الصيف بدأ و بيكتر معاه السفر و الرحلات
و بتيجى اصعب مرحلة علينا و هى تحضير الشنطة و ازاى ناخد اكتر حاجات كتير فى اقل مساحة ممكنة و احنا دوّرنا كتير و عملنا سيرش كتييييير و حاولنا نجيب كذا فكرة بسيطة تساعد فى حل الازمة دى و تخلى الموضوع سهل و سلس و مفيش اسهل منه
استخدمى علبة الصابون كجراب للكاميرا عشان يحفظها من الخدش او الكسر

و دى بعض الاقتراحات لمحبات الاناقة للمحافظة على الاكسسوارات الخاصة بيكى و اللى طبعا مبتقدريش تستغنى عنها
استغلى علب تنظيم الدواء فى تقسيم الاكسيسوريز بتاعتك و كمان عشان تحافظى عليها عشان متضيعش منك


طبعا كلنا بناخد معانا جزم و صنادل وطبعا بنبقى مستعجلين و خايفين ننسي حاجة و فنفس الوقت بنحط الجزم جوة الشنطة و بنخاف انها تبهدل الهدوم و عشان كدا ممكن تستخدمى الشاور كاب يحافط على الجزم و على الهدوم فى نفس ذات الوقت

استخدمى علب الادوية و اعمليلها ديزاين او زينيها و عيدى استخدامها فى الحفاظ على القطن و البهارات و الخواتم او اى شئ

حافظى على الشامبو او البلسم او اى سائل بانك تحطى تحت الغطاء بتاعه جزء من كيس بلاستيك عشان تحافظى عليه و ميسربش السائل دا على الهدوم و لا يبهدل الشنطة

او لو مش حابة فكرة البلاستيك تحت الغطا او قلقانة منها ممكن تستخدمى السيلوتيب فى لزق غطا الازازة بحيث انه يمنع انه الغطا يتفتح لوحده

استخدمى علبة التيك تاك عشان تجمعى فيها بنس الشعر او الحلقان او اى شئ قيم و صغير فى الحجم

متنسيش ان اهم حاجة و انتى بتحضرى الشنطة انك لازم تلفى الهدوم بدل التطبيق عشان تقللى مساحتها فى الشنطة

حطى الحزام جوة ياقة القميص عشان يحافظ عليها مفرودة و كمان يحافظ على الحزام من انه يتكسر

اقلبى البدلة على ظهرها او البليزر و بعدين طبقيه عشان ميتكرمش

منقول
المصدر: http://www.yallangarrab.com/%D8%AA%D...%D8%B1%D8%AC2/