السلام عليكم ورحمةالله وبركاته
انا مش عارفة من وين ابدا كتير خايفة ومتوترة
كلمت ابن عمي عمره 25 سنة
انصدمت من اللي بقولوا .. هو كتير مغلب عمي ومرت عمي
عصبي جدا جداااااااا ودايما خنائات من العالم
طالعلنا هلا بشي جديد
بقلي انا مش مقتنع بالدين وبالله
كلامه بخوووف بدي انسخه واحطلكم اياه
بسألني أسئلة مش قادرة اجاوبه عليها
عجزت معه .. بقله في شغلات لا يجوز النا كبشر انه نسأل كيف وكيف ما راح نحاسب ربنا نحنا
بقلي انا ما بحاسب انا بدي افهم
والله جنني
بقله انت بتفتح مواقع للملحدين ومعبي مخك افكار سودا .. بقلي انا بفتح حتى مواقع اسلامية بلاقي الدين جدا صعب ومش يسر
كل فرائضه صعبة !!!! وبدها دقة شديدة
سهلتله موضوع الصلاة صار يعطيني مواقع بقلي افتحي واقرأي اديش الصلاة صعبة
شو اعمل معاه
هاد كلامه ::
انا مش مهتم بالمرة بالدين وبالاله
مش هيك القصة ما انا كنت موحد ما كنت حاسس بشي بصلي وما بحس بشي بقرا قرآن ما بحس بشي بصوم
ما بحس بشي
ولا شطارة ولا شي بيني وبين حالي ماحدا بيحاسبني على هيك شي بعدين ان الله غفور رحيم والله يهدي من يشاء ويضل من يشاء
انا بصراحة مش مقتنع بالدين
مش مقتنع كيف الله بيخلق الانسان وبيحطه بالنار لا اصحابي رافضين الموضوع حكوا معي كتير ما طلع معهم نتيجة
ما بدي حاسب حدا الله بيخلق الانسان وبيحطه في اختبارات هو عارف اصلا نتائجها وعلى اساس هاي الاختبارات بيحط الانسان بالجنة او بالنار
طيب ليش خلق النا عقول مش عشان نفكر ليش بيخلقنا في متاهة
بالنسبة اللي موضوع الموت
هو نفس شعور الانسان قبل الولادة
فيه نظريات كتير اثبت عدم صحة نظرية الخلق نظرية الانفجار الكبير ونظرية التطور
بهيك الله حر يحط فلان في النار ويحط فلان في الجنة
لو شو ما اعمل ما برضي الله رضاه مستحيل
غلطة وحدة بتودي الانسان 70 خليفة في النار بعدين كل البشر في النار يا حجة المسيحيين واليهود والمسلمين والبوذيين والمجوس هههههههه ثلة من الاولين وقليل من الاخرين حتى المسلم لو كان منافق في الدرك الاسفل من النار مين رح يفوت الجنة
بجد الاسلام مش دين يسر كل شي فيه صعب من صلاة من حج من صوم
لازم يكون كتير دقيق المسلم في اداء فرائضه ما حدا حطه بمخي ولا بعرف حدا متل حكايتي كمان
لا مين قلك اقرأي عن الصلاة بتلاقيها شي كتير معقد
بفتح مواقع ملحدين ومواقع اسلامية
بعرف حالي اكثر منك بشو مقتنع
بس بدي اعيطكي صورة عن تعقيد الصلاة
لسة لو تشوفي الفتاوي يللي طالعة كل يوم بجد شي بيخوت هههههههه
الروابط المفضلة