طفشتي من السشوار؟؟ وتقصف الشعر؟؟ ونفسك تنعمي شعرك بدون مواد كيميائية؟؟تعالي شوفي ....
السلام عليكم ورحمة الله وبركاته
اخواتي العزيزات
جيتكم اليوم بتجربة خطيييييييييييرة ,وما حبيت اقولكم عليها الا لما جربتها بنفسي
خليني احكيكم حكايتي الاول
لما كنت في مصر الصيف قبل اللي راح ,, يعني من سنه ,, رحت لصاحبتي في بيتها ,, ولما شافتني امها كذه مره وشافت حالة شعري كيف منكوش ومتطاير وهداك الشعر القصير اللي واقف على طول الله يهديه
قالتلي انها بتستعمل حنه من 7 سنين ومداومه عليها هي وبنتها الكبيرة وان بنتها شعرها كان زي شعري وماشاء الله تشوفيه مرره ناااعم ومفرووود وانا كنت احسبه هو كده طبيعته...
المهم اصرت عليا الا اجربها,,ووافقت وانا متردده ,, لأن ما اخبي عليكم ,, انا مرررره خوافه من دي الأشياء, الموووهيم قالتلي ان في منها لونين اسود وبني غامق ,, اخترت البني الغامق
واول ما جيت جده استعملتها ,,, وما شاء الله تبارك الله من جد مرره كويسه ,, واتصلت عليها قلتلها انقذتي حياة عيله بكاملها ,, فين كنتي من زماااان؟
هي عبارة عن اعشاب طبيعيه ,, يعني مافيها مواد كيميائية, وهدا اللي عجبني فيها
قلت اقولكم عليها لأن ده اقل واجب لكم بصراحه انتو ما تقصرون في اي شي الواحد يطلبه منكم , فحبيت لكم الخير والراحه زي ما حبيته لنفسي
اللي تبغى منها تقوللي ,, انا جبت منها عدد لا بأس به لأن صار من اهلي بنات كتير يستعملوها
وبالنسبه لطريقتها ,,, هي تتعجن باللبن الرايب اللي نشربه وتتحط على الشعر ويتغطى بكيس بلاستيك لمده 6 ساعات
مره واحده كل اسبوع لمده 4 اسابيع ,, وبعد كده تحطي منها حسب الحاجه ممكن بعدها بشهر بشهرين بسته شهور ,,, على حسب سرعه طولان شعرك لان طبعا الشعر الجديد ما حيطلع مفرود, فتحطي بس عالجذور , اما الشعر اللي نعم ما تروح منه النعومة
الكيس الواحد ب 50 ريال ,, اللي شعرها طوله لين كتفها يكفيها في المره الواحده نص كيس يعني في الاربعه مرات كيسين ...
اللي حابه تجربها تقوللي ,, وطبعا اللي تطلب في الاول لها الاولوية
واللي حابة تراسلني ترد هنا او على ايميلي lovely_redrose_85@hotmail.com
لأن الخاص لسه ما فتح معايا
ويصلمووووووووو
الروابط المفضلة