جهاز تكبير الصدر اللذي أثار ضجه .. التفاصيل والصور على العام
السلام عليكم ورحمه الله وبركاته
بحمد الله تعالى قدرت أحصل على الجهاز اللي أثار ضجه في منتدى آخر معروف ووردت استفسارات كثيره عنه وعن المورد .. وضعنا في تلخبط الاسعار اللي صارت عقب ما رفع المورد سعر الجهاز من 45 دينار كويتي = 560.68199 درهم اماراتي الى 55 دينار كويتي = 685.27799 بسبب جشعه وزياده الطلب على الجهاز
للبنات اللي مايعرفون عن شو أرمس هذا رابط موضوع الاخت فيوليت جهاز لتكبير الصدر ناجح ومضمون 100% عن تجربه وبالصوره
والمورد كان يطلب من بنات الامارات والسعوديه 200 دولار = 734.61800 درهم اماراتي مصاريف الجهاز والشحن !!
الموقع الاصلي للجهاز امريكي ويبيعوه على 179 دولار = 657.48311 درهم امارتي بدون مصاريف الشحن من امريكا
موقع الجهاز
ولأن السعر كان مبالغ فيه ولظهور جهاز مشابه له في السعوديه بسعر ارخص بكثير (تقليد) قررت <-- حلوه قررت
أني أشوف راس المورد ( اقصد شركه التوريد .. أندمجت بالدور ) والحمد لله الله وفقني وحصلتها وبعد ايميلات ومراسلات من شهر وافقوا اخيرا ان يوردولي الجهاز الاصلي ( لأنهم مايوردون كميات صغيره لصغار المستثمرين زي حالاتي
أخر اتفاق معهم أن يوردولي طلبيه لاتقل عن 24 قطعه بسعر منافس جدا هو 57 دولار = 209.36613 درهم اماراتي
وطلعت مشكله جديده الشحن بالدي اتش ال وايد غالي وماطاعوا ينزلون درهم < ... اقصد سنت !! واجور شحن ال 24 قطعه هو 310 دولار = 1,138.65790 درهم اماراتي
وهذا نص ايميلهم والله الشاهد اني ما غيرت فيه حرف عدا حذف اسمي
Thank you for your prompt reply email received.
1. Normally if client order under 100set we'll increase about 20% unit price for cover basic handling charge. We place same lowest price for you and hope good help for your initial marketing.
الترجمه : عاده اذا كان طلب العميل اقل من 100 قطعه نحن نزيد 20% لسعر الوحده بس نحن اعتمدنا السعر الاقل للوحده عشانك ونتأمل تساعدك في بدايه عملج بالتسويق.. انتهت الترجمه < ياكثر ماصدعتيهم
2. The cost USD310 was send by DHL and we already get 15% discount (Original DHL fee was USD357) and we are DHL member with could cheaper price for send your goods. If take by FedEx, UPS, ... will 20% expensive than DHL, the DHL will take about 3 - 5 works days for delivery goods to you.
الترجمه : كلفة 310 دولار للأرسال بالدي اتش ال هي بعد التخفيض ل 15% ( السعر الاصلي هو 357 دولار) ولأن نحن أعضاء في خدمة الدي اتش ال عطونا السعر الارخص . اذا اخذنا اجورالفيدكس, اليو بي اس راح تكون 20% اغلى عن الدي اتش ال .. الدي اتش ال بياخذ تقريبا 3-5 ايام عمل الين ماتوصل البضايع لك
3. If we send by normal post to UAE, it will very unsafe and will take at least 3 - 4 weeks arrive you. If send by air or sea, it will have minimum fee, custom fee, handling fee at least over USD450.00 I think you don't like this way for only one carton shipment.
اذا طرشنا بالبريد العادي للامارات مب تكون امينه وبتاخذ 3-4 اسابيع الين ماتوصل واذا طرشناها بحرا او جوا فقيمه الوثائق والجمارك واجور التسليم بتكون اقل شي ب 450 دولار اعتقد أنك ماتبغين ان نتبع هذي الطريقه حق كرتون واحد ( 24 قطعه )
Best Regards
تحياتي
Sinder Peng
هذا اسمه
أنتهت الترجمه
....................
