#تفريغ_أسرار_الصلاة_٢
السر الثالث والعشرون⬅️(اخشع تشبع)
يوتيوب
صوتي
ملف وورد
🔹في كتاب الخشوع لابن رجب عليه رحمة الله يقول:-🍂" وكان النبي -عليه الصلاة والسلام- يتعوذ بالله من قلب لا يخشع." 🍂
🔹أوعى تسلم لهذه الهزيمة أن لا يخشع القلب لأ لازم الإنسان يحرص إنه يستمر خاشع لازم الإنسان يحرص على الخشوع لازم الإنسان يحرص على تحول القلب من القسوة إلى الرق
خد تمرين الدعاء ده إنك تقول 🍃اللهم إني أعوذ بك من قلب لا يخشع، ومن نفس لا تشبع، ومن دعاء لا يسمع، ومن علم لا ينفع، " 🍃
📍ويروى عن كعب الأحباري أنه قال مكتوب في الإنجيل:- يا عيسى قلب لا يخشع علمه لا ينفع، وصوته لا يسمع، ودعاؤه لا يرفع؛ فعلم أن القلب هو مفتاح الفلاح، أو مفتاح الخسران
🔹فاكرين لما قولنا "إنهم كانوا يسارعون في الخيرات +ويدعوننا رغبا ورهبا =كا نوا لنا خاشعين" متلازمات؛ إن اللي كان بيسارع في الخير وبيدعو ربنا رغبا ورهبا بقى خاشع!!
كذلك هذا الحديث متلازمات🍃 اللهم إني أعوذ بك من علم لا ينفع ومن قلب لا يخشع ومن نفس لا تشيع ومن دعاء لا يسمع 🍃
قيل أن الخشوع هو العلم النافع وقيل هو الإنتفاع بالعلم فقضية الخشوع تتجلى في أنها أثر العلم كل الناس
ممكن تذاكر لكن مين تظهر مذاكرته على قلبه وتتضح علومه على صلاته هو ده فالذي ينتفع بعلمه يخشع في صلاته ويخشع قلبه..
💫"ومن نفس لا تشبع"
الإنسان الذي لا يشبع نفسه لا تشبع شوفت العلاقة في سورة المعارج
↩️🍃"إن الإنسان خلق( هلوعا) إذا مسه الشر (جزوعا) وإذا مسه الخير (منوعا) إلا المصلين" 🍃
🔹المصلي نفسه بتشبع الخاشع اللي نفعته الصلاة شبعان عينه مليانه؛ لأنه يقوم بين يدي ربه وويعلم أن ربه أغنى الأغنياء وملك الملوك وكل شئ في حوله وقوته-جل جلاله- فحين تسلم لربك أنه القدير قادر مقتدر سبحانه وتعالى وأن كل ما تطلب في يده تشبع نفسك
📢 يا من تشكون من جوع النفوس اخشعوا تشبعوا
اخشع تشبع
🔹في زمان القلوب الهلوعا والجزوعا والمنوعا في زمن البخل الشديد والصراع في الدنيا السبيل هو الخشوع،النار اللي قايده في الشعل دي سبيلك لاطفائها هو الخشوع
💌صلي بخشوع كل ما تشتد المنافسة في الحياة صلي بخشوع كل ما تكون آمالك معسرة صلي بخشوع مكن الصلاة منك
🔴لما أخت تبعتلي سؤال تقول"متقدملي واحد مش متدين؟ وهي ملتزمة بقولها أول سؤال عندك كام سنه؟ ماهو الإجابة تختلف لو عندها 20سنة أو عندها 39 سنه أكيد الإجابة هتختلف
💢لوعندها 21 ، 22سنه أقولها "اصبري ما تتجوزيش إلا واحد متدين مهما كان!
💢فإذا مضى منها الشباب وقربت من ال35،37 ومضى منها سن تقدم الخطاب وبدأ يندر الخطاب معها بنضطر نتساهل بنقول مدام مسلم نحمد ربنا ويأويها
فلما بتتصل واحدة ويطلع سنها 28 بقولها إيه؟ بقولها قدامك مهلة سنة!
تستغفري الله كتير، وتلحي إلى الله في الدعاء كتير، وتتوبي من ذنوبك التي لا يعلمها إلى الله لكي يغير ويبدل الله حالك
عرفتم إن الخشوع وحضور القلب لهم علاقة بتفريح الهم، بإصلاح الحال، بتحقيق الأماني
💢قال رسول الله -صلى الله عليه وسلم:-"إن الله لا يقبل الدعاء من قلب غافل لاه"طول ما انت قلبك غافل ولاهي ربنا يستجيبلك ازاي؟
إذا كنت إنت مادد إيدك وقلبك مش معاك المفروض الإتنين فربنا يستجيب منك
ألح على الله!! ألح على الله!!ليبلغك الله مرادك وليحقق -عز وجل- رجاءك
من الذي يسمع الدعاء ويجيب الدعاء ؟ الله هو القريب المجيب -جل جلاله؛
فالذي قلبه يخشع علمه ينفع ونفسه تشبع وصوته يسمع ودعاؤه يرفع
💫حكاية الخاشعين إنهم مصدقين ربناسبحانه وتعالى فإذا أخبر الله عن الجنة وعن النار وعن الحساب والعقاب صدقوا، فهذا التصديق جعلهم يخشعون
هو ليه خاشع ؟ ليه مركز؟ خاشع علشان مصدق ربنا ومصدق إنه واقف بين إيدين ربه و مش هيتقبل منه الصلاة إلا بالخشوع مصدق!!
"يرون الآخرة رأي عين"
الذي يذكر الجنة والنار ينبغي أن يذكرها كأنها رأي عين تعرف إيه عن الجنة علشان تتخيلها كأنها رأي عين وتعرف إيه عن النار؟
لازم تسمع حلقة فيها وصف الجنة وحلقة فيها وصف النار علشان تفهم وتبدأ تقرب لرب العالمين سبحانه وتعالى لكن أنا هديلك تصبيرة في وصف الجنة ووصف النار علشان تدوق علشان تخشع في الصلاه
قال رسول الله -صلى الله عليه وسلم- يقول الله جل جلاله" أعددت لعبادي الصالحين في الجنة ما لا عين رأت ولا أذن سمعت ولا خطر على قلب بشر"
🍀لو دخلت الجنة اول ما تدخل الجنة هتسجد لخدام من خدامينك فيقولك:- أنا خادمك إنت فهمت غلط ده أنا الخدام بتاعك كل وإنت تفتكره ربنا سبحانه وتعالى في الجنة يا جميل مش هتبص في مراية مرايتك خد الحوراء
🔥والنار بردو وصفها يجعل الإنسان يخشع في الصلاة قال الله جل جلاله
" فيومئذ لا يعذب عذابه أحد" يعني كل العذاب اللي في النار لا يتصور ولا يتخيل
ولا يوثق وثاقه أحد : مفيش حد هيربط في الدنيا دي إنسان ويوثقه بكلابشات زي كالبشات جهنم
🔹تدبر الجنة والنار يعينك على الخشوع وأن تذوق لذه ولا في الأحلام