجنوب <<< فيه التقوى بحي النسيم
وفيه مرافئ الوداد في السليمانية أو الجامعة راح أجيب لكم الرقم لما يتوفر لي
وفي الشمال << يوجد الشقائق مكانه لسه ماأعرفة بس اللي حابة تستفسر تتصل على هذا الرقم 6900011وتسأل عن الملتقى الصيفي
وعلى فكرة هم على طول السنة عندهم ملتقى للفتيات يوم في الأسبوع أيضاً متميز.

كمان فيه مدارس القلم بحي بني مالك برضو القائمين عليه كويسين وبرامجهم حلوة .
هذا اللي أعرفه وإن شاء الله أكون أفدتكم.. دمتم بود