الحين الاجور هي 310 دولار نقسمها على 24 = 12.916 أي تقريبا 13 دولار زياده شحن للقطعه الواحده يعني بتكون
57 سعر القطعه من المنشأ + 13 سعر الشحن = 70 دولار
أجور تحويل البنك + أجري على كل قطعه = 5 دولار
أي المجموع الكلي 75 دولار = 275.48175 درهم أماراتي = 275.5
يعني لو عملنا مقارنه بين السعر القديم للقطعه للامارات وهو 734.61800- 275.48175 = 459.13625 درهم يعني ممكن تشترين تقريبا قطعتين زياده
نجي لمحتويات الجهاز وعمله
يدور الصدر وينفخه .. ينفع لذوات الصدور الصغيره والمترهله
يحتوي الجهاز على
Contents in case:Main unit × 1 , Rubber cup × 2 , Lead Wire × 2 , Battery (DC 9V) × 1
الوحده الاساسيه + 2 ربله ( غطاء مطاط يوضع على الصدر مثل الكب ) + 2 واير يوصل بين الربله والوحده الاساسيه اللتي تحتوي البطاريه + بطاريه
طريقه العمل يبل الصدر بسائل سواء بماء او اي لوشن طبي او عادي وتوضع عليه الربله ثم نلبس الملابس الداخليه لتثبيته ونشغل الجهاز على درجه الاهتزاز اللي ترتاحين لها لمده 40 دقيقه
...
الجهاز آمن وهو حائز على شهاده الايزو المعروفه للجوده
وكذلك معترف به من وزاره الصحه الكويتيه انه ميسبب اورام سرطانيه والعياذ بالله وهذا نص الشهاده
والحين هذي صوره الجهاز ومواصفاته
وهذي بعد صوره للجهاز
الخلاصه <-- ياحبج للرمسه خلصينا
سعر الجهاز + الشحن من بلد المنشأ = 75 دولار = 275.48175 درهم أماراتي = 275.5
المفاجأه أن السعر شامل الشحن لجميع أماراتي الحبيبه
أما البلدان المجاوره فالسموحه منكم بتتحملوا اسعار الشحن لأن السعر مايوفيني عذروني
مثل ماعرفتوا ان اقل كميه للطلبيه هي 24 قطعه اي تتجمع على الاقل 23 بنت وبطلب الطلبيه
الدفع مقدما سواء بالعمله الاماراتيه اوالتحويل بالدولار ( لأن الطلب من الشركه بالدولار )
وهذا موقع رسمي لتحويل جميع العملات للفائده
موقع حكومة دبي لتحويل العملات
التحويل يكون عن طريق الويسترن يونيون ( الانصاري للصرافه) او الايداع البنكي او لبنات دبي والشارقه أطرش لكم الدريول قرب الملا بلازا او البستان ويستلم منكم البيزات ونفس الشي ان شاء الله بالتسليم ( بتفتكون من الصدعه )
التسليم خبروني اي شركه شحن هي الاحسن لني اول مره اتعامل مع شركات الشحن وما عندي خبر منو اللي مايكسرون البضاعه ؟؟
أنا خليت كل التفاصيل والاسعار على العام اللي يراسلني على الخاص لطلب تفاصيل تحويل الانصاري والبنك فقط وأمانه عليكم يابنات انكم ماتطلبون وتلحون على التفاصيل على الفاضي اللي جاده بطلبها تتفضل حياها الله
ملاحظه اخيره : أخر موعد لتسلم الطلبات والتحويلات يوم الاربعاء القادم بأذن الله 29 مارس الساعه 11 الصبح لأن الشركه حددوا لي السعر الين نهايه الشهر وعقبهة بيغلون السعر الى تقريبا الضعف حسب قولهم وتعرفون نهايه هذا الشهر يوم جمعه والبنوك ماتفتح عندنا خميس وجمعه يعني بسوي التحويل الساعه 12 الظهر ان شاء الله
وهذي نص كتابتهم
TIME OF DELIVERY: WITHIN 1 WEEK AFTER RECEIVED YOUR PAYMENT
VALIDITY : BEFORE THE END OF MAR. 2006
موعد توصيل البضاعه عقب اسبوع من دفع البيزات
الصلاحيه ( لهذي الاسعار) قبل نهايه شهر 3
والسموحه
أم حسين
كتبت بواسطة noruae_72
الروابط المفضلة