طريقه عمل الباتيه المحشي بالجبن بالقشطه
حبيباتي بنوتات المنتدي اول مرة اعمل موضوع في المطبخ فاعذروني لو بطنكم وعتكم ههههههههههههه
كنت اقوم بتحويش القشطه الطبيعيه من اللبن وفكرت في يوم اعمل بيها حاجه مفيده ومغذيه لابني ففكرت اعمل قطع باتيه صغيرة تبقي علي قد ايده
كل اللي هنحتاجه زي ما انتو شايفين في الصورة
1- دقيق
2- بيكنج بودر
3- القشطه
4- ملح
5- جبنه اي نوع انا بفضل البراميلي او الاسطنبولي بيبقوا روعه
نبدء في العك ااقصد الشرح خخخخخخخخخ
دي صورة للمكونات
ودي كميه القشطه اللي كنت محوشاها
حطيت الدقيق شويه شويه
وبعدين الملح
وبعدين البيكنج بودر
وعجنت العجينه لحد ما بقت بالشكل ده
وبعدين قسمتها لكور صغيرة قد القطايف وبططتها بالشكل ده
وجبت ضغط القطايف ده علشان يديها علي الحروف شكل
وبعدين حطيت فيه العجينه والجبنه وقفلت
ولو مش عندك الضاغط ممكن تستخدمي الشوكه بالشكل ده برضو
ملحوظه مهمه جدا ااااااااااااااااااااااااااااااااااااااااااا اوعي تدهني الصنيه اي ماده دهنيه لان القشطه كفيله بكل حاه
نكمل بقي
ارصهم في الصنيه بعد ما اخلص
وبعدين احطهم في الفرن انا بفضل الفرن الكهربائي علشان بتبقي ناره اخف من الغاز
وفي النهايه هيبقي بالشكل ده وبالهنا والشفا
وابقوا قولولي رائيكم وطمنوني عليكم هههههههههههههههههه
رد مع الاستدلال
الروابط المفضلة