السلام عليكم ورحمة الله وبركاته
الاربعاء رحت زيارة للأهل في الرياض تبعد عنا حوالي اربع مائة كيلو
يوم الجمعة كنا راجعين من الاهل حممت الاولاد ولبستهم البجامات وعشيتهم علشان اول ما نمشي
ينامون لان وراهم مدارس في الصباح
مشينا بعد المغرب
وحنا تونا ماطلعنا من الرياض وقفنا عند محل نشتري ماء للطريق وزوجي نازل
قلت لأطفالي يالله نقراء اذكار المساء وفعلاً قراءناها وركب زوجي وقراءنا مع بعض دعاء السفر
ماراحت ثلاث دقائق الا وسيارة صغيرة ماشية مية وعشرين مقبلة نحونا من جهة اليسار
يعني من جهة زوجي وولدي كان خلف ابوه
من رحمة ربي ان اطفالي كلهم رابطين حزام الامان والولد جالس في الكار سيت
زوجي حاول يتفادى السيارة بس كانت مسرعة سرعة جنونية
وطاااااخ ضربت الجهة اليسار وسيارتنا كبيرة سيارة عائلة ومع ذالك طارت بعيييد ما وقفنا الا مبنى على جمب
الحمد لله
تجمعوا اهل الخير وطلعونا من السيارة
اصاباتنا كانت لاتذكر والسيارة هي الي تأثرت جداً
الحمد لله في الحديد ولا فينا
ما تتخيلون كيف نجونا وكل من شاف السيارة يقول مستحيل انهم نجوا
لكن بفضل الله اولاً ثم الاذكار ودعاء السفر حفظنا الله بحفظه
فله الحمد والشكر كله
الروابط المفضلة