السلام عليكم
كيفكم بنات وش اخباركم وشلونكم وش علومكم وش وش .................
اليوم حبيت اغير جو معكم بمناسبة قدوم الإمتحانات قلنا نعيد الذكريات والمواقف اللي تصير فيها
واجناس واحوال الناس معها واستعدادهم لها
الزبدة في الموضوع كل وحدة تقول حالها مع الامتحانات وكيف نفسيتها
عن نفسي في الامتحانات كل شي يتغير ..............سبحان الله حالة نفسية
الشهية للأكل مفتوحة 24 ساعة الثلاجة ياعمري فتح وصك تقولين مجاعة ادور شي اكله ولو تكلمت كان صاحت صياح
وما يفوتني أي موعد للأكل حريصة والجلسة مع الأهل والبسطة والتقهوي وشرب الشاهي والقهوة معهم والتبسط لإبعد الحدود ولو قالو شي روحي ذاكري قلت خلوني اخذ راحة شوي من كثر المذاكرة اللي مقطعتها كله هروب والله منها لا والمشكلة الكتاب في اليد لاصق منظربس
اهلي يمكن ملو مني المشكلة اذا جت العطلة تنقطع العلاقة معد اشوفهم كله تسدح ونوم
والثقافة شفتوا شلون تزداد أي شي يطيح تحت عيني لازم اقراه باهتمام وحرص الا كتاب المدرسة
مايفوتني شي اشياء عمري ماشفتها اناظرها
حتى النت يحلى فتحه والتفرج فيه
اشتهي اطبخ
اشتهي ارتب في البيت واحوس وادوس ..........سبحان الله عجب
واذا جد الجد وجاء الليل والخوف تو القلب يطلع وتبداء المذاكرة الصح على حسب المادة والله حلوة والقى فيها متعتي وميولي اكيف معها واقراها كلها بحرص واهتمام حتى لو كانت طويلة وصعبة وتشوفين برادات الشاهي وهات يا شرب والحمدلله تجي النتيجة الغالب مشرفة
اما إذا صارت المادة غثيثة وطويلة وما احبها تبدى الحالة النفسية السابقة وادور أي شي يلهيني وتجي انواع الإستخفاف وتصرفات غريبة وخفه العقل ما تتوقعين تصدر منك هاذي يسمونها هستيريا الإمتحانات
واذا قرب الفجر وحانت ساعة الصفر يبدا التحذيف وقراءة المهم حذف على كيف كيفك تصدقون عاد احيانا وكم مره يوفقني ربي ولا يجي اللي حذفته
اتذكر مادة ثقيلة وملازمها طويلة وما ينفهم منها شي يا كافي وادخل الجامعة وبعض ملازم هالمادة جديدة ما فتحتها والله من شريتها وانا ما ادري وش فيها واشوف البنات حريصين على وحده ويقرون ياربي والله جاني خوف قلت وش تقرون ما اتوقع تجي ذي فهمتو ا منها شي قالوا كل شي وارد وانا اناظر فيهم منتب صاحين مب جايه وش فيكم ؟ وندخل القاعة والحمدلله شكل الإستاذ مثلي ما فتحها ولايدري وش فيها ويوم طلعنا قلت شفتوا قايله لكم احساسي ما يخيب
الا على طاري الاستعداد فيه شي نسيته تدرون من استعداداتي اني يحلى لي التكشخ والتزين أخر شياكة
يعني تلقيني حريصة افكر وش البس بكرة واجهز كل شي افتح الدلاب واتنقى حتى البكل والجزم اجهزها وشوف وش اللي يناسب أخر اناقة خصوصاً اذا صار الإمتحان صعب قايله لكم ادور شي يشغلني عن المذاكرة
واستغرب والله من بعض البنات يجون يمكن شعرهم ما سرحوه من قو المذاكرة احسها مبالغة وشوله التعقيد ياكافي
الحمدلله كلنا نجحنا وش فرقنا عن بعض
يالله عاد كل وحه تكتب عن نفسها ولا تفشلوني هاذي اول مشاركة لي في منتدى الإخاء
اقول لاتوقعون الحين عندي امتحان الحمدلله تخرجت وانطقيت في البيت ...وسلامتكم

هههههههههههههههههههههههههههههههههههههههههههههههههه هههههههههههههههههههههههههههههههه



الله يقطع شرك

تسلمين على الموضوع الي الكل محتاجه

من ناحيتي انا من زمان كنت مثلك باضبط

بس اللحين في الجامعه بما ان الاختبارت مو وراء بعض فعادي الايام الي مايكون فيها اختبارات اجلس على النت بس قبل الاختبرا بيومين لازم امسك الكتاب واذاكر صح اني اطلع من الغرفه شوي واحاول اني الهي نفسي شوي بس ماا قدر اقول لاء يابنت انتي كنتي امس طول الوقت على النت اللحين هذي جزات نفسك واتحمس واذاكر واقول يالله عشان اول ما ارجع من الاختبرا راح تنتهي المسشكله وافرح وادخل النت هي كم يوم

