درس كيفية عمل توزيعات على شكل كيس صغير ومميز ^^

السلام عليكم الغاليات

اشحالكم ان شاء الله بخير ,,,

هنيه بحطي لكم طريقة صنع كيس توزيعات صغير طبعا الطريقة هي نفسها تقريبا بالنسبة للكيس الكبير

نبدأ بسم الله ^^





اول شي رسمت مستطيل عرضه 6 سم وطوله 9 سم ,, وبعدين رسمت عداله مستطيل صغير طوله 9 سم وعرضه 3 سم وبعدين مستطيل كبير نفس الاول وبعده مستطيل صغير شرات الثاني ,,

****************************************



هذا هو الشكل عقب القص ..

****************************************



هذا هو الشكل بعد الثني ^^




****************************************



هنيه وين مكتوب لصق نحطي صمغ لكن من ورا نفس الصورة

****************************************





***************************************



اوكي انا هنيه عندي ورود طابعتنها عل ورق الـ A4 العادي مال الطباعة وابا الزقها على الكيس ..

***************************************



بالصمغ الابيض مال اخشب صمغت على الوردة من ورى طبعا ....

**************************************



هنيه لصقت الوردة على الكيس

****************************************



هنيه سويت شرات الايطار فوق الوردة بقلم التلوين الوردي ..

وعق وبطريقة الدوباج عقب ما صمغت الوردة ورسمت عليها من فوق ييب صمغ ابيض مخفف بالماي ونمرره على الوردة ,,

***************************************



هالخطوة نسيت اصور لكم كيف على اي اساس خرمنا الورق ,,

على العموم نقيس من كل الاطراف 2سم ونحطي نقطعة ومن فوق بداية الكيس يعني نقيس 1سم ونحطي نقطة ونخرم عقب بالخرامة او باي اداة ,, انا الصراحة ما كان عندي غير دبوس ومشيت الحال فيه ^^

****************************************



هنيه غطيت نهايات الخيط لان شكلها مب حلوو ^^

***************************************



ها شكل الكيس النهائي وداخله مخلط عطر نص توله ^^...



**************************************

وان شاء الله عجبكم الدرس وقدرتوا تستفيد منه ^^.. والسموحة على اي قصور بدر مني لا سمح الله ,, والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

طريقة ممتازة
استفدت من الباترون كثيرا
جزاك الله كل خير

مشاء الله عليكي مبدعه

خطوات سهله بس يبيلها تركيز شوي

ماقصرتي يا ام ناصر الغاليه

السلام عليكم الغاليات

العفو حبيباتي ان شاء الله كل الدروس اللي احطها تكون سهلة وبسيطة واسفة على التصوير لان تصوير موبايل عندي مشكلة في الكاميرا مالتي ان شاء الله اول ما تتصلح بنزلكم الخطوات وحدة وحدة

والله يوفق الجميع وييسر الخير للجميع ان شاء الله دنيا واخره

@ اختكم في الله @

ام ناصر

موضوع مميز بارك الله فيك
وسعدنا بعودتك يالغاليه

السلام عليكم الغالية

والله انا اللي اسعد حبيبتي والتميز جهودكم للارتقاء بالقسم ما شاء الله

الله يوفق الجميع وييسر الخير للجميع ان شاء الله دنيا واخره

@ اختكم في الله@

ام ناصر

هلا وغلا بام ناصر وبالافكار الجميلة
تسلم يمناك على الابداع

السلام عليكم الغالية

العفوووو حبيبتي وان شاء الله دوم مواضيعي تحظى باهتمام الجميع

والله يوفقج وييسر لج الخير ان شاء الله دنيا واخره

@ اختكم في الله @

ام ناصر

طريقة حلوة وسهلة

السلام عليكم الغالية

هذا هو المطلوب السهولة في العرض والتطبيق ان شاء الله والله يوفقج وييسر لج الخير ان شاء الله دنيا واخره

@ اختكم في الله @

ام ناصر