السلام عليكم الغاليات

اشحالكم ان شاء الله بخير

حبيت انزل لكم درس حقيبة يد حلوو وسهل واهم شي انه يناسب بناتنا الحلوات في لعبهم وفي نفس الوقت ممكن تكون هدية وتوزيعات مميزة في حفلاتهم فديتهم ^^

هذا هو الباترون اللي بنستخدمه للعمل ان شاء الله ..





هنيه طبعت الباترون على الورق المقوى ,,



نقص الطرف العلوي من الورقة اللي مش مرسوم عليها شي لانا بنستخدم هالطرف في عمل ايد الحقيبة ^^



بعدين نقص الباترون وبعدين نقص على قياس الباترون تقريبا قطعة من اي جلاد عندنا في البيت وبها الطريقة نلصقه بالباترون ,,





نثني الخطوط المرسومة على الباترون بها الطريقة ...



نختار اي طرفين جنب بعض ونحط عليهم الصمغ مثل اللي في الصورة والطرف اللي جنبه مش المقابل له ,,



نكمل تصميغ باقي الاطراف مثل ما هو موضح في الصورة ,,




يتبع

*

*

*

هذا الشكل النهائي تقريبا للحقيبة



هنيه قصينا باترون غطاء الحقيبة اللي موجود اعلى الصفحة ولصقناه على الجلاد بس بالعكس مثل ما بتشوفون في الصور لاحقا وثنينا بالطريقة اللي نشوفها مناسبة وتسكر الحقيبة



بها الطريقة يتثبت غطاء الحقيبة



بتشوفون جنب الحقيبة استكر التشيك تشيك علشان تتسكر الحقيبة وتنفتح + كريستالة وهاي للتزيين ممكن تحطون اي شي ثاني للتزيين ^^ طبعا حسب اللي تشوفونه مناسب

هذا لصق من الطرفين حلو علشان تثبيت الكريستالة لان الصمغ ما ينفع الحديد وما احب استخدم السوبر جلو لان يخرب لي الشغل كامل



هنيه ركبنا الكريستالة والتشيك تشيك مثل ما تشوفون في الصور





الحين نقص تقريبا من طرف الورقة اللي قصيناه في البداية على طول الطرف كامل وبعرض تقريبا 1,5 سم ونقص من الجلاد قطع ة اقل من قياس الورقة يعني نخلي تريبا 1 سم من كل طرف علشان نحط عليه الصمغ ويلصق على طول ان شاء الله



وهذا الشكل النهائي للعمل ^^



وهذي حقيبة بلون ثاني لكن بنفس الفكرة ^^



ان شاء الله يكون الدرس سهل ومفيد للجميع واهم شي يعجب صغيراتنا العزيزات ,, انا دايما اسوي حق بناتي بس صراحة اول مرة استخدم الجلاد بس شكلي بجيب لي اشكال والوان ثانية من الجلاد احسه احلى من طباعة الصور من الطباعة ...

واي استفسار انا حاظرة والسموحة على القصور

والله يوفق الجميع لما يحب ويرضى

@ اختكم في الله @

ام ناصر

الحقيبه روووووووووووووووووووووووووووووووووووووووعه

ماشاء الله روعة الحقيبة تسلم ايدك
جزاك الله خيرا

شكرا خواتي وان شاء الله كل دروسي تكون مناسبة للجميع

ما شاء الله اختى ام ناصر بارك الله جهودك

بارك الله فيك
حقيبه رائعه
تسلم ايدك

الله يعافيكم خواتي ويجزاكم كل خير ان شاء الله

ماشاء الله روعه تسلم الايادي يارب وربنا يبارك فى جهودك

ويبارك في جهودكم ما شاء الله ويوفقكم لما يحب ويرضى