للبحث في شبكة لكِ النسائية:
|
هلا ارنوسة كيفك حبيبتى
مبروك الكمبيوتر
احسن حاجة درتيها شريتى واحد
باش ما يدلعش عليك الباشا
ياستى صارلى مقلب بالصور متاع فطورى
لما جيت انزلهم عالكمبيوتر مابوش ينزلوا هههههههه
طلع الموبايل يبى تعريف لان لما درنا فورمات لللابتوب كل شى امتسح
المهم نزل برنامج فلان ودير هكى وحط هكى
والله خليتهم متحنطرين بلا فطور على خاطر التصوير
ونقوللهم لا ما تاكلوش هذه لعند نصورها بروحها
شكلهم الجماعة حشموا فيا هههههههههههه
لكن اول ما نكمل اجراءات التعريف والذى منه طول انزلهم
باش نلحق انزل فطور تانى
وسلامات على كل الحلوات
اني نقولك يا بيبي شن اديري
بعد السلام عليكم
ديري سمبوسه التوست امتاعت ميمي تهبل
[/CENTER]
والا ديري مبطن كيتي
والا كباب العجوله
والا بتزا
والا كفته
والا زلابيه
خيارات واجده
[/CENTER]
اهلين يا حلوااااااااااااااااااات كيف حالكم كلكم بدون ذكر اسماء ما نبيش ننسى حد
ماشاء الله شكله فاتني هلبة بس حنزل الصور ونرجع نقرا الصفحات اللي فاتتني
البارح قصوا علينا الضي وشحورونا ما رجعش الا بعد المغرب
لكن رغم ذلك صورت كخخخخخخخ وخوتي كل ما يشوفوا الفلاش متاع الكاميرا يفرحوا ويقولوا حي الضي جى كخخخخخخخخخخخخ
يالله بسم الله
الفطور زي العادة شربة وبوريك وبيتسا وسلاطة هذه الحاجات الاساسية لاغنى عنهم كل يوم على سفرتنا
خوي الصغير خاطره في بامية درتله شوية ما كترتش بس اول مرة انجرب اني نقلي البامية ودرتها بالطماطم الاخضر بس والحمد لله جت حلوة وعجباته
وهذه خبيزة جاهزة حشيتها بالتن والزيتون والسلاطة المشوية
وهذه قوارب محشية بالطباهج من عمايل اختي اللي اختصاصها بيتسا ومعجنات والعجينة اللي استعملتها هي عجينة الباف بستري الجاهزة
اما الحلو فدارتنا اليوم الشباكية الجزائرية وبصراحة بنتها حلوة ننصحكم اتجربوها ونوسة دارتلنا قطايف محشيات بالكريما والجبنة حلووووات بس بصراحة خديت طرف دخت من قوة الكريما والجبنة
القطايف عن قرب
الشباكية عن قرب
لانها اول مرة اديرها فقعدت اتجرب في عدة تشكيلات بيش تعتمد احلى تشكيلة هذا علاش كل طرف من شكل بس انقوللكم راهو العجينة بنتها حلوة وما تشربش الزيت بكل ومهما كان شكلها في النهاية المتعة في الطعم كخخخخخخخخخخخخخخخخخ
توة خلي نمشي نقرا اللي فاتي
سلاااااااااااااااامات
الروابط المفضلة