كتبت بواسطة i muslmah

كونتيسة دي اسعار القماش مس كده

امم يعني معندكيش صورة للنوع التركي ده

جزاك الله خيرا

اه ده اسعار القماش وبالنسبه للستاير التركي ده للاسف معنديش صور ليها لكن ممكن اصورهالك واحطهالك بس اديني يوم او اتنين كده

ودلوقتي حبايبي انا نزلت النهارده ولفييييييييييييت وجبت لكم اسعار الستاير

اولا احب اقول اني نزلت شارع ابو قير من اول فيكتوريا لحد جناكليس يعني لفيت محلات الشارع ده كلللللللله

تركيزي كان مبدئيا كان على الستاير الخفيفه لكن سألت على قماش الانتريهات والمراتب وكده ولقيته من اول 47 و52 جنيه للمتر لحد 175 جنيه

وقبل ما اقول اسعار محدش ياخد بالاسعار ده لان ده اماكن غاليه ومستويات عاليه ولعلمكم الستايراللي انا ذكرت قبل كده اسعارها لقيتها هناك بتقريبا ضعف الاسعار واكتر كمان

الستاير في السوق لقيتها 3 انواع اما اورجانزا او شيفون او كتان

الاورجانزا يا تلاقيها ساده خالص او رسمه خفييييفه خالص ... او تلاقيها اورجانزا مشغوله شغل كتير وكانت جميله قوي رغم ان الاورجانزا بطلت نوعا ما وطلع الكتان غطّى عليها وده سعرها قبل كده لما نزلت وفاصلت فيها كان مش معدي ال 20 جنيه لكن في شارع ابو قير لقيتها من اول 25 وطالع رغم ان الاورجانزا اول ما طلعت لو حد جابها ب 35 ده كده يبقى شاطر وبطل وعرف يفاصل ويشتري

اما عن الوان الاورجانزا فيه منها السكري والبمبي والنحاسي الغامق والنبيتي والزيتي

ولقيت النهارده برضه نقشه اروجانزا حلوه نفس اللي في الصوره ده





وده بقى فيه منها الابيض زي اللي في الصوره وفيه منها ابيض لكن الشغل اللي جواها يعني ورق الشجر ده لونه بمبي .. وده كان مترها ب 65 جنيه والرجل قاللي اني ممكن احط ستاره مشغوله زي ده مع نفس الاورجانزا ساده يعني الستارتين مع بعض زي الفكره اللي في الصوره ده كده



***وكان فيه اورجانزا مشغول وشكله ذوق شويه يعني مش الموديلات القديمه وده 3 اسعار

الاول قماش اورجانزا (صيني) المتر ب 30 جنيه

التاني نفس القماش والرسمه بس (تركي) المتر ب 65 جنيه (والفرق بين التركي والصيني يبان من اول غسله)

الثالث بقى يا حبايبي اورجانزا (أسباني) والمتر ب 175 جنيه

الشيفونات بقى مش كتير في السوق لانها بطلت وملاقيتهاش كتير ولو لقيتها هيا هيا نفس الرسمات اللي عباره عن شغل مفرّغ وسط الستاره ومن الحرف والالوان بني او زيتي او دهبي

اما عن الكتان بقى حبيب قلبي فهو مبدّع في السوق اشكال والوان

انا قبل كده قلت اني لقيته كتان وفيه كنار من الوسط والحرف اورجانزا ومشغول كان ب 35 فاصلت فيه لحد 25 جنيه المتر ... لقيته بقى في شارع ابو قير ب 45 و 55 و 65 جنيه

واللي عجبني برضه الستاير القماش التقيله ده اللي بتحجب ضوء الشمس اللي تقريبا اسمها بلاك اوت اللي زي ده





ده بقى لقيتها في محل واحد واشكالها والوانها تحفه وجميله وذوق راقي جدا جداااا

ده المتر بتاعها ب 84 جنيه بس الرجل قاللي انها كبيره بمعنى انك لو محتاجه 10 متر حتشتري 5 متر بس وتقسميها اتنين

ده يا جماعه اللي قدرت افتكره من كتر المحلات اللي دخلتها ده بس عموما بقى عايزه اقولكم حاجه مهم قوي

الاسعار ده كللللللللللللها متاخدوش عليها لان تلاقي كل واحد بيقول على نفس القماش كذا سعر لكن انا قلت لكم الاسعار قبل كده اللي انا فاصلت فيها كانت كام وخليتها كام والستاير نفسها في شارع ابو قير بكام

