مساء الخير يا اخواتي الحبيبات
انا دايما بعمل بيتزا بحشوات مختلفة لكن الصلصة تبقة زي ما هي مبحبش اغيرها لانها بصراحة لذيذة وسهلة
العجينة انا عملت عجينة (عشر الدقايق) الكل بيعرفها مش محتاجين اكتب المقادير والطريقة
نجي لسر صلصتي
السر في صلصة بيتزا بتاعتي هي في الفلفل المشوي
انا بشوي الفلفل على النار وبعدها اقشرها وانظفها من داخل من الحبوب واقطعها شرايح واحطها في زجاجة معقمة ونظيفة وامليها زيت كدة تقدري تستعمليها في اي وقت وبتكون طعم الشواء فيه وتقدري تستعمليها في اي اكلة تحبي تكون طعم الشواء فيه
وابكدة تقدري تحصلي على اطيب فلفل مشوي تخزنيها عندك
نجي لصلصة
انا جبت بصلة صغيرة وفرمتها وقليتها في زيت
وفرمت الفلفل وحطيته فوق البصل
وحطيت ملعقة كبيرة من معجون طماطة
وقطعت طماطة قطع صغيرة وحطيته فوقهم
واحط شوية ملح وبهارات خاصة لبيتزا واسيبهم على نار دقايق بس
وافرد العجينة وامدها واحطها في الصينية
واحط فوقها صلصتي اللذيذة
كان عندي لانشون تجي في علب قطعة وحدة كبيرة تقطيعها قطع او شرايح
المهم قطعت لانشون قطع وحطيتهم فوق الصلصة
وحطيت فوقه جبن موزرلا مبشورة
وحطيته في الفرن
كان باقي من العجينة قلت في نفسي اعمل فيهم ايه ؟؟؟؟؟؟
اها لازم اطبق حشوة حبيبتي الغالية (احلى بيرو ) في موضوعها
فطيرة الجبن والثوم
http://www.lakii.com/vb/showthread.php?t=750335
انا عملت حشوة من جبن كريمي وقطعتين من جبن كيري مع الثوم وكان عندي كرفس
ودخلتها الفرن بعد خروج بيتزا منها
وطلعت البيتزا من الفرن
شوفو الجبنة ازاي ساحت
وخرجت التانية كمان وقطعتها
تسلم ايديكي حبيبتي (احلى بيرو ) بجد الثوم مع الجبنة طعم رهيب
يارب قدرت اشرح الطريقة والخطوات بصورة واضحة
واي استفسار انا تحت امركم
الروابط المفضلة