لونى منها واسمى على الربابه بيتغنا

**ندى وشروق** · 14-01-2009, 02:22 AM

من هنا من تاريخ وقصص وعشق ليكى يامصر

الحياه فيكى دفا وحنان والقلب بيكون

فيكى عطشان حنان سحرك ومالوش حروف

كلام الحب فيك بيدوب بين نهر وموج وشقاوه نسيم

الكل بيحلم بنيلك وسماكى وارضك وفيكى الروح تعشق ملامحك

عارف مغلبانه والعيش فيها ذل ومهانه

بس تفتكر نعرف نعيش من غيرها

ولااننا نمشى فى شوارع غير شوراعها

طب فيه صحبه زى صحبتنا والضحكه العليا

والروح الحلوه ايه يعنى الرزق على القد

والجيب فاضى بس القلب عمار بيكى يابلادى

مش كلام شفت الغربه وكانت الويل كنت ببكى

الف دمعه على كوبيه شاى فى الفيشاوى

ولاه صلاه العيد فى الحسين ولاه لما القلب يضيق به الحال وامشى

على نيلك وهوا ونسيم جواك يخطفنى لبعيد

احلم والاحلام مالهاش حدود تاخدنى الايام وتغرب شمس

يوم حزين هى الدنيا كدا مافيش حل بيدوم

ياعم نجيب فين حكايتك واحنا على القهوه قاعدين

والسهر فى البلكونه وعلى الكورنيش وقصص

الحب القديم والعهد الى ما بيروح

احنا جيل مظلوم مافيش حاجه من اساسه بس

ادينا صبرين وادى بلادنا مهما نكون هى

جوانا اكيد

طب فيه زيك كنت ملك وليك اساطير

على كنوزك وادى العالم كله نفسه يشوفك

وانت منور ارضنا فرعون مصرى اصيلى

وادى ملك العصور حتشبثوت

ملكه والان موميا فى متحفنا بيكى ياقاهره

فيك العجب وكفايه خفه دم اهلك وناسك

ونيل راح يروى البشر

هنا بقى قصور وعظمه الملوك قصر القبه وجمال

وفن المصرى والاجمل منه انه من بلادى اهاه بنشوف صوره

بس الاجمل انه جميل وفيه روح المصرين

ياااااه جمال الكون عظمه بين قصورك يامصر

والنهايه مافيش نهايه حبك مدوبنى تعبانى

ومظلومه فيكى بس حنروح فين الارض

ارضنا والدمعه تجرى من العيون لما نهاجر بيوتك

احنا كدا عايزينك

**يسرمن الله** · 14-01-2009, 05:37 AM

الله عليكى ياندىوشروق

صور روعة وكلمات اروع عجبتنى جداااوردتها معاكى خاصة:

بس تفتكر نعرف نعيش من غيرها

ولااننا نمشى فى شوارع غير شوراعها

طب فيه صحبه زى صحبتنا والضحكه العليا

والروح الحلوه ايه يعنى الرزق على القد

والجيب فاضى بس القلب عمار بيكى يابلادى

بجد تسلم ايدك على الصور والكلمات

**ام خالد ومريم** · 14-01-2009, 10:17 AM

يعطيكى الف عافيه

بجد صور روعه وفعلا الكلمات اروع
مشكوره ياام ندى

**ندى وشروق** · 15-01-2009, 01:19 AM

شكرا لكم

**noran_87** · 15-01-2009, 03:33 PM

دي مصر مايفهمااااااااش ولا يعرفها كويس الا الي يعيش فيها
اتغربت سنين كتير يمكن من يوم ماتولدت اتعلمت بره ماعدا الجامعه
لكن حقيقي مافيش زيها في العالم كله بجد دي روحي وحياتي وقلبي بحبهاااااااااااااااااااموووووووووووووووووووووووووو وووووووووووووت لما بسافر واغيب عنها بحس ان انا عايزه ارجع بسرعه بحس ان فس شيئ ناقصني
حبيبتنا يامصر وغاليه علينا كتير
ومشكوره ياروحي علي كلامك الحلوووووووووووووووو والله خلاني ابكي علي ان انا هسيبها تاني واتغرب
والصور جميله بشكرك عليها