السلام عليكم و رحمة الله وباركاته
كيف حالكم ياعويلة
مبروك عليكم رمضان
بيبي دوح انستي الليبيات و كل عام و انت بخير
الفالحة و الله حتى الكبار يبوا المشقشقات ( اني نسمي في البيتسا و البوريك و هالحاجات مشقشقات هههههههه) عندي احسن شيء في رمضان بصراحة اني و مولا بيتي ما نحبدش الطبايخ و المسقي في رمضان
طبعا الشربة ضرورية يوم شريبة لحم و يوم شريبة حوت حاشا عويناتكم
http://www.lakii.com/vb/showthread.php?t=356019


و البوريك بالدحي لازززززززم منه هههههههههههه لين قريب انكاكوووووو


و اليوم درت مفروم دجاج على هيئة فخيدات مقلي جاني يهبل ان شاء الله انزللكم الوصفة غدوة ( لو تبوها )
و سكالوب صدر دجاج و سلاطة مطبوخة و حمصية


و طبعا الحلو مع الشاهي لازم منه و بما انه الوقت ضياق عليا اليوم درت حويجة على السريع بس ما صورتهاش ان شاء الله غدوة نصورلكم حتى وحدة منها و هي عبارة عن حلوة شامية مع عصير البرتقال المركز و معها فستق تكركبيها و تملغسيها في الشوكلاتة
و صحتين

على فكرة المرقاز هو السجق و تقدري تشوفي هدا الرابط حطيت صورته للتوضيح اكثر
http://www.lakii.com/vb/showthread.php?t=355368
هدا هو المرقاز عبارة عن مصارين محشية باللحمة المفرومة و الثوم و الملح و الفلفل الاحمر

http://www.losaan.com/upp/uploads/d906a27095.jpg

السلام عليكم كيف حالك اليوم ياسمحة
اني ياحنة فطوري اليوم شربة هدي كل يوم
ومبكبكة بالقديد وطعمية بوريك بالمفروم وفلفل محشي
والحلو درت لقيمة خاطري ندير اكثر لكن الحمل متعبني ندير شوية ونكعمز
هههههههههههههههههههههههههههههههههههههههه
وصحيتي علي الموضوع الحلو

و هدا البشكوطي درته امس ليا وقت مادرتاش لكن جاني مش عادي



و هدي مشقشقات متاع امس


شكلي بنحطلكم متاع الاسبوع اللي فات كله هههههههههههههههههههه

يالا تصبحوا علي خير ياحبيبات

ام منير تسلم ايدياتك غير قوليلي شن هو هداك اللي ملفوف زي الصويبعات؟؟؟؟؟؟؟؟؟

يا اهلا باخواتى الليبيات انستم صفحتى
حنان ليبيا تسلم ايديك على الحاجات الحلوة
وصحيتى على توضيحك للمرقاز بس السكالوب امتاعك شكله مش عادى
تسلم ايدك
سلام

ليبية مغتربة كيف حالك انتى وحال البنات
وينك امبارح
بس صحة ليكى مدايرة قديد فى كندا
كيف نشف والشمس غايبة عليكم
بس والله صحة ليكى وما شاء الله والله اكبر حامل وهذا فطورك
ربى يعطيك الصحة والعافية
سلام

بيبي دوج كيف حالك يعني ما عجبك الا السكالوب ههههههههههه هدا درته بسرغة على الماشي امالا شن تقولي لما نقعمز نفتلكه علي راحتي زي هدا

بس هدا باللحم مش دجاج


ليبية مغتربة كيف حالك و حال الصغويرة شنوا مازال مايبوش يساعدوك هههههههه ربي يعينك و يسهل عليك و تسلم ايدياتك على الحاجات اللي مدايرتيها اني اليوم كنت نبي اندير لقمة لكن غيرت رايي و درت بلح الشام وكلير و صبيتلكم الشاهيباش الصورة تكمل هههههههههههههههههههه

اهلا بيك ام منير

نورتى موضوعى
ماشاء الله على هاليدين كله حلو
ربى يعطيك العافية والصحة
بس ممكن اعرف ايش المرقاز وعلى فكرة سفرتك تشهى
وبرضوا نبيك تورينى كيف اندير بوريك الدحى
ان شاء الله صحة

السلام عليكم اليوم يا سمحات
الله يسلمك ونجيك ومشكوره على هل الكليمات الحلوات
وبنسبه الى المرقاز زى ما وضحتلك الحبيبه حنونه
وبوريك الدحى يا حبيبه الورق طبعا هنى ماعندناش زى متع ليبيا يالى يتقرمش ناخد فى الورق الواتي حتى هو اقنين
والله كنت اندير فيه ابروحى لكن بخلت عليه يا حنه لقيته يشد اليد
هونى حتى حنونه مدارياته يالى قرييب تكاكى هههههههههههههههههههههههههههههههه
حقا انتى وين موجوده خارج او داخل البلاد ؟؟؟؟؟؟؟؟؟؟؟؟؟؟؟؟؟؟؟؟؟؟؟

ام منير تسلم ايدياتك غير قوليلي شن هو هداك اللي ملفوف زي الصويبعات؟؟؟؟؟؟؟؟؟

حنونه بسم الله مشاء الله عليك غر شنو هدا
مشاء الله فنانه مبدعه يعطيك الله الصحه كيف حال العويله كلهم وشنو جو رمضان معاك
لالالالالالالالالا شكله الامور ماشيه والحمد الله من الشى يالى تحطى فيه
ان شاء الله ناكلوه فى عمارك يارب العالمين
هدا يا حنه بوريك متع المفروم


بورق البوريك والحشو متاعا
مفروم وتشكشيه مع البصل المفروم وشويه فلفل اسود وملح ولما يطيب حطى عليه معدنوس
وخودى بطاطه وقرضيها صغيره واقليها وخلطيها معاه
وبعدين احشى بيه ورق البوريك وتلفيه زى لفت السبسي وتقليه فى الزيت والله يجنن ويتقرمش .
وبالهنى على قلبك