انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 8 12345 ... الأخيرالأخير
عرض النتائج 1 الى 10 من 80

زيارتي للحرم الابراهيمي في الخليل ... بالصور المفصله والمعلومات[ صور تستحق المشاهدة]

(السياحة والسفر - منتديات لكِ النسائية - الأرشيف)
...
  1. #1
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة

    زيارتي للحرم الابراهيمي في الخليل ... بالصور المفصله والمعلومات[ صور تستحق المشاهدة]




    السلام عليكم
    طبعا الي بجوز سنه او اكثر واعدكم احط موضوع سياحه في فلسطين بس بسبب الخدمه كان صعب علي
    وحتى كان عندي صور قديمه ومش واضحه بس الحمد لله رحنا مره ثانيه وصورت على كيفي
    كانت الزياره الجمعه اللي راحت بتاريخ 9/5/2009 طبعا الطريقه من قلقيليه الى الخليل ساعتين الا اذا وقفونا على حواجز
    المهم رحنا عن طريق وادي النار طبعا الاسم مخيف واللي راح هناك اولها بيخاف لانو الطريق على جبال بس اللي بيتعود عادي يعني كل الطريقه ما بتوخد 10 دقائق
    اول اشي بنفوت مدينه بيت لحم وبعدها الى الخليل وتبعد 23 كم
    هي معلومات عن الخليل وطبعا في معلومات ثانيه راح احطها مع الصور

    بسم الله نبدا

    "الخليل" مدينة فلسطينية تقع إلى الجنوب من القدس في الضفة الغربية، وتبعد عن القدس حوالي 35 كم، وتعتبر أكبر المدن الفلسطينية مساحة..ويعود تاريخها إلى أكثر من 3500 سنة ق.م. حيث كانت تدعى "قرية أربع" نسبة إلى منشئها الملك "أربع العربي الكنعاني"
    وحكم الكنعانيون المدينة خلال الفترة بين 3500 1200 ق.م، وفد إليها نبي الله إبراهيم عليه السلام في القرن التاسع عشر ق. المجتمع ، وقد دفن فيها هو وزوجته سارة وولده إسحاق وزوجته رفقة، ويعقوب وولده يوسف، بعد أن تم نقل جثتيهما من مصر..
    وخضعت المدينة لحكم العبرانيين الذين خرجوا مع موسى من مصر، وأطلقوا عليها اسم "حبرون"، وهو اسم يهودي يعني عصبة صحبة أو اتحاد، ثم اتخذها "داود بن سليمان" قاعدة له لأكثر من سبع سنين.
    وعندما احتلها الصليبيون عام 1099م أطلقوا عليها اسم "إبراهام"، ثم عادت إلى اسمها الخليل بعد جلاء الصليبيين عنها. وتعتبر مدينة الخليل ثاني المدن المقدسة في فلسطين عند المسلمين، وتضم الكثير من رفات الصحابة؛ وفي مقدمتهم شهداء معركة أجنادين..
    في عام 1948م احتلت المنظمات الصهيونية المسلحة جزءاً من أراضي قضاء الخليل الذي يضم (16) قرية، واحتلوا الخليل في عام 1967م.

    الحرم الإبراهيمي هو بناء في وسط مدينة الخليل، يعتقد أتباع الديانات السماوية بأن جثمان إبراهيم موجود فيه. يحيط به سور كبير يرجح أن أساساته بنيت في عصر "هيرودوس الأدوي" قبل حوالي ألفي عام،

    ويقع الحرم الإبراهيمي جنوبي شرق مدينة الخليل، ويحيط بالمسجد سور عظيم بسمك ثلاثة أذرع ونصف من كل جانب، عدد مداميكه من أعلى مكان، عند باب القلعة من جهة الغرب 15 مدماكاً، وارتفاع البناء من ذات المكان عند باب القلعة جهة الغرب 26 ذراعاً عند الطبلخانة (مكان دق الطبل) وعرض كل مدماك من السور نحو ذراع وثلث ذراع.

