بنات أبغى أطلب منكم طلب وأملي فيكم كبير!!!!!!!!!!



أبغى طرق وأفكار وحركات غريبة لتقديم الحلى وهدايا المعازيم في الزواجات وكمان عرضات عند تقديم الهدايا........
(مثلاً فيه ناس عند تقديم الهدايا يلبسون لبس معين فيه حركة غريبة ويحملون الهدايا ويرقصون على أغنية وبعدين يقدمونها)
أو مو شرط عرضات عند تقديم الهدايا أي حركة غريبة ممكن أسويها في زواج أخوي في الإجازة الالصيفية الجاية وهو أول أخو عشان كذا ماعندي خبرة

وعشان أعزمكم على الزواااااااااج


وعلى فكرة أنا عضوة جديدة وإذا ماساعدتوني راح أطلع وآخذ فكرة ماهي حلوة
هاهاهااااااااااااااااابس ماأقدر أطلع لأني أحب هالمنتدى

اهلا فيك يا Kindly
تفضلي هذا ارابط وان شاء الله ستجدين ماتريدين
اضغطي هنـــــا

ماشاء الله كيرلي ماقصرت

شكراً لمروركن..

129 وحدة قرأت الموضوع وما قدروا يجبروا بخاطري...
الظاهر إني ابطلع وأزعل لأن هذا أول موضوع لي وما أحد معبرني..
بنات والله إني مأنام زين من هم زواج أخوي...

جزاك الله خيراً يا كيرلي..
الله لا يحرمنا منك روابط مفيدة لكن أغلب الصور ماتظهر عندي صرت أكره الموضوع اللي فيه صور!!! ما أدري ليه؟؟؟؟؟؟؟

كل اللي اعرفه قديمه لاني ما احضراعراس كثير ما احبها

يحطوا اغنيه يالله صبوا القهوة وزيدوها هيل ويلبسوا لبس بدوي ويرقصوا بالسيوف ويوزعوا القهوة

وفي حفله شفت وحده عاملة حركه للشموع مسويه استناد فلين قاعده وبوسطه استناد على شكل عامود وعلىالعمود ورق اخضر زي ورق النخل ( سعف النخل) بلاستيك
وعلى عامود الفلين مثبته تمر بخلال الاسنان وصار شكلها نجله حقيقيه
والاستناد اللي تحت برضه فيه تمر ومزين باخضر بعد
----------------------

في فكره كانت بانفذها بفرحي بس ما نفذتها وهي البس بنات لبس زي حقون هاوي او نفس لبس اغنيه برشه برشه حين تقديم العصير للمدعوات

---------------------

بشبكتي لبست قريبتي جلابيه مصريه عاديه وفي يدها عصا ودخلت ترقص علىاغنيه يا بتاع النعناع وخليت الفلبنيات يقدمون مع العصير عصير ليمون بالنعناع

--------------------

انتي فكري كيف جو الاغنيه وظضبطي لها حركه
واذا عندك فكره قولي لي وانا اشاعدك ان شاء الله بس حددي ايش تبغين بالضبط

اتمنى اكون افدتك

جزاك الله خير يأم سعيد....

مشكورة حبيبتي على الأفكار... أنا ماأعرف شي بالأغاني وهالحركات بس ايش اسوي محتاجة الآن أفكار عشان زواج أخوي!!!!!!

وكمان إذا احد يعرف وحدة تسوي الطاولات والحلى يقول غير فدوة أم سلطان لأنها محجوزة في اليوم اللي انا ابغاها (أنا من المدينة) أو محل يسوي حركات غريبة في الطاولات والحلى !!!!!!!

بنات ترى عيوني بتنط من راسي وأنا مقابله هالصفحة انتظركم!!!!!!!

عزيزتي انتي لازم تحطي هدف قدامك علشان نعرف نمشي عليه
جو الحفل كيف تبغيه..؟
في ناس الاستايل حقها اعماق البحر ( فتجي الزفه فيها اصوات مويه ) والطاولات والتوزيعات كلها تكون اصداف قواقع حتى الكاسه تكون كذا

ممكن استايلك يكون غابات يعني يغلب عليه اللون الاخضر فنصلح لك الاغراض اللي تبغيها ( وتكون بالزفه صوت عصافير وما إلا ذلك ) وحركه حلوة عصفورين بيضاء يطيرها العروسه والعريس ومن هذه الافكار

اذا استايلك ريفي وفي كوش تكون ريفيه هذه صلحتها بفرحي بس ما ضبطت مره الرجال ما فهم قصدي 100%
كوخ خشبي مصنوع من الفلين ومن النوافذ تطلع ورود انا استخدمت الصناعي بس اللي كانه طبيعي
وحولينها اشجار وفي جزع شجره كبيره مصنوعه من الفلين شفتها عنده قلت له يحطها جنب الاشجار ويغطيها بالورق الاخضر

وبعدين خليته يصمم لي عربه ويحطها جنبها وكان طلبي انه يتدلي منها خضار وفواكه لكنه نسى الاخ وما عبها خلاها فاضيه
وجنب هذا من الجهه الثانيه زي المظله بس كلها قش
يعني جو ريفي حلو
وكنت ابي انفذ رقصه برشه برشه بحيث تقدم العصير لي وللعريس بنت خالي بس للاسف صار ظرف وما جات
وفكره العصير حقي غريبه شويه من الكاسات الكبيره اللي مره عبينها انصاف فواكه كلها وبالوسط اناناسه محفوره فيها العصير وممصاصين نشرب فيه الكاسه تجي لين عندنا ونحنا قاعدين مو الطويله اللي مره اليل ما يشربوها إلا وهم واقفين
وبعدين على الممر ما حطيت الاستاندات لا
كان عباره عن كاسات طويله فيها مويه حمراء وبوسطها عصيان ملفوفه ( جمع عصاه ) لونها زي لون القش

بالنسبه للزفه تعبت وانا اروح واجي على حقون الزفات والاشرطه وقريباتي جمعولي اسماء الاغاني الجديده والمقاطع الحلوة فيها لين اخترت اللي يعجبني
البدايه نسيتها مو متذكره بالضبط بس متاكده اني حطيت صوت دق باب ( قرع للباب باليد) وبعدين مقطع لكاظم الساهر افتحو الباب احنا العزيزين.. وبعدين صوت فتح باب واظن حطيت كلمات شعر القحطاني بعدها ومقاطع من احلى اغاني


انتي حددي فكرتك علشان نساعدك مضبوط

بالتوفيق حبيبتي وش الافكار الي تبين
حددي واذا ما عندك احنا عندنا افكار جديده وحلووه
خشي على قسم التجاره والتسوق وتشوفي
بالتوفيق حبيبتي

الله لايحرمني منكم...

شكراً أم سعيد يبدو إني حتعبكي معاي!!!!!

أنا ماأبغى أفكار للكوشة والزفة لأن هذي تبع العروسة أنا أهم شي عندي طريقة تقديم الحلى ايش رايكم تقترحون علي محل معين يسوي الطاولات والحلى.....
وكمان الهدايا ايش أقدم وكيف أقدمها ....
وإذا فيه حركات وعرضات عالأغاني بلبس معين .....

شكراً أم عبد الله......بشري ايش الأفكار الجديدة

الله يفرج همومكم ويشرح صدوركم كذا حسيت فيه أحد يشاركني همي.....