رحلتي إلى صلاله

**ام خليفه** · 20-08-2005, 03:00 PM

السلام عليكم ورحمة الله وبركاته

أمس رجعت البلاد .. بعد رحله استغرقت اسبوع .. زرت فيها صلاله.. وحبيت اعرض عليكم بعض الصور اللي صورتها.. بس يا خساره صورتها بالتيلفون..

واللي يبا يسافر انصحه بصلاله .. والجو روعه والرذاذ احلى..

بصراحه المناظر في الطبيعه وايد احلى من الصور.. وكفايه صوت الماي والطيور ..

**شهدQ** · 20-08-2005, 05:59 PM

حبيبت قلبي ام خليفه ننتظر سرد رحلتك بالتفصيل الدقيق من غير حذف اي شي لاني ودي اروح عمان بس التذاكر والسكن غالية بس اذا كانت تستاهل ليش لا كافي انها دوله عربيه وخليجيه بعد ياه .......... شوقتيني قوليلي ماخذه عيالك معاك ولا لا ؟؟؟؟؟؟؟

**ام خليفه** · 21-08-2005, 10:20 AM

اختي العزيزه..انا انصحك تزوري صلاله ..لانها روعه وشعبها طيبين وهاي صفه في الشعب العماني الطيبه والكرم... وإكرام الضيف..

عن التذاكر تقريبا كلفتنا 1300 درهم لي و1300 لزوجي والاطفال عندي ولدين واحد 3 سنين والثاني سنتين.. تقريبا 900درهم للطفل.. ورحلتنا كانت على الطيران العماني دايركت من دبي لصلاله بدون ما نمر ترانزيت لمسقط ..
ونسيت اقولج على الدرجه السياحيه.
والسكن على حسب يا انك تختارين شقق مفروشه وفي فيلل للإيجار وفي طبعا الفنادق 5 ستار او اقل

وسكنا في الهيلتون5 ستار الليله ب 900 درهم بس لانا حجزنا لإسبوع كامل حسبوا لنا 700 درهم لليله.

اول ما توصلين المطار في شركات لتأجير السيارات اجرنا سياره لليوم 130 درهم.. وايضا اجرناها لمدة اسبوع..

ومن المطار اخذنا خريطه لصلاله ومنها تجولنا في صلاله ومن غير العمانين ما قصروا ساعدون للوصول لأماكن معينه..

لا تترددين اذا عندج اي سؤال.. انا في الخدمه.

**(سمو المجد)** · 21-08-2005, 01:16 PM

السيده ام خليفه الحمد لله على سلامة العوده .. والصور جميلة بالرغم انه اخذت من هاتف نقال

ويشرفني ان أضع ..4 صور هنا للريف والبحر والصحراء المدينه

الريف

البحر

الصحراء

المدينه

**ام خليفه** · 22-08-2005, 12:06 PM

الله يسلمك اخي الفاضل سمو المجد.. وشكرا على إضافه هذه الصور الرائعه.

**RAWAD** · 25-08-2005, 10:44 AM

شئ رائع و الله .. عن نفسى .اول مرة اسمع بالسياحة فى دول الخليج ... على بالى صحرا و رمال و خيم و جمال ( هذا خارج المدينه طبعا).. لكن شوقتونى يا بنات و سوف اتابع مواضيع السياحة فى الخليج ..
شكرت لكم جميعا .. وادام الله هناكم.

**ام خليفه** · 25-08-2005, 01:41 PM

حياك الله اختي RAWAD .. وبصراحه الطبيعه روعه في صلاله تستغربين انج في منطقة شبه الجزيره العربيه.. والله كأنج في اوربا يوم تشوفين المناظر الطبيعيه الخلابه ..

**bint UAE** · 26-08-2005, 09:41 AM

روووووووووووووووووووووووعه صور اكثر من روعه صلاله طبيعتها روعه مادري ليش لما ندور طبيعه البعض يروح دول عربيه ثانيه مع انه عمان وابها وبعض المدن الخليجيه الثانيه طبيعتها روعه وشعبها عسل على القلب

**ام خليفه** · 26-08-2005, 01:36 PM

صدقج يا bint UAE.. وحياج الله

**شمالية غربية** · 27-08-2005, 09:46 PM

عوداً حميداً أختي

الصور راااائعة سبحان الخالق

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: رحلتي إلى صلاله

أدوات الموضوع

العرض