بسم الله الرحمن الرحيم
السلام عليكم و رحمة الله و بركاته
كيف الحال اخواتي العضوات + المشرفات + زورنا الكرام
حبيت اليوم اجيبلكم فكرهـ شفتها و الله مادري وين و طبقتها بحفلة النجاح حق العام
مانزلتها بدري تكاسلا في تصغير و تعديل الصورة
المهم
الفكرة وما فيها
هي انك تعملي سلة و تحطي فيها كب كيك و تزينيه
خلونا نجي للمهم و نفصل الشغل
أول شي المقادير يعني الطلبات
راح تحتاجي لسبت ( سله ) مزين .. يا انتي تزينيه او انك تشتريه جاهز مزين
و جوا السبت راح تحطي فلين عشآن تمسكلك الكيك
و اهي صورة السبت ( السله ) اللي استخدمتو
و أهي صورة المقادير يعني الطلبات
و بتحتاجي أعواد أسنان + أعواد شوي خشبية
و كمان راح تحتاجي كب كيك 3 مقاسات .. صغير و وسط و كبير
وكمان بتحتاجي لشوكولاته نوتيلا او اي نوع .. بيضا و سودا
وراح تحتاجي حلويات ملونه اللي الصغار بيحبوها
المهم
بتدهني الكب كيك بالشوكولاته البيضا و السودا و بتنوعي فيه
و ترجعي تزينييه بالحلويات اللي اشتريتيها من فوق زي الصوره اللي قدامكم
و بعدين تثبتي الكيك بالهداااوه على اعواد الشوي و اعواد الأسنان و بتخلي فيه تفاوت ما بينها
يعني يمديك تقصي نص عود الشوي او ثلاثة ارباعو و راح تنبهري بالنتيجه
وكمان اذا حابة تزيني الأعواد زي ما انا عملت بالشرآيط
و اللي عندها افكار تحط و تبدع
و أهي نتيجتي
ملاحظة : هذا اول موضوع ليه هنا أبغى تشجيع و تحفيز لأن اختكم في الله مو من النوع اللي بتحب الشغلات دي مرهـ
و بما انه اول موضوع ليه هنا يا مشرفتي الحبيبة
لاتنسي التميّز
بس بالله انتي قوليلي ما يستاهل
وكمان ملاحظة أخرى : اللي مو عاجبها الموضوع او ما ملى عينهآ رجاءً تحتفظ ردها لنفسها
تقبلوا أرقى تحيآآآآآآتي ~
الروابط المفضلة