السلام عليكم

اتمنى انكم تساعدوني في تصميم اول غرفة لي مع ملحقاتها انا بحثة في المنتدى عن طلاء الجدران واكسسورات الحمام اعزكم الله وخذت افكار وايد حلوه منكم ..

بس انا ودي بغرفة اصبغها باللون الاصفر الفاتح مع اضاءة ابجورات باللون الاحمر وسرير خشبي ولون الحمام حابه انه يكون ازرق...

بس محتارة في اللون السيراميك والمكان المناسب للسرير وملحقاته انا مرفقه مع الموضوع رسمه لوضع الغرفه ومساحتها ومساحة الحمام ..


اتمنى اني اسمع رايكم وحتى لو تنصحوني باللون غير الاصفر مع العلم انه ما في اماكنيه اني اصبغ غرفتي كذا لون مثل ما قريت انه شائع حاليا للكثير...


في انتظار ارائكم ونصائحكم لي وان شاء الله انكم ما تخيبون رجائي فيكم..

تحياااتي

أولا عظم الله أجرك
ثانيا الف مبرووووووك الغرفه
شوفي حبيبتي انتي اللي تبينه الحين هو لون الارضيه ومكان السرير
بما ان الغرفه بتصير فاتحه واللون مررررررة حلو الليموني
السرير يفضل انه مايكون في وجه الباب
شوفي احسن شي بأفرفر لك بالنت واجيب لك صور غرف نوم

اجرنا واجرك
يزك الله خير اختي عسل الجنه

اول نقطه اسجلها انج ما عندج اعتراض على لون الغرفة..

تسلمين وراح اكون في انتظارج

تحيااااتي

بالعكس يجنن اللون بس انتي عازبه يعني مو متزوجه بسرررعه ردي علي انا على الخط

رجعت لك ثاني شوفي حبيبتي
بالنسبه لنا احنا في الخليج في الشتاء مو اجسامنا بس اللي تطقطق ضروسنا بعد
والسيراميك وبالاخصيه لغرفة نوم ماينفع <<<<واسألي مجرب
بما ان احنا قلنا ان السيراميك ما ينفع لا يضيق صدرك وتقولين ماابي افرشها انا بعد ما أحب الفرش
احلى حاجه وافخم ودافيه هي



الخشب

ايه صدقيني وهذي صور نوم خشب الارضيه جناااااااان وبيناسب اللون الاصفر بيعطيه فخامه ووضوح أكثر

هلا اختي عسل الجنه

انا عزابيه...

اما عن الخشب وبما اني عزابيه فالاهل ناوين يفرشون البيت كامل سيراميك يعني انا مالي اختيار ومب عاجبتهم فكرة الخشب ولو انه شكله وايد حلو ...بس احيانا احسه يعطي عمر اكبر لصاحب الغرفه ما ادري احس جيه..

للعلم تراني ما شفت الصوره مب طالعه عندي..

تحياااااااتي

هلا عزيزتي.......ومنزل مبارك ان شاء الله

اما بخصوص الالوان...........نبدأ بسم الله

لون السيراميك اختاري لون محايد عشان اذا مليتِ من لون الصبغ او الفراش ممكن تغيرينة ووبساطة اما اذا كرهت السيراميك

صعب تغيره......

الالوان الهادئة دائما" رائعه في غرف النوم...البيج او الرملي روعه

مكان السرير احسن مكان لة يكون على شباك الغرفة....في الواجهه......مع اضافة الكونسول على يسار السرير....

الى هنا اتمنى ان تكون افكاري عجبتكِ

وبالتوفيق عزيزتي

السلام عليكم

هلا اختي دندون..مشكوره والله يعطيج العافيه

لون السيراميك بيج لانه فعلا مثل ما قلتي محايد ....

والصبغ انا دورت في النت وقريت انه اللون اصفر رقم الصبغ هو 25700

بس ان شاء الله اتاكد منه ..

اما عن مكان السرير كنت حابه اني احطه ورى الشباك بس فكرة في الكبت وطاولة الكمبيوتر والتسريحه وين راح يتوزعون خصوصا انه هناك باب الحمام راح يضايق مكان السرير ...

ما ادري انا محتارة اتمنى اني اسمع ردج.. ورد الاخوات ..

وان شاء الله اشوف رايكم في كل شي بالغرفه للاكسسورات...

تحيااااتي

وعليكم السلام ورحمة الله وبركاته

حياك الله أختي

تفضلي هذي الروابط وان شاء الله تلاقي فيها طلبك


سلسلة ركن من فيلا ....*** 2 **** غرفة النوم ***

ساعدوني في غرفة النوم

غرف نوم اتهبل

غرف نوم رائعة*1*

وهناك الكثير من الموضوعات الخاصة بغرف النوم فقط اجري بحث (غرفة النوم ) وستجدين الكثير والكثير من الأفكار والإقتراحات ..

وبالتوفيق يارب

هلا اختي شمالية غربيه

مشكوره عزيزتي

انا سويت سيرش عن غرف النوم بس تدرين في فرق في المساحه واللون اللي اباه علشان جيه حبيت اخذ ارائكم في الموضوع وشو تنصحوني من كل النواحي..

تدرين انه الوحده منا تكون متردده ومب عارفه اذا هالشي صح او خطا فحبيت انه اشوف اذا حد جرب وطلع مب حلو وحابه انها تنصحني واستفيد من تجربتها من حيث لون الغرفه او تاثير التوزيع عليه...

مشكوره والله يعطيج العافيه..

تحيااااتي