مسا الخير صبايا كيفكم
اليوم الغالية ناني بعتتلي اشارك بملفها القرفة وفوائدها وماحبيت افشلها رغم اني تعبانة واليوم او بكرة بولد ادعولي صبايا اقوم بالسلامة
هاي الوصفة عندي بالجهاز من فترة ههههههه وتكاسلت انزلها وهي اجى وقتها
مقادير العجينة
اي عجينة معتمدة عندك انا بستخدم عجينة العشر دقائق مع بعض التعديلات
بضيف بيضة وبكيت بكنج باودر مع المقادير الاولى
يعني كاستين طحين
كاستين ماء
بكيت كريما باودر وهاد سر نكهة السينابون
معلقتين كبار حليب ناشف
فنجان قهوة سكر
معلقتين كبار خميرة
بيضة وبكيت بكنج باودر
بنخلطهم سوا منيح ومنخليهم يخمرو 10 دقائق
بعدين بنضيف نص كاسة زيت وطحين لحتى يصير عنا عجينة متماسكة
بس انا لما بعمل سينابون بستخدم زبدة وفيكي تخلطي زبدة وزيت

بنخلي العجينة تخمر نص ساعة عالاقلة
مقادير الحشوة

اصبع زبدة بدرجة حرارة الغرفة
ملعقة كبيرة كاكاو سادة
ملعقة كبيرة قرفة مطحونة
سكر بني اقل شي معلقتين كبار
بنخلطهم سوا بالخفاقة الكهربائية لحتى يصير عنا خليط ثقيل نوع ما
مقادير التغطية
حليب محلى
كيري او لافشكري او اي نوع جبنة كريمية
معلقتين كبار قشطة


الطريقة معروفة وهي فرد جزء من العجينة وتوزيع جزء من الخليط عالعجينة وبنلف العجينة وبنقطعها
وبنرصها بصواني وبنخليها تخمر ربع ساعة مع دهن العجينة بصفار مخلوط مع شوية فانيلا وحليب سائل
نخبرزها على نار حامية

فيكي تحطي عالعجينة قشطة بعد فردها وبعدين توزيع خليط الحشوة بتعطي السينابون طراوة غييييييييييير شكل
وهلأ مع الصور

بتمنى الموضوع والوصفة تعجبكم
وماتنسوا تدعولي االله يقيمني بالسلامة ويسهل ولادتي
واسفة كتير لانه الصور هيك طلعو جهازي بغلب كتير لما بعمل كوبي وبيست

ربنا يسلم هالديات ويسهل ولادتك

ونشرب عندك قرفة بالمكسرات اعتقد اسمها اينر

صحتين وعافية يا مجودة

واديكي ام عدي
الله يسلمك يارب والله مابنعمل القرفة ههههههه بنعمل مغلي بس

ما دخلني هاد الي
يميييييييي لسه مبارح عملتها بس حطيت عليها قطر بعد ما خبزتها

الله يقومك بالسلامه ويهونها عليكي يارب وتسلم ايديكي

الله يسلمك يا ام عبود وصحة وهنا يارب
اولادي كتير بحبوها وبخلي قسم سادة لانهم مابحبو اللي بكون مغطى

يسلمو ايديك مجودة

سينابون بالقرفة اممممممم ولااحلي

بس حابة اسئلك سؤال باكيت الكريما البودرة هل تقصدين كريم شانتيي

وربنا يسهل عليك ويرزقك ساعة ميسرة مجودة

واديكي ام عزو تسلميلي يارب
ايوه حبيبتي كريم شانتيه زي الدريم ويب بعطيه طعم مممممم ولا احلى الكل بسألني عن سر طراوة السينابون