السلام عليكم اخواتى
بعد العيد ب 3 ايام قررت اعمل حفلة لبناتى بمناسبة حفظ الكبرى 8سنوات لاربع اجزاء الحمد لله
و الصغرى نصف جزء بس عشان ماتزعلش
هههههههههههههههه

حضرنا للحفلة انا و باباهم

البنات اختاروا الثيم اسبونج بوب و هدية النجاح كانت لبس سبونج بوب التنكرى

حضرت التورتة و ادوات الاكل
و المنيو
كانت سندوتشات برجر بيتى خبز و برجر
حلويات - فرانكفورتر مسلوق و مارشمالو

شيبس و عصاير
و هدايا سبونج بوب

حضرنا الزينة
و الان مع الصور و الشرح

اولا زيننا غرفة المعيشة لاستقبال الضيوف











و جهزنا المنيو تبع سلطع برجر
ههههههههههههه

بنتى الكبيرة هى اللى زينت اللوحة


و جهزنا الملاعق وفوط المائدة و الاطباق و الاكواب
و كمان العصير و شاليموهات
و هتشوفوا طواقى للاولاد و تيجان للبنات بناتى عاملينها بايديهم و كان فيه خواتم كمان عشان البنات
و شموع للتورتة و بالونات و عينة من الهدايا للضيوف
انا صورت الباقى دا الصبح تانى يوم الحفلة لانى مالحقتش اصورهم قبلها







قبل ما ييجوا الضيوف لبسوا بناتى البس التنكرى








استقبلنا الضيوف على الساعة 4و نصف عصرا
بالعصير و التاج للبنات او الطاقية للاولاد
و دول جزء من الاطفال الضيوف



و لما اتجمعوا
شغلنا اناشيد للاطفال و اغانى للبنات
و لعبوا اول لعبة و هى
انه يتحركوا مع الانشودة او الاغنية و لما تقف يقفوا
و كانوا بينطوا و انبسطوا بيها
و كررناها كتير قوى لانهم استمتعوا بيها

اللعبة التانية
كانت انهم يمشوا و معلقة فى فمهم فيها شوكولاته كورة
و اللى يوصل بيه لنهاية الحائط ذهابا و عودة
ياكلها

و الدور مر عليهم كلهم
كانوا ماشاء الله حوالى 25 طفل و طفلة

و بعدين جبنا التورتة عمايل ايد طنط



اتلموا حواليها و نفخوا الشموع

و اثناء تقطيعها و توزيع الاكل فى الاطباق و كان فيه 3 بنات قمرات فى اعدادى و ثانوى بيساعدونى

كانوا الاطفال مع عمو بيلعبوا رش الثلج

و كانوا فرحانين و بيصرخوا

و دى صور من اللحظة دى





و بعدين وقت الاكل و الهدوء بعد العاصفة



كان الطبق فيه قطعة جاتوه و اسياخ الفرانكفورتر و المارشمالو
و بعد ما قربوا يخلصوا عديت عليهم بالبرجر البيتى
للى يحب و بيبسى للى يخلص اكتر من نصف طبقه
هههههههههههههههههه
و اكلوا بالف هنا و شفا مطرح ما يسرى يمرى


و بعد ما لمينا

وزعنا عليهم كوبايات بلاستيك فاضية للفقرة اللى جاية
و صلينا المغرب و رجعنا

فقرة البنياتا

علقنا زى دول كدة 3

مليانين لبان و شوكولاته و توفى






و فرقعناهم و غرقوا الاطفال تحتهم
حلويات و كله بقى يلم فى الكوبايات و فى جيةوبهم
منظرهم كان عسل و اللحظة دى كانت فيديو


و فى النهاية
وزعنا على كل الضيوف
هدايا زى اللى مع بنتى دى



طبعا كان نفسى يبقى فيه فقرة تتويج لحفظة القران
بس لانها اول حفلة اعملها لعدد كبير كدة
فماكاتش فيه وقت
و خرجنا و طلعنا معانا الاولاد فى عربيات ووصلناهم لبيوتهم و روحوا الحمد لله مبسوطين



انا عرضتها لاسباب
اولا تشجيعا لبناتى على الحفظ لانهم فرحوا بيها قوى قوى على قد بساطتها

تشجيعا لكم لعمل حفلات النجاح و حفلات القران و العيد لاسعاد الاطفال و تشجيعهم على المذاكرة و تحفيزهم لحفظ القران

افكار من الحفل:

مش لازم نملى الحفلة اكل ابدا
الحفلة كان فيها 3 اصناف اكل بس و كلهم بيتى فمش لازم تكون مكلفة قوى
لان الاطفال ما بتاكلش كتير فى الحفلات


لانه التركيز كان على ملء وقت الحفلة كله باللعب عشان مانسيبلهمش وقت يفكروا يتخانقوا او يملوا فيه

الهدايا بسيطة و ممكن نغلفها يدوى

من ابو ريالين
بس مختارة بعناية

زينة الحائط
انا مالقيتش لوح جدارية حلوة
فقررت استعمل سفر مطبخ لونين للبحر و الرمل
و طبعت صور من الكمبيوتر مع البالونات

التيجان للبنات من الفوم قصيتها و البنات لزقوا الاستيكرات و الزينة
و ربطة استيك

فى النهاية اتمنى اكون قدمت افادة و لو بسيطة

و لكم منى كل التحية

ماشاء الله حفله حلوه والف مبرووك النجاح وحفظهم للقران

ربنا يحفظهم لك من كل شر

والله مبدعه بحق
ماشاء الله بارك الرحمن
بالرغم من ان الحفله ليست مكلفه كما اشرت الا انها اكثر من رائعه ومميزه
يكفي سرورا على قلب طفل

حماكي الله يالغلا

ما شاءالله تبارك الرحمن
ربي يخليهم لك غلاتي

ما شاء الله حفلة رائع و ربي يتمم عليهم بحفظ القرآن
جزاكِ الله الف خير أختي عالأفكار و النصائح
ودي و احترامي ..

بسم الله ماشاء الله رووووووعه
ربي يبارك فيكِ وفيهم وتشوفيهم حافظات لكتاب الله يارب

ربي يحميكم

بس بصراحه ارتعبت من الصوره ههههههه
ربنا يكون بعونك على التنظيف يومها ههههه

ما شا ءالله

اولا الف مبرووك حفظ البنوتات لاجزاء من القرآن الكريم وعقبال ما يتموا حفظ الكتاب الغالي

والله يوفقهم


رااائع كل شيء عملتيه ما شاء الله عنك

الكيكة ظريفة كتيييييييييير

والديكور كمان

بارك الله بك وباهل بيتك


ما شاء الله

ماشالله تبارك الله

الله يباركلك فيهم ويحفظهم

وان شالله عقبال م تعمليلهم حفلة حفظ القران كامل

في ميزان حسناتك انتي وابوهم جزاكم الله كل خير

كتبت بواسطة Rana363

ماشاء الله حفله حلوه والف مبرووك النجاح وحفظهم للقران

ربنا يحفظهم لك من كل شر

اختى رنا اللهم امين هم و اولاد و بنات المسلمين

كتبت بواسطة نجوم حياتي

والله مبدعه بحق
ماشاء الله بارك الرحمن
بالرغم من ان الحفله ليست مكلفه كما اشرت الا انها اكثر من رائعه ومميزه
يكفي سرورا على قلب طفل

حماكي الله يالغلا

الله يخليكى يا نجوم
و الله يبارك فيكى حبيبتى
و باذن الله الحفلة الجاية تكون على شرفك
وبابداعاتك