الى اخوانى واخواتى فى البحرين استفسار

**حب الروح** · 23-01-2009, 10:46 AM

السلام عليكم ورحمة الله وبركاتة
اخوانى واخواتى فى مملكة البحرين الحبيبة
اريد مساعدة منكم انا وزوجي سنذهب الى البحرين فى جلسة عمل ولكن للاسف لا املك اى معلومات عن مكان السكن هناك فاتمنى منكم مساعدتى بئعطائي اسماء شقق فندقية او فنادق وتكون فى المنامة وقريبة من نادى توستر فى فندق راماد بلاس وتكون الاسعار موجود لاننى لا اريد السكن فى راماد وايضا ممكن اعرف الاسواق الشعبية والسنترات الموجود عندكم .
ولكم جزيل الشكر
واتمنى ان يكون الرد سريع لان موعد السفر ان شاء الله الاثنين

**شاي الضحى** · 23-01-2009, 02:49 PM

اختي حب الروح
اهلا بك في بلدك الثاني البحرين اتمنى لك زياره ممتعه وسهله
الفنادق التي ترغبين بها كم نجمه 3\4\5 على حسب جنب فندق رمادا اجي فندق الخليج وهذا 5 نجوم شوي غالي لكن فاخر وحلو وغيره مافي في هذا المنطقه الا لماتعبري الشارع الي مسجد الفاتح في منطقه الجفير في كذا فندق ممتازين مثل السفيروغيرهم وفي فندق جديد يبعد عنه 10 دقايق اسمه النوفتيل والايت وهذول جنب متحف البحرين
انتي اختي بضيعين بالكلام لكن بس تجين بتشوفين ان البحرين مثل النمله كل حاجه جنب الثانيه وفي الشرتون والدبلومات وقولدت تيولوب وهذلين في زاويه واحده جنب المتحف
بس اقرب حاجه حق رمادا فندق الخليج
اما عن الاسواق مافي وايد المعروفين مجمع السيف والعالي والستي سنتر والبحرين والشرتون والاسواق الشعبيه عندج باب البحرين المنامه وسوق محرق بس هذي البحرين من اول شي الي اخر شي خخخخخخخخخخخخخ
ونسيت اقولج افتحو حديقه عين عذاري وفي بعد فندق خيااااااااااال في اخر البحرين اسمه بنيان تري ليله من العمر الصراحه لكنه غالي

واي استفسار انا حاضره

**حب الروح** · 23-01-2009, 05:55 PM

مشكورة اختى بصراحة انا من الصباح اتصل على الشقق الفندقية فى البحرين وكلة محجوزة شقق اليت كلهم محجوزين وبصراحة انا اريد فندق 4 نجوم لان رايحين حق شغل يعنى طول الوقت راح نكون برا وبصراحة كلامكم صحيح وانا ابحث فى النت اشوف كل فندق جنب بعض يعنى محد بيضيع
ومشكورة كثير اختى

**ღ ريــم ღ** · 23-01-2009, 06:43 PM

بارك الله فيك الاخت شاي الضحى على المساعدة

ما قصرت

رحلة موفقة اختي حب الروح

**شاي الضحى** · 24-01-2009, 06:00 PM

هذي مشكلتهم فنادق البحرين دائما اقولون الفندق محجوز شوفي اتصلي على مكتب سفريات جلكسي وقوليلهم اسون لك بكج انا في سفراتي ما اتعامل الا معاهم منظمين واسعارهم روعه اتصلي على بداله البحرين 181 و اخذي رقمهم

**noran_87** · 24-01-2009, 06:00 PM

رحله موفقه ياقمر وتبقي من احلي ايام حياتك ان شاء الله
وتعودي لبلدك بالف سلام

**فسفوريه** · 24-01-2009, 11:53 PM

انا لما رحت سكن في الشيراتون .

وهو حلو بالمره..

واحسه قريب من كل شي..

واصلا البحرين صغيره فكل شي جنب بعض..

رحله موفقه ..

**بركوت** · 27-01-2009, 03:39 AM

السلام عليكم
الاخت حب الروح
فيه اسولق مارينا مول اسعارها معقولة اما السيف والدانة وسيتي ستار فاسعارهم نار
وعنك كمان رامز حلو واسعارة مرة معقولة يعني ممكن تلاقين فية شغلات البيت والتحف برخص وكمان المواد الغذائية اما السنما فتلاقينها بالسيف والدانة اما سيتي ستار باقي ما فتحت السينما وتبين الجد سيتي ستار حلو احسن من السيف والدانة اول شي فية مواقف للسيارات وبالتوفيق