لمسات جمالية للمنزل
قاعدين اتـأثـثـون بيتكم ؟
محتارين باللي ممكن تختارونه وينحط بالصالات أو الديوانية ؟
تبون أفكار ؟
بنشوف بعض الاكسسوارات المنزلية
اللي ممكن تنضاف بالبيت وتعطي شكل جمالي حلو وراقي
طبعا اكيد ابتختارون اشوية طاولات ابزوايا الصالة وبين اطقم الجلوس
وهي اللي بنحط عليها شغلات
مثل
الشموع تقليدية او ابتفنتك
ولي كانت ابحركات يديدة ما تنشاف وايد بتكون احلى
والسالفة ترا مو بس بالشمعة .. الاهم منها اهو الشكل لحامل الشمع
vases الفازات
لي حطينا فازات مو شرط تكون ابنفس لون الاثاث
وممكن اتكون الفازة خالية أو انحط فيها ورد ، ريش ، أعواد للزينة وغيرها
وشي حلو لي حطينا يم هالفازة صحن تجميلي
أو صناديق صغيرة أو كبيرة
واهني بنشوف من هالشغلات اللي تنحط عالطاولات أو يم الفازات
حامل المجلات والجرائد
وممكن انحط حامل المجلات والجرايد ابكونر حلو
طبعا اهو شكلي أكثر ماهو للاستعمال الحقيقي لأن الجرايد والمجلات اللي ببيوتنا وايدة
المجسمات
ممكن انحط شغلات اتيي بالطول مثل المجسمات و تكون لها معنى
مثل هالشخصيات والجسم الحديدي المشغول
او ممكن وضع مجسم ماله دلالة لشي معين
الحواجز
وايضا ممكن اختيار حاجز يفصل كونر مثلا عن باقي الصالة ابشكل جميل
الحيوانات
ممكن اختيار قفص لطير او لأي حيوان صغير ناعم وأليف وغير ضار
ووضعه ابمكان تقريبا بعيد مو قريب وايد يم القعده
الكراسي
ممكن وضع كرسي ناعم منظر من الزجاج مثلا
الألعاب
واخر ما لدي من أفكار وهي وضع لعبة جميلة كمنظر فقط بمكان مناسب
وتكون اللعبة من الزجاج أو الخشب أو لكرستال
مثل لعبة الشطرنج
وتمنياتي للجميع بالاختيار الموفق لمنزل العمر
ولكم تحياتي
الروابط المفضلة