أخواتي عضوات منتدى لك أقدم لكم موضوعي هذا وراح أعلق عليه حسب استطاعتي0
أولا نبدأ بغرفه النوم الرئيسية0
تبدو الغرفه بالونها البني الغامق متناسقه مع أرضية وجدران الغرفه والرابط اللي عكس جمال الغرفه واضح أنه المفرش بالوانه المتناسقه 0 وخاصة أن الأرضيه الخشبيه ولون الجدار التفاحي لونيين فيهم مجازفه0 لأحظوا ايضا الزوليه وألوانها المتناسقة والهاديه0
والآن مع غرفة ولدهم(باينه من شكلها)
شفتوا المفرش يعمل عمايله في الديكور وهو عامل مهم في الربط والدمج بين الألوان0وأعتقد أن هالغرفه لواحد في سن المراهقة لأن الوان الجدران ابدا بعيده عن الوان الطفوله0
واللحين طوالي للصالة العلويه فيها بوفيه صغير مع جلسة دافئه من المدفئة ومجموعة كراسي وطاوله للأستمتاع 0بصراحة الأرضيات الخشبيه تتناسب مع كل الألوان بس نحتاج للدمج الطبيعي بين الألوان0
نشوف أن الطاوله(البوفيه)+الكراسي+المدفئه سوت دمج وأعطت منظر مريح للعين وخاصة أن اللون العشبي للجدار له موقعه من الأعراب لأن اللون الأخضر بدرجاته لون يناسب جميع الألوان0
وهذا جزء جانبي من الطابق العلوي طبعا الأب عندهم رسام(حذاقه)شوفوا حتى البراويز فيها نوع من التناسق 0نشوف جزء من الجار على شكل بنايه بنفس درجات لون الجدران الأصليه والأريكه معطيه تناسق مع اعضاء شرف الغرفه0لا تنسون النبته فعلا شيء مميز0
وهذي غرفة المكتب0بصراحه الستاره ماش مادخلت مزاجي بس الوان المكتب والأرضيه أحس انهم متداخلين مع بعض نفس الشيء للزوليه ملها داعي وهي بهذا الشكل0
بس اتعرفون تنبهت للمكتبه اللي فيها كتب مكانها حلو والوانها ماشيه ويدل أن اللون الأبيض يدخل مع أي لون وينسجم معه ولا يسوي أي دوشه 0لاحظوا اوراق المكتب داخله مع لون المكتبه وأعطت منظر حلو0حتى مع التلفون0
يالله شدو الهمه واطلعوا معي لفوق فيه غرفه لازم نشوفها0
طبعا الأم مهندسه وعصبيه خلت غرفتها فوق بعيد عن دوشة زوجها ورسوماته 0
لا حظوا جدرانها على شكل الطوب بس هالمره بالون مختلف بني بدرجاته هالمرة دخلوا الأسود ما أدري الغرفه مع بعض مش ولا بد(ما أدري على شانها فوق ما أحد شايفها)بس الصوفا مشرقة والكرسي العنابي مغرب وكلها على بعض !!
يالله بأتعبكم معي ننزل للدور السفلي عاد المجالس (أما عندهم مجالس)والمطبخ والصاله0
شوفوا ارضيه الدرج مره ماشيه مع الأرضيه ولا يفوتكم الدربزين الجداري مناسب لمساحة الدرج0
الطاوله والكنب مره الوانها مفرحه0
نجي اللحين للمطبخ مره حلو وألوانه متناسقه(تحب الأبيض) والطاوله أعطت دمج رائع بين الألوان0ايضا الزوليتين (اقصد السجادتين)متناسقتين مع الستاره مع ان شكلها مبالغ فيه0
والان مع المدخل عاد انتم عارفين أن اثاثهم دايم بسيط وعندك المدخل بسيط وفكرته حلوه وخاصة البنايه الوانها مره ماشيه مع الأرضيه(ما قلت الأخضر يمشي مع أي لون)وشوفوا أهتمامهم الكبير بالزرع الأخضر 0نشوف طقم الكنب عكس مع بعض مره ساده واوسائد مشجره ومره مشجر وهالمره دخلو الخيزران في الكنب المتصل0(بس استغرب لوحاتهم ليش ما يعلقونها)
عاد هذا مكان جلستهم بصراحه أفكار روعه المدفئه بشكلها المبتكر والمكتبه الصغيره والأشياء الموجوده بداخلها ولون الكنب فعلا اعطت سيفونيه رائعة من التناغم 0
والآن الى مجلس الضيوف بس تدرون تحسون أنه غي عن البيت الستائر الطويله ولونا الساده أعطت شعور بالرسميات وطبعا الصوره مدموجه مع غرفتين اللي هي المقلط(صالة الطعام+المجلس)
والتناسق باين من الطاولات وحتى شوفوا الكراسي المنفرده نفس الشكل (فيه ترابط قوي)0د
في النهايه ارجو ان اكون قد وفقت في طرحي بس عندي اضافه بسيطه0
الأرضيات الخشب لا تناسب البيئه الحاره وايضا لابد عند تنظيفه من استخداممواد زيتيه حتى لا يجف ولا يتشقق وايضا تركيبه يكون على ايدي فنيين مهره حتى لا يتعفن0بالأضافه الى ان المشي عليه يصدر اصوات0كالصرصره0
والحل ظهر سيراميك شكله بشكل الأرضيات الخشب وبأسعار ممتازه0
مع تحياتي للجميع0
رد مع الاستدلال
0
الروابط المفضلة