    قسم الحرم منذ المجزرة التي وقعت 25-2-1994م باروخ جولدستين ، وهو طبيب يهودي و المنفذ لمذبحة الحرم الإبراهيمي في مدينة الخليل الفلسطينية في 1414 وراح ضحيتها 29 شهيداً وجرح 300 مصلٍ إلى قسمين غير متساويين بين المصلين للفلسطينيين والمستوطنين اليهود، حيث خصص لليهود أكثر من 65% من مساحة الحرم البالغة 4 دونمات، و35% فقط للفلسطينيين، وما تبقى لنا كمسلمين فقط هو مقام النبي إسحاق عليه السلام وزوجته السيدة رقية، وجزء من مقاميْ النبي إبراهيم عليه السلام وزوجته سارة، وهذا الجزء يتمثل في نافذة، ينظر من خلالها للمقاميناحتل اليهود الحضرة الإبراهيمية والحضرة اليعقوبية ومعظم الحضرة اليوسفية، والصحن والمنبر والبهو الداخلي الكبير، وحظرت على المسلمين دخولها، وخصصت لهم مساحة ضيقة للصلاة في الحضرة الإسحاقية والجوالية
    ويوجد في داخل الحرم وما حوله 29 كاميرا تصوير وأجهزة لالتقاط الصوت عن بعد، وتتم مراقبة المصلين أثناء دخولهم وصلاتهم وخروجهم من المكان

    يعتبره المستوطنون اليهود مكاناً خاصاً بهم، ويتمتع بقدسية كبيرة من جانبهم، حيث يتم إغلاقه بالكامل أمام المصلين المسلمين خلال العام لعشرة أيام، ويقتصر الوجود اليهودي فيه أثناء أعياد "العرش، البيسح، التوبة"... وغيرها من الأعياد العبرية.


    طبعا طول طريق الخليل كلها كروم عنب وكان موسم العنب لسه طالع يعني شو ورق العنب يم يم بلاش افتح نفسكم

    هون مستوطنات على اليسار وكروم عنب على اليمين

    هي كروم العنب


    هون وصلنا للحرم طبعا في مدخل نركن السياره ونمشي يادوب 5 دقائق وفي مكان ثاني ندخل بالسياره
    بس طبعا ما سمحولنا لانه منطقه تابعه لليهود
    هون المدخل


    طبعا كلها محلات وعددها 800 محل او اكثر

    هسه شوفوا هذه الصوره الطابق الارضي طبعا محلات والطوابق اللي فوق يسكنها يهود
    وطبعا لاحظوا معي نص الصوره حضره جنابهم بيرموا الاوساخ واحجار على اللي بيمر في الطريقه للحرم
    طبعا مش حاطين عازل علشان بتصير المنطقه معتمه -- حاطين شبك -- شوفوا الشبك كله حجار واشياء يرموها اليهود علينا


    بعدها لازم تفتيش هاي الصوره مش مني من الحدى المواقع لاني خفت صور

    وهون قبل الحرم تفتيش

    هون الحرم الابراهيمي بالكامل
    آخر مرة عدل بواسطة هنلي : 10-05-2009 في 01:36 PM

  2. #2
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    هي كمان صوره للحرم من زاويه اخرى


    شوفوا الظلم اخدو تقريبا ثلثين الحرم وخلو الباقي للمسلمين شواو كيف التشديدات وداخل الدائره على الدرج هذه في نفس الحرم بس صار تابع لليهود


    طبعا فتشونا واخدوا الهويه -- طبعا كانو مانعين ناس كتير من نفس اهل الخليل يفوتوا يصلوا احنا اعبرونا سياح
    هون المدخل للمسلمين


    اسوار الحرم الابراهيمي




    هون في متوضأ للرجال


    ومن هون الطريق الى الحرم -- واجهت صعوبه كبيره لانه كل الصور تقريبا اشي ايدي واشي بناتي واشي ناس بالصور -- هذه مايا بنتي



    هذا الدرج المؤدي الى الحرم -- طبعا في كمان نقطه تفتيش


    نسيت خبركم انه اسوار الحرم عباره عن احجار صخريه كبيره بحجم 13 × 5 متر


    ما حدا يرد الا تا اخلص عندي صور كتير

  3. #3
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    اول ما نفوت في مصلى كبير للنساء -- عاد قبل المصلى في زي غرفه اذا حدا ما معو ملابس للصلاه -- طبعا هذا لانه في سياح بيجو من برا وما بكونوا محتشمين
    هذا مصلى النساء


    بعد ذلك يوجد غرفه طبعا هذه اليهود جزء منها وفيها قبر ستنا ساره زوجه سيدنا ابراهيم عليه السلام
    هذه الصوره المؤديه الى هذه الغرفه
    طبعا الباب هذا اثري عمره 2000 سنه عباره عن خشب ومغطى بالحديد


    هنا قبر ستنا ساره


    هون القبر من جوا
    طبعا في ناس بيحطو اشي شموع واشي خبز واشي نقود واشي رسائل
    وهم السياح اللي من اندونيسيا وشرق اسيا -- عندهم معتقدات