احاول اصبر نفسي بس عشان خاطر اخلص مذاكره بدري وتجيني حاله ان خلصت الماده بدري ابكي واقول اللحين ايش اسوي اراجع ان راجعت نسيت المعلومات اكيد انا ماذاكرت بدري بما اني خلصت بدري

وشوفوا ولا يفتكم البكاء والصياح الين يجيني النوووووووووووووووووووووووووووووووووم


هههههههههههه

حبيبتي بيالة شاهي هذا جزء لا يتجزء من الاشياء والهبال الي يجني ايام الاختبارات


تسلمين على الموضوع

بيالة شاهي


الله يقطع ابليسك اذا كان حالتك كذه ماشاء الله

ليت السنه كلها اختبارات كخخخخخخخخخخخ

غاليتي والله عن حالتي ايام الإختبارات فأنا وسط لاني زيك مطنشه والدي الإختبارات كخخخخ

ولا ني ثقيلة دم حتى وجهي ما اغسله من هم الإختبار

يعني آكل مع اهلي وحتى جلسة القهوه بعض المرات اجلس معاهم

اطلع اتمشى معاهم يوم الأربعاء كتغيير جو

بس والله اذاكر وابذل جهدي

يعني وسط مريحه نفسي

وحكمتي >>>> ادرسي يابنت والتوفيق بيد الله >>>>امممممممممم الحكم

بس فعلا فيه بنات اقسم لك بالله اذا شفتهم اكره شيء اسمه دراسه لدرجة ان فيه وحده كان فوق انها ثقيلة

دم وانانيه وماتعطي احد وجه >>> من شطارتها ماتشوف احد مثلها المهم تجيك حتى السلام ماتقوله تقول ماني فاضيه

بعد الإمتحان اسلم براحتي اخس والله من دراسه

وبنات تصير اوزانهم 30 كيلو من الهم

وجع والله لو بطلع دكتوره ما اسوي كذه

لكن الوسط زين وا لا

والف شكر رجعتيني كم سنه ورى

وذكرتيني بأيام حلوه

الله يحلي ايامك عيوني

هلا والله وغلا يا فرولاية جدة
اقول هذا جزء من الهبال اجل الباقي وشو


الا اقول انت الحين تختبرين ولاخلصت كانك ماخلصت اتركي النت وروحي ذاكري وخليه للعاطلين ترى البنات اللي فيذا مب نافعينك اذا جت النتيجة ( قولي منتيب احرص مني على نفسي ولا )
مشكورة ياعمري على المرور
الله يوفقك وتكوني من المتفوقات قولي امين

هلاوالله ياغزالة
شفتي وشلون النفسية تزين وتنتعش ايام الإمتحانات عجب والله
تصدقين هاذي حالة عكسية لكل فعل ردة فعل مساويه لها في المقدار معاكسه لها في الإتجاه وش رايك
وترى عاد منيب مطنشة لها الدرجة زيك نص ونص
وصادقة الوسط زين لا افراط ولا تفريط
ياهي ذكريات حلوة والله اشتهيت ارجع ادرس لو يوم اغير جو
الله يحلي ايامك وايامي ياغزال ياجميل

السلام عليكم ورحمة الله وبركاته ..





اهلا بک اخیتی



سبحان الله تصدقين انا ما تطلع الكشخة

الا

عند عز الدراسة وبذات المكياج ما اقوم

اطلع كل ابداعاتي..


تسلمين

بيالة شاهي الله يجزاكي خير





والله الخير موجود بس والله ماعندي وقت اكتب لك لاني بذاكر وما بدخل كثير بس كفايه هذا عليكم




اخاف تقولون ايش هذي



هعهعهعهععهعهعهعع


يالهل حبي سلااااااااااااااااااامووووووووووووووو



اختك


فوفو توأم شوشو

ياهلا وغلا اقانيم

كتبت بواسطة اقانيم

السلام عليكم ورحمة الله وبركاته ..





اهلا بک اخیتی



سبحان الله تصدقين انا ما تطلع الكشخة

الا

عند عز الدراسة وبذات المكياج ما اقوم

اطلع كل ابداعاتي..


تسلمين

اجل كلنا في الهواء سوا

اهلين فوفو
الله يوفقك يارب ويوظفك
مشكورة ياعمري على المرور

وش فيكم ماتفاعلتم مع موضوعي
صراحه تحطمون الواحد
يعني كلكم ما شالله ماتطلع عليكم حركات ايام الإمتحانات ولا كلكم شطار ودوافير طيب تكلموا عن شطارتكم
زعلت
اول موضوع لها في منتدى الإخاء وتتشرط بعد
معليش اتحمل غصبن عني