وطبعا فيه اماكن في اسكندريه مشهوره بأسعارها المهاوده زي ساعه كرموز والعطارين

يلا حستأذنكم دلوقتي علشان راجعه تعبانه من المشوار وان شاء الله بكره لينا لقاء

شكرا يا كونتيسة جداااااااا

بجد يا كونتيسة ربنا يكرمك ويجزيك خيرا انت رائعة فعلا

طيب يعني من الاخر انزل العطارين وخلاص

اصل انا مش بلف خالص

يللا فاضل بقى هنعمل عند مين ؟

بجد مرة تانية جزاك الله خيرا

كتبت بواسطة hananany

شكرا يا كونتيسة جداااااااا

تسلميلي يا قمر وبرضه خليكي متابعه معانا ولو عرفتي حاجه ياريت تفيدينا

كتبت بواسطة i muslmah

بجد يا كونتيسة ربنا يكرمك ويجزيك خيرا انت رائعة فعلا

طيب يعني من الاخر انزل العطارين وخلاص

اصل انا مش بلف خالص

يللا فاضل بقى هنعمل عند مين ؟

بجد مرة تانية جزاك الله خيرا

شكرا ليكي كتير على احساسك الطيب وعموما انا لسه ليا نزول تاني ان شاء الله وبرضه حتابعكم بالاسعار

مفيش جديد يا بنات؟

بصو يا بنات يا حلوين

طبعا بدايه الموضوع اني طالبه مساعدتكم واتقلب بقيت انا اللي بساعدكم

لكن انا وانتم واحد ويلا هاتوا ودانكم

النهارده نزلت ساعه كرموز ولفيت على الستاير وجبت لكم شويه اخبار الى حد ما حتقضي الغرض

طبعا مش عارفه اقول ايه ولا ايه بمعنى اني شفت انواع كتير واشكال كتير وعرفت رينج الاسعار كمان فعلشان الكلام كتير فاللي ناقصها حاجه او محتاجه تعرف حاجه تسالني وانا حجاوبها

الله ينور عليكى يا كونتيسه و يبارك فيكى معلوماتك مفيدة جدا بس عايزة منك خدمه ياترى الستارة الى صورتها فى الاول البيضاء و لها جنب نازل من ناحيه واحدة تاخد كام متر قماش لبلكونه عرضها متر و نصف
و ياترى شوفتى و انتى بتلفى الاورجانزا الكروشيه المشغوله ولا بقت ممش موضه

انا متبعاكو والله

كتبت بواسطة noana

الله ينور عليكى يا كونتيسه و يبارك فيكى معلوماتك مفيدة جدا بس عايزة منك خدمه ياترى الستارة الى صورتها فى الاول البيضاء و لها جنب نازل من ناحيه واحدة تاخد كام متر قماش لبلكونه عرضها متر و نصف
و ياترى شوفتى و انتى بتلفى الاورجانزا الكروشيه المشغوله ولا بقت ممش موضه

يااااه فينك مش باينه؟ شكلك متابعه من بعيد لبعيد

بصي يا ستي بالنسبه للستاير لو البلكونه متر ونص فيه ناس تقولك هاتي متر او مترين زياده عن طول البلكونه علشان الكشكشه وفيه يقولك هاتي 3 اضعاف الطول ده يعني 4 متر ونص

لكن الانسب انك تجيبي الضعف .. يعني بلكونه متر ونص تجيبيلها قماش 3 متر علشان الكشكشه تبقى كتير وكل ما يبقى اكتر حيديكي كشكشه كتير وبيبقى احلى واجمل وليكي حريه الاختيار

ده بالنسبه للستاره بس .... انما بقى لو عايزه تعملي حته زي البرقع من فوق فده مش حقدر افيدك فيها لان حسب شكل البرقع بيتحدد الطول ...

بالنسبه للاورجانزا موجود كل حاجه فيه اورجانزا ساده وفيه مشغوله ونازل اشكال والوان بس اللي يعرف يختار وسط كل الزحمه ده

ونصيحتي لما تنزلي تشتري متدوريش عن حاجه معينه محدده في دماغك علشان ممكن تشوفي حاجات وخامات احسن واشكال اروع ومتنتبهيش ليها لانك عايزه حاجه معينه

ونصيحه تانيه برضه حاولي متشتريش حاجه نازله موضه لانها حتكون غاليه وكل الناس بتجيبها مستويات راقيه او عاديه وفي نفس الوقت حتدفعي فيها غالي لانها لسه نازله موضه والسنه اللي بعدها على طول حتكون بطلت وبقت رخص التراب .... فلو حتشتري اشتري حاجه تكون موضه اه بس يكون فيه كذا حاجه يعني مثلا كتان في اورجانزا او اورجانزا في جيبير وهاتي احلى شكل بحيث انها تقعد معاكي سنين ومتحسيش ان الزمن فات عليها او موضه وعدت وتدخلي اي بيت تلاقي الستايراللي هنا زي اللي هنا وفي نفس الوقت تكوني مميزه

اتمنى اكون قدرت افيدك وعموما اي سؤال تاني انا موجوده