@!@!@! تجهيزات المواليد مع أم غلا !@!@!@

**أم العهد** · 04-01-2006, 06:10 PM

حبيت ارد عليج....مع اني مو مجربة...بي الغرفة ميزيها بالفوالة اللي تقدميها..وبعد سرير الطفل..وملحقاته تكون مبهرة شوية...يعني مثلا في سلات تكون مع السرير ومزين بالدانتيل واشياء حلوة حطي عليه شوكولاته..كذا افكر...ولاتنسي تكون الغرفة مزينة كأنج في عيد....الله يسهل عليج ان شاء الله ويباركلج فبنوتج

**...أم غلا...** · 05-01-2006, 05:54 AM

هلا وغلا بأم العهد

اشكرك على ردك حبيبتي نسيت اقولك انا جهزت طقم كامل للبيبي ومفرش لي نفس الشي

بس ودي بشي مثلا بالونات الوان فاتحه على الجدران بس فكرت بلأطفال الي اكيد يجون مع امهاتهم اكيد بيسوون لنا سالفه

هههههههههه

ويروح التعب خساره

ودي بفكره مميزه تخلي شكل الغرفه حلوه

تسلمين غاليتي على الافكار

بأنتظار المزيد من الأخوات

**الورق البيضاء** · 05-01-2006, 10:07 AM

در مهم

سلام عليكم
انا لورق البيضاء يمكن افيدج بشي أن أنتي تروحين حق الموضوع الا انا كتبته وبشوفين توزياعات وايد حلو ممكن اتسوين انتي بنفسج اشياء وايد حلو حق لاطفال مثل مصص وتغلفينه بتور وردي وتحطين شريطه وردي غامغ ورده تناسب واتسوين علبه تناسب الوان التور والورد واشريطه وبكذه تقدرين تركبين البلونات
اتمنى افيدج

باي

**...أم غلا...** · 06-01-2006, 01:07 AM

تسلمين حبيبتي على ردك الرائع

وفكرتك مره حلوه

بس البالونات مثل ما قلت لك الاطفال ماراح يخلونها بتصير سوالف ههههههههه

ولا شرايكم ؟؟؟؟؟

**lemo** · 07-01-2006, 02:13 AM

ان شاء الله تقومين بالسلامة

فكرتي أختي بالبالونات المنفوخة بالهليوم ؟؟؟ تجيبي مجموعة و راح تظل في سقف الغرفة

وفي بالونات تنعمل بشكل قوس ممكن تحطيها حول الباب

فكرتي بطاولة في احدى زوايا الغرفة مع مفرش نعووووم و عليها شمعات ومنثور فوقها ورد مجفف

مع دفتر للذكرى بحيث يكتب الضيوف تعليقات للمولودة ؟؟

و يكون على الطاولة برواز صورة ملائم فيه شعر عن البنت أو دعاء لها بأن ربي يحفظها

في زاوية ثانية خليها زاوية الهدايا ... اجمعي كل الهدايا اللي وصلتك للبنوتة فيها

هذا اللي جا ببالي حاليا و لي عودة بالمزيد ان شاء الله

**...أم غلا...** · 14-01-2006, 08:53 AM

@!@!@! تجهيزات المواليد مع أم غلا !@!@!@

بسم الله الرحمن الرحيم
السلام عليكم ورحمة الله وبركاته

تعبت وانا ادور عن افكار للسابع
ودي منكم نتعاون كلنا وكل وحده تكتب افكارها او الي راحت سابع مره وش شافت ؟

ويصير هذا الموضوع مرجع لأفكار السابع وايش ممكن نقدمه للضيوف وبس

حماتي تكفلت بهدية الضيوف بس ما قالت لي وش بتحط فيها

وجهزت اناشيد للبيبي وكاميرت الفيديو لتصوير البيبي

وانا شريت العطور والبخور غير البالونات والزينه الي بتتعلق وش رايكم ؟؟؟؟

انا عندي فكره بس مو كامله

هي عمل مطويات بالوان حلوه ومزينه من برا بشرائط وورد ومع كل مطويه شوكولاته في سله حلوه مزينه بالورد

بس الي محتاره فيه وش اكتب داخل

عطوني افكاركم الله يجزاكم خير

في انتظاركم احبائي

**المغتربه..** · 14-01-2006, 04:09 PM

أولا ألف مبروك حبيبتي

ثانيا ,, وش نوع المولود ؟ بنت ولا ولد !!

والكلام بالسابع يكون على زفة ,, يارب يارحماني بارك لنا بالغلامي ,,
يا تشغلين شريطها
أو تجمعين البزران وتحفظينهم الانشودة ويرددونها ,,

عاد بعد العشا
تغيرين لبسك ,,

تكونين مطقمة لبس انتي والنونو نفس الشي ,,
اذا ولد لبسيه فستان أبيض طويل مطرّز وحركات والبسي انتي نفس اللبس
واذا بنت حلو يكون بمبي أو فووشي وبرضه تلبسين انتي نفسه ,,

وشيليه وأمشي على زفة يارب يارحماني

وترا أحلا شي الأطفال يومها ,, انتبهي تقولين ممنوع اصطحابهم !

وجيبي سلات وربطي فيها شرايط برضه من نفس اللون الي بتلبسينه انتي والنونو ..

