السلام عليكم حبيباتى فى الله



بصراحة دى أول مرة أشارك فى هذا الركن الرائـع

ويارب مشاركتى هذه تنال إعجابكم وتفيدكم جميعا

.................................................. ....................................

طبعا من أكثر المشكلات اللى بتقابل اى عروسين بيجهزوا شقتهم إن الشقة بتكون ضيقة

وان الموبيليا الكبيرة بتضيق الشقة أكثر ومبيبقاش فيه أى مساحة يقدروا يتحركو فيها براحتهم وكمان المنظر امام العين بيبقى مش حلو وغير مريح


وما اكثر هذه المشكلة فى هذه الايام لأن كثيرا من الشباب يلجئون للسكن فى مساكن بالإيجار ومعظم الشقق الايجار واسعارها معقولة بتكون صغيرة وضيقة ..


وللأسف فى عندنا معتقد خاطىء إن كل ما العفش يكون كبير وضخم كل ما يكون أقيم وأشيك .. لكن انا ليا رأى تانى وهو إن

كل ما العفش يكون بسيط ورقيق بيكون أحلى وأشيك


من تجربتى الشخصية حابة أقدملكم صورة للعفش بتاعى فى حجرة الليفينج وفى الريسيبشن .. علما بإن شقتى اوضتين وصالة

.................................................. ....................

بالنسبة لليفينج انا قلت استفيد منها بإنها تكون اوضة التليفزيون وكمان يكون فيها سرير للنوم .. لأى ضيف يجى عندنا او للبيبى لما يكبر شوية

والصور هتوضحلكم اكتر



دى كنبة صغيرة



ودى كنبة كبيرة وجنبها التليفزيون



ودا السرير بجانب الكنبة الصغيرة




ودا سرير بنوتى الصغنتوتة حطيته تحت السرير الكبير يعنى بعد السرير الكبير عند آخره كدا





وبكدا زى مانتم شايفين ابقى استغليت الاوضة فى كنبتين للجلوس ومشاهدة التليفزيون .. وسرير كبير 120 لأى ضيف ينام عليه او لو انا هنام مع بنتى فى نفس الغرفة وكمان سرير للبيبى يعنى ممكن بردو نعتبرها اوضة اطفال نوعا ما

نيجى بقى للريسيبشن .. وهو مش كبير وواخد شكل رقم 7 بميل كدا وهتشوفوا بالصور .. والمساحة مش كبيرة فجطيت فيه اوضة سفرة صغيرة وكاملة ( نيش وبوفيه وسفرة ) وخليت عدد كراسى السفرة 6 بس بدل 8 والأنتريه كنبة كبيرة وكنبة صغيرة و فوتيه واحد بس علشاان لو كنت حطيت اتنين هيكون االمكان ضيق جداااااااا




دا البوفيه


ودى صورة تبين وضع الانترية من السفرة كل ال 7 اللى قولتيلكم عليه .. والنيش زى مانتو شايفين صغير وحلو يعنى مكفى كل حاجة الحمد لله




ودا الأنترية .. وهتلاحظوا إنى حاطة ترابيزة الكمبيوتر برة فى الصالة لأن ملهاش مكان فى الليفينج ..



ملحوظة: إن الرابيزة بتاعت الإنتريه كلها تقريبا زجاج .. لأن الزجاج بيكون شفاف طبعا وبيديلك احساس باتساع المكان لكن لو كانت كلها خشب كانت هتديكى ايحاء بضيق المكان .. كمان لو لاحظتو الستاير من غير براقع ولا فسطونات .. خليتها بسيطة جدا معمولة من اورجانزا خفيفة ووراها بطانة .. وطبعا لونها من لون الأنترية ..

.................................................. ............

أتمنى أكون أفادتكم واعذرونى لو جودة الصور مش حلوة اوى وإن شاء الله أحاول اصورلكم اوضة النوم كمان لأن الأوضة ضيقة وبردو اشتريت غرفة نوم صغيرة علشان تدينى مساحة للحركة .. ومستنية رأيكم ..

بجد يا مرمر ربنا يباركلك فى شقتك وعفشك كتير رقيق وبسيط ومتكامل يعنى مش حساة ناقص حاجة

ما شا الله بيتك كتيير مرتب ومتناسق وكتير ناعم
تتهني فيه

كنوزة وام ميرا .. تسلمولى حبيباتى على زوقكم .. ربنا يباركلكم يارب ,, والحمد لله انه زوقى عجبكم حبيباتى

ماشاء الله حلوة جدا
ربنا يبارك لك فيها يارب يا ام لين
بالذات السفرة بسيطة وانيقة

ام سيف بجد فرحانة اوى انها عجبك وانك دخلتى موضوعى بجد دا شرف ليا .. انا بحبك جدا فى الله وبتمنى اتعلم منك يا قمر .. ربنا يباركلك فى صحتك واولادك يارب

ماشاء الله على زوقك العالى يامرمر بجد بجد شقه كتير
تحفه وخفيفه وترتاحى فيها ربنا يهنيكى يارب ياقمر
ويخليلك لين القموره ويحفظهالك
وكل سنه وانتى طيبه وعيد مبارك على الامه الاسلاميه كلها

ربنا يعزك ويكرمك يا ام حبيبة تسلمى على زوقك يارب .. الحمد لله بالرغم من انها ضيقة بس الحمد لله مكفية ..

ما شاء الله يا ميرو شقتك جميله ورقيقه زيك يا قمر
ربنا يهنيكي ويسعدك

ما شاء الله تبارك الله

بيتك كتير مرتب وناعم وبتحسي فيه بالهدوء والراحة

زوئك حلو كتير ونعوم متلك

الله يهنيكي ويخليلك بنوتك الحلوة