💖صلاح القلوب💖:
# تفريغ_أسرار_الصلاة_٢
السر التاسع عشر⬅️ ( أَلَمْ يَأْنِ؟؟)
ملف وورد
صوتي
قال الله جل جلاله:-
🍃" أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِنْهُمْ فَاسِقُونَ¤ 🍃
"أَلَمْ يَأْنِ؟!" :- إنت اتأخرت أوي في الخشوع إحنا النهاردة ١٨ حلقة ولسه ما خشعتش؟ أَلَمْ يَأْنِ؟!
ما آنشي الآوان بقى تخشع، ما آنشي الأوان تصلي ركعتين بخشوع.؟
قال رسول الله -صلى الله عليه وسلم-:-"من صلى ركعتين لا يحدث فيهما نفسه بشئ من الدنيا غفر له ما تقدم من ذنبه."
ياه مش قادرين نجيب ركعتين من غير ما نحدث فيهما أنفسنا.. اللهم وفقنا يارب إلى ركعتين لا نحدث فيهما أنفسنا فتغفر سبحانك بهما ما تقدم من ذنوبنا يارب
"أَلَمْ يَأْنِ؟!":-
يعني صمم تخشع، يعني حاول تخشع، يعني ما تستسلمش إن إنت تفضل مش خاشع،
أَلَمْ يَأْن؟! ِ :- يعني في وقت سيحين لك أن تخشع أَلَمْ يَأْنِ؟! دي بشرررى إنك هتدوقها مره يبقى هيأون الآوان-إن شاء الله- سيؤذن لك بذلك ممكن مش مستحيل!
كل ما تقوم تصلي شغل اسطوانة بتقول:-" 🍃" أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ .."🍃
طول ما انت مطنش موضوع الخشوع ده وطول ما انت مش مهتم إنك تدوق الخشوع ويطووول عليك الأمد وفترة انتظار حضور القلب ده؛ بيؤدي إلى قسوة القلب.
عارفين يا أحباب اللي عدى عمره أربعين سنه هم دول بس اللي يقدروا يحسوا معنى جريان العمر، ومرور الأيام لما يشوف صاحبه اللي كان معاه في ثانوي بقى دلوقتي مليونيير وصاحبه اللي كان معاه في إعدادي بقى شيخ.
"اعلموا أن الله يحيي الأرض بعد موتها قد بين لكم آياته لعلكم تعقلون"
بشرى لضعيف الإيمان، بشرى لفقراء الخشوع، بشرى لمساكين السير إلى الله، بشرى لضعفاء السير إلى الله :- "اعلموا إن الله يحيي الأرض بعد موتها.."
يا اللي نفسك تتغير ممكن ، ياللي نفسك تتغير هتقدر، ياللي نفسك تبقى خاشع هتخشع، ياللي نفسك تبقي صالحة هتقدري.
الصلاة هي اللي هنبدأ منها الحياة الجديدة اللي عايزين نبدأها.. اللي هيخشع في الصلاة ويحقق حلاوة الصلاة كل حياته هتتغير لو قدر إنه يخشع في الصلاه
ربنا بيقول:-
🍃"قد أفلح المؤمنون الذين هم في صلاتهم خاشعون"🍃
يعني:- اللي هيخشع يبقى فالح
🍃"اعلموا أن الله يحيي الأرض بعد موتها."🍃
اللي مش خاشع ميت!
وحكيت لكم قبل كده قصة أختي- الله يرحمها ويحسن إليها آمين يارب
(قبل ما تموت بحوالي عشرة أيام كانت في غرفة مع واحدة مريضة في مرض الموت فلما توفاها الله وماتت في حضن أختي -لازم الميت يسيبوه على فراشه ساعتين تلاته قبل ما يشيلوه من على فراشه اجراءات روتين- المهم قالو لها علشان حالتك النفسية اخرجي من الغرفة دي، وروحي غرفة تانية فكانت اللي ماتت دي إيمانها قوي، ولما ماتت في حضن أختي كانت الليلة كلها زي ما اختي حكت لي كانت كلها ذكر لله وكانت بتذكر الله وقلبها حاضر وإيمانها كان قوي الله يرحمها
لما انتقلت أختي لغرفة تانية دخلت في وسط ناس في غفلة ومشغلين التليفزيون على معاصي ومعليين الصوت ع الآخر وأول ما أختي دخلت الغرفة وأنا أختي منتقبة فأول ما دخلت الغرفة عليهم وكشفت وجهها قالوا لها إيه اللي إنتي عاملاه في نفسك ده إيه اللي لبساه ده ما تعيشي شبابك هو الإسلام قال كده؟ و قعدوا يعنفوها وكانوا قاسيين عليها
عارفين أختي عملت إيه؟؟ ندهت على التمريض وقالتلهم رجعوني الأوضة دي تاني أيوه الناس االلي قلوبهم ماتت عشرتهم أصعب من الناس اللي أجسامهم ماتت. )
في ناس كتير صاحية وقلوبهم ميته:-
لما أم تقولي أنا لسه سائلة محامي بقوله هو مفيش قضية تترفع على الأولاد علشان ييجوا يشوفوني؟ تقصد يعني زي قضية الرؤية اللي يرفعها مطلق على مطلقته علشان يتمكن من رؤية أولاده؟
في ناس قلوبها ومشاعرها ماتت، وناس قلوبها حية
؛علشان كده ربنا بيبشر حتى اللي قلبه مات إن ربنا ممكن يحييه
🍃"اعلموا أن الله يحيي الأرض بعد موتها.."🍃
زي ما الأرض اللي ماتت ربنا بييحييها ويطلع منها تاني النبت والشجر كذلك الناس اللي قلوبها ماتت ربنا -سبحانه وتعالى- ممكن ربنا يهديها وتقوم من جديد
(أَلَمْ يَأْنِ؟) :- رنة عتاب للمؤمنين الذين لم يبلغوا قمة الخشوع الذي يرضاه الله للعصبة المؤمنة التي حملت المنهج الرباني
(أَلَمْ يَأْنِ؟):- عتاب لجيل القدوة الذي استوت على سوقه في أحضان النبي -عليه الصلاة والسلام- و عتاب من المولى الكريم الرحيم واستبطاء لاستجابة الكاملة من تلك القلوب التي أفاض عليها من فضله.
وإنت بتصلي عيش معنى" (أَلَمْ يَأْنِ؟؟) لتذوق لذه ولا في الأحلام قم فصلي وعش هذا الغرام فإن الخشوع
ليس كالكلام