وحطي فيها زي الهدايا الصغيرة وخلي البزران يوزعونها ,,

طبعا والكيكة أهم شي لاتنسينها وشوفي لو تكتبين عليها اسم النونو أو تحطين صورته ,,

هذا الي ببالي ولو تذكرت شي بارجعلك

وممكن تستفيدي من هذا الرابط :

http://www.lakii.com/vb/showthread.php?t=119142

**...أم غلا...** · 14-01-2006, 09:18 PM

هلا وغلا بحبيبتي المغتربه

انا الى الان ماولدت بس حابه اجهز وقالو لي انها بنوته

افكارك حلوه كثير بس من وين بلاقي ملابس نفس الشي لي وللبيبي ؟؟ أنا بالشرقيه تعرفين محل يبيع جاهز

لان مافيه وقت للخياط

وفكرة المطويات وش رايك فيها ؟؟؟

بأنتظار المزيد منك ومن الاخوات

وجزاكم الله خير

**...أم غلا...** · 14-01-2006, 09:27 PM

هلا وغلا بأختي مرح

افكارك جدا رائعه تسلمين حبيبتي وان شاء الله راح انفذ بعضها

يسلموووووووووو

في انتظار المزيد

**...أم غلا...** · 15-01-2006, 03:41 AM

وينكم يا حلوين عجلو بالردود ماباقي شي

على موعد التنويم ويمكن اولد بأي وقت

ابي اجهز قبل ما اولد

ابي بس وش اكتب بالكرت

لاني شريت ورق تصوير ملون وبسوي الورقه 2 بالعرض

وبعدين بكتب داخلها كلام 000000000 مدر وش اكتب

وبعدين اجمع الزاويه اللي فوق بالزاويه المقابله لها من تحت

وازينها بورد وشرائط ستان وقطعة شوكولاته

وش رايكم ؟؟ وش اكتب داخل الورقه ؟؟

انقذوني

**lemo** · 15-01-2006, 07:30 AM

أم غلا ... داخلة على السريع بس شفت أنك بالشرقية و تبين ملابس لك و للبيبي طقم

تعرفين سوق الحب بالدمام ؟؟؟ من جهة الامارة .. مريول الحر يكون على يدك اليمين و على اليسار

صفة محلات للمواليد و تجهيزاتهم

أعتقد أنه يا محل حسام للمواليد أو اللي جنبه المهم المحل فيه دور ثاني بس ترقين فوق تلقين أشياء خيال

و عندهم ديزاينات تجنن ... في حركات كأنها فيكتورية بالدانيلات و نقشات القماش

الله يهون عليك يا رب و تقومين بالسلامة

**...أم غلا...** · 17-01-2006, 05:17 AM

هلا وغلا بحبيبتي فرح

الله يعافيك يارب امس دخلت وكان المنتدى مسكر وماشفت ردك

واليوم بروح المستشفى عشان قربت لأخر موعد للولاده

وما اقدر اروح السوق

على العموم إذا نقصني شي بخلي اختي تروح المحل الي قلتي عنه

تسلمين يا الغاليه على ردك ومساعدتك لي

على فكره سويت توجراف للبنوته عشان اي احد يزورني ويزورها يكتب كم كلمه لها

وصار تحفه شوفيه ان شاء الله اقدر انزله بموضوع مستقل

راح اشتاق لكم كثييييييييييييير

لا تنسوني بالدعاء

**...أم غلا...** · 17-01-2006, 06:04 AM

@!@!@! تجهيزات المواليد مع أم غلا !@!@!@

السلام عليكم ورحمة الله وبركاته

كيفكم ان شاء الله دوم مرتاحين ومبسوطيييييييييين

حاولت احط الموضوع امس بس علشان المنتدى مسكر اضطريت اخليه اليوم

وبكذا ما راح اقدر اشوف ردودكم الا بعد ما اولد لاني اليوم بتنوم وبعدها رايحه لبيت اهلي

دعواتكم لي واترككم مع الصور والدفتر والشرح البسيط

وياليت تقولو لي رايكم بصراحه

الدفتر عباره عن صندوق وفيه الدفتر وكله كان لونه بني وخشب وله يمكن سنه عندي وكنت برميه

ههههههههه

يوم قررت الفكره قلت ليه ما اعدله وازينه

طولتها عليكم صح ؟

المهم

هذي اول صوره للصندوق

طبعا فاتني اني ما صورت الدفتر والصندوق قبل ما اعدلهم

استخدمت هنا لزقه عريضه عليها هذي الرسوم بعد ما فككت الصندوق والدفتر لبستهم باللزقه وبكذا صار كأنه مجلد

بعدها طبعت على اوراق كودك هذا التصميم وهذي العباره ولصقتها بالوسط مع اضافة الشرائط الملونه بالشكل الموجود

الصوره الثانيه

هذي صورة الدفتر بعد ما فتحت الصندوق سويت نفس ما سويت للصندوق فككت الدفتر وغطيته كله باللزقه وطبعت على ورق كودك هذي العباره والتصميم هذا
طبعا كتبت تحت اسمها بعد

الصوره الثالثه

اتمنى تكون الصور واضحه

قولو لي رايكم بصراحه وبدون مجامله

اتمنى اشوف ردود قبل ما اروح المستشفى

راح اشتاااااااااق لكم كثيييييييييييييييييييير

دعواتكم

**lemo** · 17-01-2006, 08:11 AM

ما شاء الله شغل حلو عزيزتي

يلا ان شاء الله تقومين بالسلامة

و تجيبين قمرووووره صغيرة تطلع حلوة و حبوبة مثل أمها

عاد أنا طماعة و ودي بشغل السابع كله ... لا تنسينا فيه

ترى بسوي موسوعة باسمك للمواليد و تجهيزاتهم في هذا الموضوع

وش رايك ???

أي مستشفى عزيزتي يمكن أطب عليك أجي أزورك