القراقيش المصرية بالعجوة محشية
القراقيش المصرية اخواتى من اروع ما يكون من العجائن المصرية لخفتها و طعامتها ومكوناتها متاحة فى كل بيت
مشاركتى الثالثة فى اقتحام المطابخ
ندخل على المقادير
3 كوب دقيق
كوب الا ربع زيت
كوب الا ربع ماءدافئ او لبن حليب دافئ
ربع م ص ملح
2 م ك سمسم
قطعة خميرة بحجم الليمونةاو معلقة كبيرة خميرة فورية
عجوةاو تمر للحشو(بحط معلقة سمن ومعلقة قرفة و معلقتين ميه و 3 معالق سكركل ده على التمراو العجوة فى طاسة و اقلبهم على بعض لحد العجوة او التمر ما بختلط بيها كل المكونات و اطفى النار)
الطريقة
**هاتى الخميرة و حطى عليها م ص سكر و شوية مية اوحليب دافيين ( كمية او حليب ميه من اللى فى المقادير)
**هاتى الدقيق انخليه و حطى عليه الملح و السمسم و قلبيهم كويس
**و بعدين سخنى الزيت و حطيه على الدقيق و قلبيه كويس بالمعلقة و بعدين حطى الميه الدافية والخميرة و اعجنيهم مدة عشر دقايق
و سبيها تخمر من تلت لنص ساعة فى الصيف طبعا اما فى الشتاء تحتاج و قت اطول)
و بعدين هاتى حته عجينه و افرديها على سطح مرشوش دقيق خفيف و افرديها
وو حطى الحشو اللى هى العجوة و اقفلى عليها كويس و ساويها من الحرف بالسكين
و بعدين تقطعيها الاشكال اللى انتى عايزها و على فكرة ممكن تعملى برده منها قرص
المهم نرص القراقيش فى صنية مدهونة زيت و تحطيها فى فرن شغال قبلها بعشر دقايق على نار متوسطة
و دوقى احلى و اخف قراقيييييييييش و ادعى لاختك ام يحيى و مازن
و بالهنا و الشفا
فى رعاية الله وحفظه
الروابط المفضلة