السلام عليكم ورحمة الله وبركاتة
اخوانى واخواتى الاعزاء عندى مشكلة عارف انها جامدة جدااااااااا جداااااااا ومش عارف احلها ازاى وتتلخص فى الاتى
اشتريت شقة مساحتها حوالى 120 متر والشقة دى كان ساكن فيها عريس قبل منى والمشكلة انة كان بيحب اللون الاخضر بشدة وانا ما اخدش بالى من كدة لان الموضوع كان سريع جداااااااا وهو كان مسافر والشقة متفنشة كويس كاساسيات
المشكلة
الارضيات كلها سيراميك باللون الزيتى الغامق جداااااااا والشبابيك الوميتال زيتى بردة سيراميك المطبخ والحمام الارضية زيتى والحيطان خضراء ( فزدقى كدة )
الابواب الحجرات اخضر غامق باب الشقة اخضر غامق (فزدقى غامق كدة ) وهو مش عامل كرانيش ومش عارف هل اعمل انا ولا لا هتمشى مع كل دا ولا لا

شوفتوا بقى انى فى مشكلة جامدة ومعنديش صبر ولا قدرة مالية انى اغير الشقة او اكسر واغير كل دا

يا ريت تساعدونى اكسر كل الالوان الخضراء دى ازاى وادهن الوان اية تكسر لون الارضية والكرانيش ولو دهانات اسبونش تبقى اية والوان ابواب الحجرات والشقة كلة كلة والوان الستائر واستيل العفش اللى يمشى ويكسر الالوان دى كلها


ياريت تساعدونى فى المشكلة وتقولولى هى جامدة ولا انا اللى مكبرها ربنا يكرموا يا رب

اولا هتسيب السيراميك كله زي ما هو .ممكن تغير لون الخيطان كلها من الفسدقي للون العاجي سن الفيل او اللون الكريمي وتدهن حيطه واحده بس في الريسبشن بالون الزيتي الغامق لون ارضيات السيراميك . الابواب كلها خليها باللون العاجي بردو او لو تحبها غامقه خليها زيتي مش فسدقي. بالنسبه للكرانيش زي ماتحب ممكن تركب او لا
طبعا اللون الزيتي بيبقي محتاج معاه ان النجف بتاعك هيبقي دهبي مش فضي .
وان شاء الله الشقه هتبقي حلوه وفاتحه وهنكسر اللون الاخضر الكتير ده

تقريبا لو دحلت الاصفر يطلع حلو ويكسراللوت شوى

صراحة مشكلة كل شي لونه اخضر. حاولي تدخلي اللون الاصفر او الاورنج وتقدري تدخلي اللون البني.انا عندي كنب لونه بني واخضر زيتي اي حد يشوفه يعجبه الالوان.

اهلا بك عزيزتي

شكرا للأخوات اللي قدمو المساعدة

اللون الأخضر جميل جدا ومريح للنظر
وطالما الشقة فيها تدرجات الأخضر فأنا لا اراه شيء سلبي بالعكس ممكن تضيفي اشياء اليه تزيده روعة

اولا الارضيات

ممكن تضيفي على الارضيات سجاد الوانه فاتحة او بني او عسلي فيكسر من حدة اللون الاخضر


الحوائط باللون الفستقي وهو جميل ومناسب جدا خاصة ان كان الاثاث فيه اللون البيج او البني او الاورانج او الابيض


اما الشبابيك فستغطى بالستائر ويمكن اختيار اي ستارة مناسبة للاثاث


لا ارى باللون الاخضر مشكلة عزيزتي فهو لون جميل خاصة ان اختير معه الاثاث بعناية


موفقة عزيزتي ومبارك عليك الشقة

اليك بعض التصاميم باللون الاخضر لأخذ بعض الافكار

لاحظي هذه الصورة
الحوائط بني غامق جدا ... كسر حدة البني لوحة كبيرة مودرن وارفف بيضاء بالجدار




بالتوفيق اختي

السلام عليك اخونا الكريم
********************

عند رأى أتمنى ان يعجبك

1. ان كنت تريد ان تتخلص من لون الحيطان الأخضر دون

دهانات:

فيمكنك استعمال ورق الحائط بالألوان التى تختارها

* أيضا ممكن استعمال ورق الحيط على البيبان

* ويمكن استعماله على حائط واحد فقط من حوائط الغرفة

2. ولو عايز تتخلص من لون السيراميك الأخضر بسرعة وبدون

تكسير:

يمكنك استخدام الموكيت باللون اللى تشوفه لائق مع ورق الحائط

***

نصيحة عن تجربة: لو هتختار موكيت . اختار الموكيت ذو الكسافة

الرقيقة

ليس لأن سعره قليل

ولكن لأنه سهل التنظيف وضرره للصدر أقل لأنه لا يحمل اتربة كثيرة

مثل الأنواع

الأكثر جمالا والأكثر وبرا.

* لو الوقت مش هيسمح بشئ من هاذا ،

ضع لوحات كبيرة الحجم أو كثيرة هكذا

هنا ى هذه الصور الابيض كسر اللون الاخضر

أما هذه الصور لتعطيك بعض الافكار

أتمنى ان أكون قد أفدتك بشئ ولو القليل

ويوجد فى الموقع أفكار لورق الحائط جميلة

فحاول البحث عنها من خلال محرك البحث داخل الموقع

بالإضافى لأفكار جميلة للمشرفات من عمل طبلوهات كبيرة بالقماش

لتعلق على الحائط

وافكار أخر للاخوات ولأخونا مصصم ديكور

فى أفكار حلوة للرسم على الحوائط

فحاول تصفح الموقع وستجد الكثير ان شاء الله

وبالتوفيق

شكرا على المساعدة والافكار الجميلة بس هو فى ملحوظة اولا ان انا راجل ثانيا ان اللون الاخضر الزيتى دا فى الارضيات والابواب وبعض الاسقف فقط