السلام عليكم ورحمة الله وبركاته
اهلا وسهلا بيكم شرفتوني تفضلو حبايب عصرونية جرك وكليجة :023:
طبعاا عيد الفطر المضى سويت كليجة وصورت كم صورة
وايضاا من فترة وجيزة
سويت جرك
نبدي بسم الله
الكليجــــــــة
المقادير ,,,,,,,
5 كوب طحين
2 كوب زبد دافئ جدا \واذا لم يتوفر زيت دافئ جداا>>>>>>اقل او اكثر بيكفج حسب
ملعقة شاي ملح
ملعقة كبيرة خمرة
2 ملعقة سكر
ملعقة كوب ممسوحة هيل مطحون
2 ملعقة كوب بيك باودر
ماء دافئ للعجن
2 صفار بيض للوجه
الطريقة ,,,,,,,,,,
نحضر شي كبير نعجن بي حتة من يختمر ياخذ راحتة
نحط الطحين والبيك باودر والملح ونبدي نصب الزبد او الزيت اني اخبط منا ومنا طبعاا داااااافي اخو الحار وشوية شوية علا الطحين وكل مجالج فركي بيدج فتفتي تفتفت حيييييل
بحيث يصير مثل الرمل مغمور بالزيت وشكد ما فركتيهة اكثر شكد ما طلعت هشة وطيبة اكثر
اني نص ساعة بحيت ايدي تكوم توجعني :113:
من تحسيهة اكتفت بالزيت تضيفين الخمرة ونص كوب مي دافي وعليهم ال 2 ملاعق السكر ونحركم زين ونتركهم 5 دقايق تبدين تعجنين اذا احتاجت مي ضيفيلهة دافي
وعجنيهة هواااااااااااااااااااااااااااااي
راح تحسيهة قوية ابببببد لا تلينيهة
ضلي عجني لان عجينة الكليجة اذا قوية النتيجة معناهة هشة وطيبة
من تنتهين عجن حطي نايلون علا العجين وفوكاهم خاولي وبالمكرويف بس لا شغلي ههههههههه
واتركيهة تختمر من ساعة ونص الى ساعتين
حضري الحشوة
تمر عجوة وعلية شوية زيت وهيل مطحون
اذا تحبين جوز مكسر وعلية شكر
او سمسم او حلقوم او مبروش بيكفج
و ابدي شكلي بالطريقة التعجبج اني ام التمر اسويهة طبقات مثل الصورة
والباقي الجوز والحلقوم ام الطبعة
حتة اليعجبة ميكسر ويعووووووف :545:
نحمي الفرن علا درجة 350 جوة اول شي
و بصينية مدهونة زيت طبعااتصفطبهم بس مو لززززك حتة تاخذ راحتهة لان راح تنفش شوية
تحضرين صفار بيضتين وعليهم هيل مطحون علا مود الزفرة
وبالفرشة تصبغين وجهة هع:lk:
ومن شوفين الجوة استوة تعلكين الفوك
عود راقبيهة مو تحركيهة خخخخخخخ
من صير ذهبية طلعيهة وورة 10 ثواني حطيهة بحافظة وبعدين غطيهة بالخاولي حتة متيبس
[IMG][/IMG]
والف هنا وعافية وجربوهة لان كككككلش كلللللش تييييييييبة تخخخبل والريحة تترس البيت هع
وكل شوية تاكلين لحد متخلصيهة انتي والجهال خخخخخخخ وابو الجهال
.................................................. .................................................. ..............................
الجـــــــــــركـــــ
المقادير
4 كوب طحين
نص كوب او كوب زبد ذائب
3 بيض
ثلاث ارباع كوب شكر
نص كوب حليب دافئ
2 ملعقة كوب بيك باودر
1 ملعقة كبيرة خمرة
ملعقة شاي ملح
ملعقة شاي هيل مطحون
سمسم
بيضة واحدة للوجة
.............
الطريقة
نحضر وعاء للعجن ونحضر الطحين ونضيفلة الملح والبيك باودر والهيل
نحضر وعاء اخر نضيف البيض والسكر والحليب ونخفقهم جيداا
نضيف الزبد علا الطيحين مثل الكليجة نفركة حيييييل نفتفتة بيحث يتغير لونة ونضيف الخمرة المذوبة بنصف كوب ماء دافئ وعليهة 2 ملعقة شكر ومتروكة 5 دقايق ونضيف المواد المذكورة
البيض والسكر والحليب المخفوقين
ونعجنهم اذا احتاج ماء ضيفي او اذا احتاج طحين ضيفي
تصير عجينة لينة ومتماسكة
خليهة ساعة تختمر
ومن بعدهة شكلي بكيفج تدهنين الصينية من جوة وتحضرين الجرك وتعوفي يرتاحححح بين متكملين التشكيل قبل ميدخل للفرن لالالازم يرتاح
تحضرين طاسة بيهة سمسم وشكر وبيض وهيل شوية مطحون وتحطين عليهم من فوك وتدخليهم بلفرن من جوة علا حرارة 350 ومن تستوي تصير ذهبي وتننننفش تعلكين الفوك وكوني
يمهم [/IMG]هاي ام القلب وبي سهم ههههههههههههه
[IMG][/IMG]
طبعااااااااا حييييييل حيييييييل طييييبة وهشة ولذييييذة وعيناا جرك العراااااااق والله
وجربوهة وراح تدعولي
امـــــــــــــانة اللي جربهة تدعيلي براحة البال والتوفيق والفرح والعافية لجهالي ويحفظ اهلي اميــــــــــــــــــــــن ربي
واتمنة تعجبكم
ومتنسوني من دعواتكم
دمتم بامان ربــــــــــي وحفظة
الروابط المفضلة