    وهون فوق القبر طبعا شكلها اله تصوير بس ما عندي خبره صراحه


    هون اول ما نفوت على الحرم على اليسار فن اسلامي


    وبعدها في هذه عندما ابر ببناء الحرم الابراهيمي مبين واضحه


    وهون جنبها في قال واحد من اصل يوناني كان كاتب هذه بس ما حدا عارف الترجمه
    طبعا اول ما فتنا وصلينا بعدها في هناك شخص كان يحكيلنا عن كل هالاشياء


    يتبع

  4. #4
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    هون المصلى اللي صار فيه المجزره عام 1994 في ومضان وقت صلاه الفجر -- كانو الناس ساجدين وطبعا تم اطلاق النار عليهم من الخلف
    في هذه الساحه
    على اليمين قبر سيدنا اسحاق على اليسار قبر ستنا رفقه زوجته -- عليهما السلام



    هي اثار الرصاص في المنبر وعلى الجدران


    وهذه كمان


    وهون على اليمين منبر صلاح الدين الايوبي


    هي هون اول واحد قبر ستنا رفقه واللي بعده على اليمين قبر سيدنا اسحاق عليهما السلام


    هون عن قريب فبر ستنا رفقه عليها السلام


    هون قبر ستنا رفقه عليها السلام



    هون قبر سيدنا اسحاق عليه السلام


    فبر سيدنا اسحاق عليه السلام --عن قريب

  5. #5
    تاريخ التسجيل
    Feb 2009
    الردود
    88
    الجنس
    امرأة
    شكرا يا هنلى والله متابعة معاك بكل شوق ولهفة والدموع فى عينى
    نحن فى انتظار البقية بس فى صور لم تظهر

  6. #6
    تاريخ التسجيل
    Feb 2009
    الردود
    88
    الجنس
    امرأة
    شكرا الصور ظهرت

  7. #7
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    هون قبر سيدنا اسحاق من الداخل -- عليه السلام



    وهنا قبر ستنا رقفه عليها السلام من الداخل -- معلش قمت بتفتيح الصوره كتير علشان تقرؤا شو مكتوب


    قبر سيدنا اسحاق وستنا رقفه في وسط المسجد -- طبعا في الجهه تبعت المسلمين لانو باقي الحرم اخدوه اليهود
    هسه نيجي للمنبر
    منبر صلاح الدين الايوبي
    موجود منه 3 في كل العالم واحد في القدس وقد احترق
    والثاني في المسجد الاموي في دمشق
    بس هذا المنبر اقدم اشي فيهم وعمره 900 سنه
    تم صناعته من 3000 قطعه خشبيه من دون ولا مسمار يعني كل القطع مركبه تركيب في بعضها البعض
    مصنوع من افضل انواع الخشب -- خشب الابنوس --


    كل هذه المعلومات الدليل الموجود بالحرم اخبرنا بها
    امر صلاح الدين الايوبي باحضار منبر عسقلان الخشبي الرائع الذي يعود إلى العصر الفاطمي، والذي أمر ببناءه بدر الجمالي قائد الجيوش الفاطمية، فأمر صلاح الدين بنقله من عسقلان التي قام بتدميرها، وتثبيته إلى جانب المحراب الذي أعاد بناءه في الحرم، وما زال هذا المنبر في مكانه، كأقدم منبر خشبي إسلامي ما زال مستخدما حتى اليوم، وهو الآن أجمل منابر فلسطين ومن أجمل منابر العالم الإسلامي، بعد أن حرق منبر نور الدين زنكي في المسجد الأقصى المبارك عام 1969

    المنبر عن قريب




    هون المنبر وكيف انو مصنوع من خشب الابنوس ومؤلف من 3000 قطعه خشبيه من دون ولا مسمار


    هنا باب المنبر واول شخص واول خطبه كانت لصلاح الدين الايوبي


    هنا صوره للمحراب طبعا في اثار الرصاص واضحه زي ما قلت قبل


    وهنا المحراب عن قرب


    وهنا السقف

  8. #8
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    شكرا لك اختي بت رملية والله انا قلبي راح ينفجر لانو شفت بعيني الذل والاهانه اتخيلي ناس الها من صلاه الظهر ناطره لتفوت ومانعينهم
    بس ما شاء الله كان عدد المصلين يوم ما رحنا 4000 واحد
    هيني بدي كمل ضيلي شوي يا اختي والا وسهلا بالجميع

