عاجل الى الاخوات المصريات أرجو ان تدلونى على أماكن مفارش السرير السورية بالقاهرة

**nancy kareem** · 10-12-2006, 08:58 PM

ارجو من الاخوات المصريان ان يدلونى على مكان او محل ممكن الاقى فية مفارش السرير السورية المطرزة اللى زى اللى كانت موجودة فى معرض السياحة و التسوق فى القاهرة حيث اننى على وشك الزواج و للاسف لم اشترى المفرش من المعرض
ولكم منى جزيل الدعاء

**yomizo** · 10-12-2006, 09:14 PM

ارجو من الاخوات المصريان ان يدلونى على مكان او محل ممكن الاقى فية مفارش السرير السورية المطرزة اللى زى اللى كانت موجودة فى معرض السياحة و التسوق فى القاهرة حيث اننى على وشك الزواج و للاسف لم اشترى المفرش من المعرض
ولكم منى جزيل الدعاء

ممكن لو انت مشتره باي نادي تلاقيه فى المعرض الخاص بيه
ولى رجعة مرة اخرى ان شاء الله بالعناوين

**behappy** · 10-12-2006, 10:03 PM

اعتقد هتلاقيه موجود دلوقتي في المعرض الدائم في ارض المعارض بمدينة نصر

كمان ممكن تلاقيه في المولات الكبيره زي الورلد تريد سنتر

اركاديا مول ...اللى على الكورنيش

واسمع انه ممكن يكون موجود في سوق غزه في العتبه تقريبا

**شذىالعطور** · 10-12-2006, 10:12 PM

سمعت عن مول سيتى ستار ايضا

جربى وبالتوفيق

**yomizo** · 10-12-2006, 10:42 PM

سوق غزه في العتبه تقريبا

سوق غزة اتنقل مكانه لشارع بورسعيد

**reowesh** · 10-12-2006, 11:31 PM

اولا السلام عليكم
سوق غزة فى الوايلى هتلاقى كل حاجه من المصرى حتى الامريكى لانه متخصص فى هذا النوع من المفارش
وكمان هتلاقى فى منطقه فى العتبه اسمها حمام الثلاث وليس الحمام ولكن المنطقه اسمها كدة فيها كل مستلزمات العروسه وكمان فى الوكاله
انا بقولك على الامكان الى هتلاقيها جميله جدا واصليه وبسعر مناسب جدا جدا جدا
والف الف مبروووووووووك

**bosy98** · 11-12-2006, 01:49 AM

اهلا بيك حبيبة قلبى ..

بصى المفرش اللى تقصديه .. حتلاقى تشكيلته فى محل فى السراج مول بس اللى افتكره انهم كانوا مبالغين فى اسعاره شوية

لكن لو عايزة مفرش انيق و عملى فى محل قصاد سيتى ستارز أسمه السلامليك قبل مطعم الشبراوى علطول .. بتاع قماش صالونات بس بيه تشكيلة من مفارش السرير بسيطة و ناعمة و راقية و سعرها رخيص جدا بالنسبة لبساطتها و رقيها

لكن لو بتحبى الشغل المطرز السورى .. فالشكل ده لقيته فى المحل اللى قلت لك عليه و ماكنش تقليد للى بلاقيه بمعظم المحلات .. بس مغالى فى سعره الحقيقى كتير الضعف تقريبا

و الف مبروك الزواج مقدما حبيبتى

**دودو82** · 11-12-2006, 11:22 AM

حبيبت قلبي لو لسه فاضل علي زواجك شهر او شهر ونصف يبقي سهل جدا تستني معرض الكتاب وبيبقي فيه جناج للسوريين والصينين وهتلاقي اللي انتي عايزه وبأشكال كتيرة جدا وباسعار معقوله لان في السراج مول وسيتي ستارز مبالغين جدا في الاسعار
والف مبروك علي الزواج

**رونىى** · 11-12-2006, 11:35 AM

كويس يا جماعة انا كمان فرحى كمان شهرين و كنت دايخة على مفارش سورى لانى ملحقتش اجيب فى مهرجان السياحة والتسوق اللى فات وعجبونى جدا بس انا ملقتش فى حمام التلات بس قالولى على الغورية هى قريبة من حمام التلات وكمان سوق غزة واسعارهم حلوة بس انا لسه مانزلتش وعلى العموم انا هاشوف فى مدينة نصر
وياريت لو لقيتى ترجعى للموضوع وتقوليلنا عملتى ايه
وشكرا ليكى

**nancy kareem** · 11-12-2006, 03:22 PM

كتبت بواسطة yomizo

ممكن لو انت مشتره باي نادي تلاقيه فى المعرض الخاص بيه
ولى رجعة مرة اخرى ان شاء الله بالعناوين

شكرا يوميزو فعلا كان فى نادى الصيد بس ما لحقتهوش و ما كانش فية موديلات عجبتنى

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: عاجل الى الاخوات المصريات أرجو ان تدلونى على أماكن مفارش السرير السورية بالقاهرة

أدوات الموضوع

العرض