كتبت بواسطة
كنزى احمد
اسمحيلى اضيف حاجة
مثلا اما اكون فى البيت وواحدة تتصل بيا فى التليفون وحد من الولاد يرد اقولو قولها ماما نايمة او مش هنا
دة برضو كدب وطبعا للاسف بنعلم ولادنا الكدب
انتى عارفه ياميروا موضوع التليفون ده مشكله كبيره جدا لاننا تقريبا كلنا بنعملوا وبنطلب من اولادنا ان يكذبوا بدل منا فكان اول حاجه بحثت لها عن مخرج
وهذا ما فعلته :
جلست مع زوجى وقلت له بصراحه موضوع اننا نقول للولد رد على التليفون وقول اننا نيمين او غير موجودين مش عاجبنى واحنا كده بنربى الولد على الكذب قال لى غصب عننا فى ناس كده رخمه الواحد بيبقى مش عايز يكلمهم قلت له بس ده مش ذنب الولد اننا نجعله يكذب وكمان احنا بنتحمل ذنب كبير لان ده كذب
فجلست مع ابنى وطلبت منه لو انا او والدك قلنا لك رد على التليفون او اى احد وقل اى شيء غير حقيقى يعنى يقول لك قول اننى غير موجود وهو موجود لا تفعل ذلك واعتذر بكل هدوء وادب وقل اسف لا استطيع ان اكذب لان الله نهانا عن الكذب ولا تفعل ذلك لاى احد بس عندما ترفض ارفض بأدب ... استمع ابنى لكلامى وقال لى ياماما اوقات ببقه عايز اقول لكم انتوا ليه بتكذبوا بس بكون مكسوف فقلت له كلنا بنغلط ولكننى انا ووالدك لن نطلب منك مثل هذه الامور مرتا اخرى لاننا علمنا ان مثل هذه الاشياء ليس لنا عذر لنكذب فيها وان الله سيغضب علينا ان فعلناها ..
وبالفعل اتفقت مع زوجى الا نطلب من ابننا ان يكذب بدل منا ابدا وان اضطررنا فيجب ان نفعل ذلك بأنفسنا.. ولكننا لن نضطر لذلك لانى وجدة حل لهذه المشلكله :
وهى اننا عندما نكون متعبين او مزجنا مش رايق علشان نكلم احد فى التليفون يأما نشيل سلك التليفون ولو موبيل نغلقه او نشغل الانسر ماشين او نقوم ونرد على التليفون وبكل هدوء نعتذر لمن لا نريد ان نكلمه فى الوقت الحاضر اسف لا استطيع ان اتكلم معك لانى مرهق بعض الشيء وهكلمك فى وقت لاحق او نكون صرحاء ونطلبمنه الايطلبنا مرتا اخرى انا فى ناس عمات معاهم كده
وارتحت بعد ما قلت لهم هذا وقلت ياساتر اخيرا الواحد ارتاح من الزن
بس بصراحه الموضوع مكنش سهل فى البدايه بس بنحاول واوقات بسبب الموضوع ده بيكون فى اوقات مضحكه كتير بسبب رد ابنى يعنى مثلا فى مره رن التليفون فزوجى قال لابنى لو فلان قل له انا نزلت فقال له ابنى طيب يابابا يالا انزل علشان اقول له يابنى انا خلاص بلبس قول له انا نزلت قال له وانا مستنى يابابا على الباب لما تنزل علشان اقوله فيخرج والده ولسه هيتعصب فيقول له ابنى باباب الكذب حرام يابابا ومش انا الى بقول كده ده ربنا انت بتتعصب عليا انا ليه فيسكت والده ويقول له ماشى انت صح امك هيه السبب اقول انا له ها يابابا الكذب حرام مش انا الى بقول ده ربنا ونضحك كلنا وندعى ربنا ان يثبتنا
انا مش بقول الموضوع سهل بس الى متعودين عليه عمرنا كله صعب نبطله فى يوم وليله عايز اراده قويه وعزيمه وتوكل على الله ونستعين بالله بالدعاء ان يعيننا على الابتعاد عن الكذب ولازم كلنا نتعاون مع بعض فى البيت لنعين بعض ويذكر احدنا الاخر ان نسى
اسأل الله ان يعيننا جميعا
الروابط المفضلة