هاه بشروا كيف العيدية حلوة .....كيف عيدكم

**شمووخ همّه** · 13-11-2004, 10:07 AM

السلام عليكم حبايبي

كيفكم يالغالين

ان شاء الله بخير

من العايدين مرة ثانية

هاه بشروا اخذتوا العيدية

وكيف عيدكم الله يسعدكم يارب ويجعل ايامكم كلها عيد

اسمعوا حبايبي

بغيت كل وحدة تكتب لنا وش سووا اول يوم في العيد وكيف كان ووين راحوا يعني قصة حياتهم فيوم العيد

كل وحدة مو تدخلون وتطلعون كل وحدة تدخل لاااازم تكتب

اتفقنا

يالله حبايبي اليوم عيد لاتفشلوني

يالله ابيكم تترسوا لي الموضوع اوكي

يالله حبايبي فمان الرحمن

عساكم من عوادة

**هنـــد** · 13-11-2004, 10:45 AM

هههههههههههههه
كل عام وإنتي بألف خير يا غالية

بالنسبة لي
لا يزال الوضع مستقراً
ولم تبدأ الوفود بالتوافد إلى منزلنا العزيز
وأعصابي لا تزال باردة وخالية من التوتر

بس اصبروا ساعة
وينقلب الوضع

سأوافيكم لاحقاً
هذا لو سمحت لي حالتي النفسية والجسدية آخر اليوم بدخول النت

**ريَّانة المشاعر** · 13-11-2004, 01:12 PM

سلام للغالية شوقنا .. كيفك يالغالية .. عساكم من عواده .. تقبل الله منا ومنكم صالح الأعمال إنه سميع مجيب الدعوات ..

أولا حبيبتي .. اليوم الصباح زي العادة .. أنتظرت أخواني وخواتي والعائلة الكريمة كلها في الصباح يجون عندنا بعد الصلاة طوالي .. ويفطرون عندنا .. ونااااااااسة .. وبعد ما يفطروا يخرجوا تكون جات الساعة 10 فنحنا ما نصدق خبر نروح ننام على طول (من تعب ليلة كاملة ) وهذا انا صحيت ألآن بعد الظهر وسويت الغدا .. وبروح أصلي .... وباليل يصير خير ...

شوق

**شمووخ همّه** · 13-11-2004, 06:15 PM

هند عمري الله يسعد قلبك

الله يعينك نتمنى ان توافينا بالاخبار وبحالة الوفود

دودي قلبي ياعيون شوق

حياك الله ياعيوني والله لك وحشة

الله يسعد قلبك لاتنسين تكملي لنا شصار اوكي

انا ياطويلات العمر جلست مواصلة من امس وصليت العيدبعدين جونا اخواني وزوجاتهم وافطروا معانا بعدين راحوا بعدين رحت صكيتها نومة الى المغرب بعدين قمت وتغديت اااااقصد تعشيت بعدين جيتكم هاه

ايه نسيت اقول لكم واخذت العيدية اهم شئ العيدية عاد هي كل شئ

انتظركم واتمنى تفاعل اكثر من بقية الاخوات
سلملم

**هنـــد** · 13-11-2004, 08:43 PM

للحين ما راحو

سأوافيكم غداً لو قمت وأنا سليمة 100%

**شمووخ همّه** · 13-11-2004, 10:21 PM

هههه

الله يسعد قلبك ياهنودة العسل

اقول ذولي يعايدون والا بينامون عندكم

**الخقاقة** · 13-11-2004, 10:31 PM

مرحبا

كل عام وانتو بالف صحه وسلامه وينعاد عليكم السنه وكل سنه يارب ...

