صباح الخير لصبايا الاردن المقيمات والمغتربات
صباح الخير لكل بنات الوطن العربي
حياكم بالبيت الاردني الجديد بيت العز
وان شالله رح يكون هالملتقى نشيط لاننا على ابواب شهر الرحمة بدنا همة ونشاط مو كسل

وبهالمناسبة كل وحدة تدخل تحكيلنا عن احوالها برمضان وتجهيزاتها لرمضان وكيف بتنسق وقتها بين الدوام والطبخ وغيره من الامور اليومية



واهلا وسهلا فيكم جميعا

شوفوا هالصورة لقيتها وانا اتصفح النت
المهم نحنا اول يوم برمضان دائما عنا منسف لانه امي بتضل تقول لازم يبدا رمضان على بياض

السنة هادي عم بقنع فيها تعزم عماتي من اول يوم مشان الواحد يتفضى لرمضان والعبادة لانه ازا تعودنا على روتين واجينا كسرناه يوم مشان عزومة وسهر طول الليل انا ما بعرف ارجع لروتيني

قوقو !! ان شاء الله يكون ملتقانا هذه المرة نشط !!! وكل عام وكل الصبايا وكل المسلمين بخير يا رب
احنا ما عنا عادة المنسف اول يوم بنخليه ليوم العزومة الكبيرة
كل يوم زوجي بده سمبوسك وشوربة وانا بدي سلطة او فتوش ولازم اكلة رئيسية والاولاد بدهم قطايف
الله يعيننا على وقفة المطبخ والجلي بعد الفطور وانا نعسانة
يا رب كمان اقدر اروح ع صلاة التراويح والاولاد يخلوني اروح يا رب !!!

أهلين بأشقائنا في الأردن..و بالبنات كلهم..
أنا أختكم من تونس..وحابة احكيلكم شوي على رمضان في بلدي و في كل البلدان العربية...
الرمضان ديما تكون ليه نكهة خاصة في بداياتو ونهاياتو أيضا ..
لكن ..احيانا أقول الرمضان في عصرنا الحالي ..مو زي رمضان قديما..
يعني..قديما كان شهر عبادات و صدقات والتزامات ..لكن ..رمضان الان..
صار للمصاريف ولللهو والمسابقات..المسلسلات..الحفلات..ولا حول ولا قوة إلا بالله..
صار الناس ما يقولو..رح نزور أقاربنا..ونعتكف ..ونختم القران..إلخ..
صاروا يقولو ..والله يا أخي ..فيه حفلة اليوم بكذا لكذا.. بمناسبة رمضان ....أعوذ بالله..
و اللي لاحظتو إنو الإسلام بدا يضعف شيئا فشيئا ..و شبابنا ضااااااااااااااااااااااااااااع
ضاااااااااااااااااااااااااااااااع ضاااااااااااااااااااع .......ولازم يستفيقوا قبل فوات الاوان..
فهل هناك من يشاطرني الرأي؟؟؟؟؟
وهل من حلول لهذه الشهوات اللامتناهية؟؟؟؟؟

مرحبا يا اردنيات ويا كل المنتدى عرفتوني؟؟؟؟؟؟؟؟؟؟؟؟
عارفة اني طولت عليكم الغيبة بس راجعالكم بشوق كبير
انا تزوجت محمود وصارلي اسبوع بقطر انا لسة عروس من اسبوع ونص
كيف حالكم جميعا؟

صباح الخير
حبيبة محمود الف مبارك الزواج يا رب تتهني ان شاء الله والله يخلي محمود الك ويخليك لمحمود
أميرة قرطاج اوافقك الرأي فعلا رمضان شهر الماكولات والمسلسلات والتسوق والخيم الرمضانية !!!! لا احد يفكر بالعبادة قدر ما يفكر بالاشياء الأخرى والمشكلة أن الأمور تسوء

اهلا حبيبة محمود والف مبروك الزواج وعقبال البكاري

اميرة قرطاج والله كلامك مزبوط المشكلة بالوقت والجو يعني الدنيا لما تكون شتاء ما بكون في مجال الواحد يعمل شي بيفطر وبيصلي تراويح وبنام من التعب والبرد

بالصيف لما يكون في وقت بدل ما نستغله بالعباده كله بصير في سهرات وعزائم وطلعات

بعين الله

فيوليتا نحنا بس اول يوم منسف ومو شرط منسف ممكن ششبرك او فول بلبن المه يكون في بياض هيك الماما بتحكي

بالعزائم برمضان بنعمل كبة مقلية وفتوش وعصائر وسلطات فجل وجرجير واوزي مع التمر والشوربات

بالايام العادية يوميا في فتوش مع شوربة ماجي او عدس وتمر والطبخة الرئيسية

بعد الفطور وبعد الجلي بكون ما ضل وقت للتراويح بنصلي تراويح وبعدها بيجي دور الحلو والقهوة السادة
ممكن ناكله لحالنا او ممكن ازا اجانا ضيوف جيران او قرايب

احيانا لبما تكون الدنيا صيف متل هالايام بنطلع انا وبنات الجيران نتمشى شوية بالحي لنهضم كتير الجو رائع بكون كل الجيران على البلكونات بياكلوا حلو والكل بيعزم علينا
واحلى شي بتكون الاهلة الي بتكون مضوية بكل الحي

بالشتا بناكل وبنحضر اي شي على التلفزيون او بنقرا قرآن وبعدين على النوم مشان السحور

شو ما كان رمضان بضل اله نكهة حلوة وخاصة آخر 10 ايام مع التنضيف وعمل الكعك واقراص العيد

هلا قويه كيفك
مبروك البيت الجديد
انا معك كمان
اليوم االاول لازم يكون الفطور يا ابيض يا اخضر
ابيض هووه اللبن
والاخضر هووه الملوخيه
وعلى العموم كل عاوم وانتم بخير
وهلا بحيبية محمود واميرة قرطاج وفيوليتا
واتمنى ان يكون رمضان هذه السنه غير
ونقضيه بالعباده والصلاه وقراءه القران

السلام عليكم ياحلوين
شكرا كتير يا قوية على الفكرة الجديدة
ولازم نزبط الوقت مشان ما يروح كلو بالمطبخ
نحاول نعمل برنامج يومي لطبيخ

اهلا سيسي الله يبارك فيكِ بس بيتنا مو جديد جددنا الديكورات
وكلامك مزبوط يا ابيض يا اخضر بس اخواني ما بحبوا الملوخية برمضان فما بنعملها كتير وازا عملناها بنعمل جنبها صينية دجاج ببصل

اهلا تانيا الحمد لله على سلامتك كيفك هلا ان شالله احسن؟؟؟

وكلامك مزبوط لازم التنظيم بالوقت والا الوحدة فينا بتاكل هوا من التعب