طلب خاص من الغالية ام بودي ( سرير اطفال ) ^_^

السلام عليكم الغالية

اختي هذا هو السرير اللي طلبتيه في حال ما كان نفس اللي تبينه اتوقع ممكن يفيدج على الاقل في الافكار ولو ما فادج مو مشكلة حاولي تحطين لي الصورة اللي تبين مثلها وان شاء الله اقدر انفذها واسفة على التأخير

الخطوات :

الصورة الاساسية اللي نفذت عليها السرير هيه هالصورة



اكيد الاصل احلى بوايد ^_^

1- رسمت طبعا الباترون وهو كالتالي :

رسم مستقيم طوله 5سم

حددت على المستقيم اربع نقاط من كل جانب بين كل نقطة ونقطة نص سم بحيث يطلع لي في النص ما قياسه 1سم فاضيي من خلال الصورة بتفهمون شو كان قصدي من هالنقاط ,,

بعدين كملت على المستقيم ورسمت باقي المستطيل بعرض 5سم وطول 7 سم وفي المستقيم اللي فوق المقابل للمستقيم الماضي حددت عليه نفس النقاط ,,

بعدين اضفت على المستقيمين اللي اطوالهم 5سم واحد سم من كل جانب بحيث صار طول كل واحد منهم 7سم

اما على المستقيمين اللي اطوالهم 7 سم فاضفت من كل جانب واحد سم بحيث صار طول كل واحد منهم 9 سم

بحيث صار طول المستقيم 9سم + 1سم اضافي من تحت بحيث يكون الطول الكلي 10سم وعرضه 7 سم

ورسمت فوق المستقيم نص دائرة ( وهذا شي اختياري بس لاعطاء شكل مناسب للسري ) طبعا رسمته باستخدام الفرجار واللي ممكن نلاقيه في علبة الدوات الهندسية ..

بعد ما خلصنا الجانب الاول في السرير رسمت الجانب الثاني كالتالي :

اول شي رسمت مستقيم طوله 10 سم

وبعدين حدد على المستقيم اربع نقاط من كل جانب بين كل نقطة ونقطة 1سم بحيث يكون في المنتصف ما قياسه 2سم بدون تنقيط ,,

بعدين اضفت للمستقيم 1سم من كل جانب بحيث صار طول المستقيم الاجمالي 12 سم

بعدين كملت رسمت المستطيل بعرض 12سم وطول 7 سم وحددنا على المستقيم الثاني المقابل للاول ( 10 سم ) نفس النقاط الماضية في نفس الاماكن ووصلت بينها بخطوط ,,

ثم اضفت على الطول الكلي للمستطيل ( 7سم ) واحد سم من كل جانب بحيث صار طول المستقيم كامل 9 سم + 1سم اضافي من تحت بحيث يكون الطول الكلي 10سم عرض 12 سم

وفي هالمرحلة اكون خلصت من رسم باترون الجانب الثاني للسري واللي رسمته متصل بالجانب الاول..

وهذي صورة توضع الباترون وتبين لكم شو لازمة النقاط اللي سويتها في المستطيلين



اتمنى الحين عرفتي شو سبب النقاط اللي سويتها ^_^

2- بعد ماقصيت الباترون الاول اللي كان عبارة عن جانبين للسرير رسمت الباترون الثاني ( جانبي السرير الثانيين )



3- صمغت الجوانب مع بعض بها الطريقة



4- بعدين رسمت باترون القاعدة وكان عبارة عن مستطيل بطول 12سم وعرض 7 سم وعلى جانب كل مستقيم مستطيل طوله 12 سم وعرضه 1سم ممكن تراجعون مواضيعي الخاصة بالعلب المربعة وشوفوا كيف سويت الغطاء لانه نفس الطريقة ,, واسفة لاني نسيت اصور الحين


5- بهاي الطريقة بتكون القاعدة ...




6- حطيت الصمغ الابيض على جوانب القاعدة بها الطريقة




7- بعد تثبيت القاعدة في السرير بيكون هذا شكل السرير من تحت




وهذا شكلها من داخل السرير




8- وهذا هو الشكل النهائي للسرير ..






وهذا شكل لسرير ثاني بنفس الباترون تقريبا




وهذي صورة للسريرين ^_^





واسفة على اي تاخير او تقصير او عدم فهم للشكل المطلوب ,,, والله يوفق الجميع لما يحب ويرضى

@ اختكم في الله @

ام ناصر