step by step Diaper Cake(هديه من أمهات المستقبل)
السلام عليكم
بداية اتمنى من كل وحده تدخل موضوعي تدعوا لنا فريق امهات المستقبل بالذرية الصالحه عاجلا غير اجل
اليوم حبيباتي جبت موضوع بصراحه ما ادري اذا سبق واحد كتبه بس انا جلست انبش في مواقع اجنبيه عن كيك وطرق تزيينه فطحت على كيكاااات غير
ايش الكيكات
دقيق وزيت وبيض <<روحي ركن الحلويات
لاااا الكيكات تقدميها هديه وتعتبر فكره حلوه للي ما تقدر تشتري هديه او ظروفها ماتسمح تشتري هديه
والاحلى من كذه لك الحريه انك تحطي بصمتك على الهديه في التنسيق والالوان طبعا الاولاد لهم الوان والبنوتات لهم الوان غير
ولك الحريه تختاري العاب او مناشف او زيت للجسم او الشعر والكريمات والبودره والمناديل للجسم
اترككم مع الصور وراح تفهمومها
هذا الشكل بسيط يحتوي على الفوط(البامبرز)طبعا الاجانب عندهم قماش تقدري تحطي مناشف صغيره او تلفي البامبرز بمناشف ملونه تطلع احلى
لفيها ورصيها جنب بعض
او ترصيها جنب بعض مفروده زي في الصوره وياليت تحطي قاعده زي حقت الكيك علشان تشتغلي عليها
وعلشان تترتب اكثر حطي علبة بودره او زيت جونسون المهم حاجه تكون قاسيه في النص علشان تقدري ترصي البامبرز او المناشف حولها ويطلع شكل الدائره مرتب واحلى
وكل ما تحطي طبقه او طبقتين دخلي الاغراض بينهم وشدي الشريطه
هذا الشكل بسيط جدا وغير مكلف فرشة شعر وبودره واعواد اذان وشراريب وصابون وزيت وفي الخير خذي قطعة قماش وخيطيها باشكال حلوه ولفيها واذا ماكنتي تعرفين تخيطي خذي شريطه ونسقيها مع الاغراض ولفيها ولو تكون الشريطه عريضه افضل
انتي براحتك وذوقك ابدعي باي شي تحبينه
للموضوع بقيه
رد مع الاستدلال
[/CENTER][/LEFT]
الروابط المفضلة