  9. #9
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    هسه بعدها على ايدكم اليمين وانتوا فايتين في بعد قبر ستنا ساره عليها السلام
    في بعده الغار الشريف
    هسه الصور السابقه لقبر ستنا ساره وسيدنا اسحاق وزوجته رقفه عليهم السلام هو فعليا عباره عن مقام
    يعني مش مدفونين تحتها
    هما مدفونين اجمعهم في منطقه الغار الشريف وعمقه 16 متر تحت الارض او اكثر -- صراحه ما ركزت مليح لانو الشب بيحكي بسرعه وانا بصور وبنتفرج انا وزوجي والبنات بيشاغبو لهيك مش متاكده مزبوط
    بعدين الشخص اللي هناك حكالنا انو يعني القبور او التابوت بمعنى اصح مدفون تحت 16 متر واحجام التوابيت 17 قدم -- بيحكي انو الناس زمان كانو ضخمين
    المهم هي صوره الغار الشريف



    الغار الشريف عن قرب


    وهون الغار بالزبط هون مدفونين تحت 16 متر عاد مش واضح بالصوره
    بس في حاطين اضاءه واذا بتدققوا في الصوره في مبينه من الفتحات
    هاي الاضاءه تحت الارض ب عده امتار


    وهون كمان الغار الشريف


    هسه بعد الغار في على ايدكم اليسار زي غرفه
    وهي حضره سيدنا ابراهيم عليه السلام وفيها كمان موضع قدم سيدنا ادم عليه السلام
    يعني رجل سيدنا ادم عليه السلام
    هي الصوره معلش سامحوني اذا ملخبطه في المعلومات
    ركزوا مليح



    وهون حاولت صورها الحمد لله زبطت معي
    موضع قدم سيدنا ادم عليه السلام -- واذا علطانه صلحوني وسامحوني




    بعدها مباشره قبر سيدنا ابراهيم عليه السلام



    وهون من جوا
    طبعا لاحظوا معي في الشباك اللي في الاخر هذه لليهود -- الله يغضب عليهم -- طبعا المنطقه اخدوها منا ومرات المستوطنين بيرموا حجار على الناس اللي بيزوروا قبر سيدنا ابراهيم عليه السلام
    حتى في كان كم واحد مغضوب وراحو بس قعدت اصور --


    هسه قال ممنوع نصور الجهات اللي فيها يهود واللي بيمتلكها اليهود -- تقولوا بيتهم -- يعني الدليل اللي كان معانا حكالنا اوعوا تصوروا لو حدا كان واقف منهم
    هي قبر سيدنا ابراهيم عليه السلام


    يتبع اخر اشي عاد

  10. #10
    هنلي's صورة
    هنلي غير متواجد كبار الشخصيات
    تاريخ التسجيل
    Jun 2002
    الموقع
    فلسطين -- قلقيلية
    الردود
    5,257
    الجنس
    امرأة
    طبعا بعدها لازم عاد بالخليل عندهم مصانع زجاج وخزفيات اشي بجنن
    زرنا مصنع منهم طبعا انا رايحه قبلها -- وعني صور اكتر بس على الكاميرا القديمه مش واضحين كتير
    راح دور عليهم واجيبهم
    هي هدول صور غيرهم وراح ضيف كم صوره بعدين لانو راح تنحرق الطبخه هههههه




    هون مصنع الخزف والزجاج
    وكيف كان زمان
    في صوره ايام اول ما تاسس بس صراحه ماكان في حدا علشان اسالو ايمتى


    وكمان قال في زمانو الرئسي كارتر زاير المصنع هذا


    طبعا هون قسم الخزفيات بس ما كان في حدا
    وانا شغاله تصوير هههههههه وعم ورجي بناتي


    ومايا راسها والف سيف الا تروح تلون ههههههههه




    وبس خلاص
    تم ولكن بجوز عندي كم صوره من الخليل قبل شي سنتين عن هذا المصنع اذا لقيتهم راح ضيفهم على الموضوع
    وسامحوني لو في اشي غلط بالاملاء او المعلومات لانو عندي بنتي طلعت شجره في راسي وهي تحكي بدي العب على النت
    يلا اشوفكم بموضوع ثاني في اريحا و بيت لحم ونابلس

مواضيع مشابهه

  1. صور تستحق المشاهدة
    بواسطة بسمة الحياة في الملتقى الحواري
    الردود: 5
    اخر موضوع: 31-10-2012, 07:52 PM
  2. الردود: 50
    اخر موضوع: 24-06-2010, 12:34 AM
  3. الردود: 32
    اخر موضوع: 22-03-2010, 02:53 PM
  4. المسجد الابراهيمي في مدينة الخليل ...بالصور
    بواسطة العجورية في ركن المواضيع المكررة
    الردود: 4
    اخر موضوع: 30-11-2008, 09:38 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96