انا بصراحه كشخت ولبست ولبست ولدي وسرنا بيت اهل ريلي سلمنا عليهم وعايدناهم وعطونا عيديه حقي ولدي وطلعنا

وبعدين سرت بيت اهلي وعايده على امي وابوي وخواتي واخواني وخالاتي وووو الخ ناس وايد ما يخلصون ما شاء الله هههههههههه
وبعدين سرنا الاستوديو وصورنا انا وريلي وولدي ان شاء الله بس يطلعون الصور حلوين

وبعدين ردينا بيت اهل ريلي تغدينا هناك ورديت بيتنا وخلاص

**شمووخ همّه** · 13-11-2004, 11:08 PM

ماشاء الله

الله يسعدك يارب

وكل عام وانتي بخير

حلوة العيدية

اكيد حلوة

بس وش هي >>> ياشين اللقافة اتغشمر الله يسعدك يااارب

**lemo** · 14-11-2004, 02:53 AM

ل عام و انتم بخير

انا توني صاحية من شي ساعة من النوم غصب عني مش بودي

اتصلت علي صديقتي تبارك العيد علبالها صاحية

ما درت عني نايمة من صلاة العشاء

علبالي دجاجة

بس ما عليه

اوفر طاقة لثاني يوم لان عندي مخططات كثيرة

عيدية

ما حد عطاني للحين بس انا وزعت على اخواني

و صلني كرت معايدة وو صلتني تهنئة بالايميل

اتمنى بكرة احصل شي

شسوي وزعوا على اخواني و نسوني بالتوزيع

يومي بالمختصر

صليت العيد و فطرت مع اهلي

رحت الدوام طلعت منه بعد الظهر

رجعت البيت ضبطت نفسي و رحت بيت عمي على العصر

طلعت منه قريب العشاء

اذن العشاء و على طول كنت نايمة

و ما صحيت غير من ساعة

قلت اكمل عيدي معكم بس ما حصلت احد غيري بالمنتدى

و الحين بروح اتعشى

وسلامتكم

**المغتربه..** · 14-11-2004, 05:20 AM

ياحبيلكم بنااات ..

تدروون عاد .. العالم كلها معيده .. وحنا صايميييييييييييييييييين !!!!

والله ..

الهيئة الاسلاميه حقت اتحاد الطلبه المسلمين في كندا اعلنت ان العيد الاحد موالسبت

والله قهروووووووووووووووووووووني مررررررررررررررررررره ..

بس يالله

الحين الساعه 10 مساء من يوم السبت يعني انتم الساعه 5 عندكم بساابع نومه اكيد

اليوم رحنا السوق .. وودي اتهرب من زوجي باي طريقه وحسيت انه هو بعد يبي يتهرب ..

المهم ترك عندي ولدي وقال بروح اشوف شي ..

والله انا ماهمني وش يبي يروح يسوي .. العاده ايدي بايده اما الحين بالعكس استاانست يوم رااح

عشان والله كنت ابشريله هديه .. اشتريت له ثلاث قمصاان حلووييين مررره ..

ورحت حاسبتهم وخليتهم معي والحمدلله مانتبه .. وبعدين جا ايده فااضيه .. قلت وين الشي ,, قال مالقيت

رحنا البيت افطرنا .. لاني زي ماقلتلكم صيااام .. وراح زوجي يحوس على الكامبيوتر

وانا قمت احوس بالبيت انظف واكنس والمع وحووسه .. بعدين سويت كيكه شوكولاته والله طلعت تهبببل

انشالله بحطلكم طريقتها ..

ونومت ولدي .. اهم شي .. انه ناام عشان نروق .. وحطيت الكيكه بالصااله وكتبت عباره كل عام وانت بخير

عيدك مباارك وخرابيط مالكم دخل فيها ..

وحطيت الهديه جمبي

وناديته .. .. الصراحه مررررره تفاااااااجأ واستااانس .. وعطيته الهديه .. والحمدلله عجبته وطلعت على مقاسه

وتدرون وش الشي اللي راح يشوفه بالسووق .. صندووق مكيااج .. جميييييع انواع المكياااج اللي اعشقه ..

صرااحه مرررررررره استاانست

بس والباقي مو شغلكم ....

وانا الحين برووح اناام وراي صلاة عييييييييد

وبرجع وبعلمك وش صار بكرا اللي هو اول يوم ..

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: هاه بشروا كيف العيدية حلوة .....كيف عيدكم

أدوات الموضوع

العرض