يعطيكم العافيه جميعا...""

مابقى ع العيد لا 5 ايام واكيد كلكم محتارين مثلي في هالموضوع راح نجهز سو :

وهاذي اول فكره عندي:

بجيب سلال صغيره واحط جواها حلويات وشوية قش "ديكور يعني"
واحتمال اجط الحلويات جوا سلوفان عشان ماتطيح المهم بجيب العيديات "الفلوس"واربطها في السله على شكل مطويه واحط معها ستكر فيه مباركه بالعيد باسمي اممكن احط صورة "أحد من بزارينا"

ثم اجمع السلال الصغيره واحطها بسله كبيره..ثم أوزعها

وحابه اقول لصحباتي كل عائله تختار دوله ويمثلونها بالعيد يعني بلبسهم واكلهم واذا حصل مصطلحاتهم...واهم شي يكون الشي بسيط وغير مكلف للجميع.......................

هاذا اللي فباللي حاليا

أنتو شعندكم افكار حطوها وياليت الكل يقول هو من أي بلد عشان نشوف حركات الدول او المدن
وانا من السعوديه..

يلاااااااااااااااااااااااااااااااااااااااا ياصبايا

السلام عليكم
كيفك ياااااااااحلوة

والله أنا جالسه أحوووووس وأدور بالنت
على أفكار جديدة ..

فيه فكرت القفاز الشفاف تملئينه حلويات واللي تتوزع على البنات نرسم أظافر بالمناكير


وبس مااااااااااافيه شي جديد ..

الله يعافيك إذا حصلتي شي اكتبيه ......

سلالالالالالالالالالالالالالام

صراحة ما نوزع العيديات في شي بلبنان ولا بمصر كل طفل بياخد المصاري بايدو ويروح يصرفها والكحك بالصواني وخلص ما في وجع راس كمن بالعيد بيكفي اعياد الميلاد والزواج والسوابع عقد القران والحنة سبوع الفرح و و و و و و الله يكون بعون الجميع

أخر لحظه وdianaamora
يسلمو ع المرورو أولا
ثانيا فكرتك يا آخر لحظه حلوه وبسويها
انا جالسه افكر ببطاقات دعوه للصبايا اللي مثلي راح اصلحها ثم ارسلها بالجوال وراح أقول أن أول واحد يدخل له هديه .........."يقالك اغريهم"
وكمان راح احط مسابقات والعاب "توسع الصدر ..شي للبنات وشي للكبار.."
و
فيه في هالمنتدى افكار مره حلوه..





وعندي اقتراح كل وحده تدخل تقول ايش سوو في عيدهم السنه اللي راحت حتى لوبعزيمه من قبل مو كذا احسن؟؟؟

وعندي اقتراح كل وحده تدخل تقول ايش سوو في عيدهم السنه اللي راحت حتى لوبعزيمه من قبل مو كذا احسن؟؟؟

الله يسلمك حنا كل سنه من صباح رب العالمين نقوم تعرفين صلاه العيد وبعد ما يرجعون
من الصلاه يروحون يأكلون العيد يمكن البعض ما يعرفونه هو يكون رز من الصبح بعض دول الخليج يعرفون
وبعض مناطق نجد
وبعدين يرجعون يجلسون الرجال عندنا يعني ينفتح مجلس الرجال عندنا والحريم بعد يبتدون يجون
يعني الي يقربون لنا الجيران و امي توزع عليهم عيادي يعني فلوس على حسب القرابه اذا قريب 50ريال واذا بعيد 30 او 20 ريال
وبعد ما يرحون الناس يبتدون يجون اخواتي عندنا من الساعه 10 ويقعدون عندنا وبتدي نوزع العيادي على بعض طبعا يكون فيه فن الي يحطه بسله ويزين السله والي بعلب والحركااات هذي الي موجوده عند ابو ريالين
وبعدين نقعد ونستانس الي قبل صلاه المغرب بشوي نروح نجتمع عند اهلنا كلنا الي صلاه العشاء ونقعد وهم يوزعون على الصغار عيادي ويلعبون الصغار ويسلفون الكبار
ونرجع للبيت على طول للسرير بدون ما نكلم احد هههههههه
يوم متعب بس الحمد الله والله يعوده علينا وعليكم اللهم امييييين
وكل عاااااااام وانتم بالف خير

ويسلمووووووووووووووووووووووو

صباح الخير
شكرا لكِ على طرح الموضوع.. في بلادنا يقوم الاهالي بزيارة بعضهم البعض وطبعا يتم توزيه هدايا للأطفال الصغار والاطفال الاكبر سناً يحصلون على عيدية رمزية (مبلغ من المال) بالإضافة الى توزيع الشوكولاته وحلويات العيد.. ولايوجد طريقة أو فكرة معينة لتوزيع هذه الحلويات..
وكل عام والجميع بألف خير

عرش بلقيس صراحه ذكتيرني بوحده اعرفها نفس اسلوبها,,,,,,,,,,
وكيرلي مشكوره حياتي ع المرور...وبرضو الشكر لعرش بلقيس

وتدرون انصح الي عندهم جمعه كبير يجيبون مايك "والله وناسه"
وشغلو الاستريو وحطو بلونات على الارض فركن للاطفال ...

اما عن سستمنا فالعيد فنفس كل البيوت السعوديه ماعدا ان الوالد مايطلع .....امممممممممممم مادري شسمه بس اللي هو ان الرجال يتجمعون فمكان وكل واحد يجيب اكله معاه..صراحه اريح بس نسوي عيدنا في بينا مع بعض..

ويلا البقيه شتسون او وش سويتو؟؟؟؟؟؟؟؟؟؟؟؟؟

اهلين وسهلين وكل عام وانتم بخير

حنا طايحين لنا كم من عيد نستأجر نطيطة كبيرة من الصبح عشان تظف البزارين

وتوسع صدورهم<== متأكدة البزارين بس!!!!!!!

وبالنسبة للصبح عيدنا عااااااايدي مررة

حريم يسلمون وبزارين يطرطعوووووووون ورجال يتقهوون ثم ناكل عيدنا

ونصلي الظهر ونوووووووومة..

المغرب نلبس مرة ثانية والكل جايب حلاوه ونحط القهوة ثم اللي عليه برنامج العيد يبدأ

العام كان علي انا واختي((عبارة عن: مسابقات+هدايا+كريسبي +مشروبات))

اللي عندها افكار مسابقات حركية تتحفنااا

كل عام و أنتم بألف خير

راح أضيف مسابقات و حركات و أفكار لهدايا العيد في الموضوع المثبت بالركن

موسوعة رمضان والعيد

تابعونا الليلة و تحصلوا اللي يرضيكم ان شاء الله