انا نزلت عند محل ستاير واحد النهارده قريب من البيت المهم وده اسعار حاجات سألت عليها
الستاير الكريشه (المكشكشه) اللي بيقولوا عليها تركي نازله السوق جديد ومشغوله حسب اللون اللي تحبيه فيه منها الزيتي والدهبي والسيمون ده مترها في الساعه 55 وبعد الفصال تاخديها بحاجه وعشرين لكن عند اللي انا سألت عنده قاللي 25 وفاصلت ووصلنا ل20 جنيه للمتر
نوع تاني عباره عن قماش كتان وفيه كنار اورجانزا مشغول وده شكلها عجبني قوي ومن النص اورجانزا برضه وباقي الستاره فيها شغل خفيف ... ده مترها قال 35 وبعد الفصال وصلنا ل 25 جنيه للمتر
وشفت برضه ستاره لغرف الاطفال برضه عجبتني قوي فيها اشكال كتاكيت وفراشات وكده وتشبه الستاير اللي في الصور ده
وده قاللي المتر ب 17 جنيه ومفاصلتش فيها انما ممكن توصل 15 و12 كمان
معلش ده معلومات بسيطه بس ده اللي قدرت اعرفه في المشوار الصغير ده وان شاء الله بكره لما انزل اقدر افيدكم اكتر
الروابط المفضلة