كتبت بواسطة ام السنفور

صحة شريبتكم ماشاء الله يا العجولة صفرة دايمة وصحتين

وهادى صفرتى المتواضعه جدا



فيها الشربة عريس الصفرة ومعجنات مدورة وعلى شكل قوارب بحشوة كيتى قالتها في ملف اخواتى الليبيات ومعاها بيتزا وسلة الكنافه بطريقه الاء ( هههههههههههه غير هادو سوابيت )

هادو المعجنات




ان شاء الله يعجبوكم

ماشاء الله ام السنفور سامحونى على الرد المتأخر سفرة تفتح النفس بالهناء عليك وعلى اسرتك

كتبت بواسطة kittygago

صفرة اليوم الثاني وصلت

اليوم عملت شوربة عدس + كالوني بحشوة جديدة + كروسان بالجبنة + بوريك بطاطا بورق الملصوقة + سلطة خضرة



و هذه من زوايا أخرى








و هذه الصور منفردة

شربة العدس




و هذه طريقتها على هذا الرابط

شوربة العدس و فوائدها للصائم


الكالوني




و هذه طرريقتها على هذا الرابط

كالوني بحشوة حلوة هلبة


كروسان بحشوة الجبنة

درتها بنفس عجينة البوريك متاع أمس و حشيتها بالجبنة مدهنتها بصفار بيض و رشيتها بالسمسم و دخلتها بالفرن











و البوريك بحشوة البطاطا ( الملصوقة )

البطاطا طبختها و هرستها و حطيت عليها معدنوس مفروم ناعم و ملح و فلفل أسود و اعجنيهم كويس و احشي بيهم الملصوقة و اني حطيتها في الفرن لأنها أفيد من القلي








و ان شاء الله تعجبكم الصفيرة يا ربي

و أي سؤال اني حاضرة

و رمضانكم مبروك

كيتى ماشاء الله عليك سامحينى على ردى متأخر تعرفى ربى يسلملك ايدياتك سفره ماشاء الله لاقوة الا بالله تهبل

كتبت بواسطة العجولة

يالله ياوخيات هدا سفرتي اليوم
بسم الله توكلت على الله


الأنواع شرائح الجبن المحشيه


الأقماع المحشية بالجبن

بيتزا

بطاطس بالفرن

أنشالله يكون عجبكم

عجوله ماشاء الله عليك سفرة بتشهى تسلم ايدياتك والهناء عليك وعلى اسرتك

كتبت بواسطة حره فوق راس حر

بسم الله وان شاءلله نكون نجحت فى تنزيل سفرتى لهدا اليوم

وهدا الكباب









وهدا التوست بالمفروم





وهدهالفركسيه



























وهده طاجين الدجاج ههههههههههه بالتفاصيل



وهده رمال الصحراء


والشوربه مازال على النارررررررررررررر

عندى ضيف اليوم بيفطر معنا فصورت كل شىء قبل مانكمل الحركات والزينه

عزيزتى حرة ماشاء الله عليك تسلم ايدياتك حاجات تهبل بالهناء عليكم
معليش عندى سؤال كيف التوست عملتيه

كتبت بواسطة kittygago

السلام عليكم يا بنات

ما شاء الله اليوم اني انشغلت هلبة و لما خشيت مصلي على النبي عليكم مش قادرة نلحق عليكم الله يبارك و يزيد

راح انزل صفرتي و ليا عودة أول ما نفضى .... راح نفضى لكل وحدة فيكم بعون الله

عيني ما اضركم ما شاء الله

صفرتي لليوم الثالث









سلطة باذنجان و شوربة الخضار











و هذا رابطها

http://www.lakii.com/vb/showthread.php?t=587904

طاجين خبزة خضرا



و راح احط رابطها عن قريب بعون الله


خبيزة بالمفروم و بعجينة البطاطا

نفس المقروض الحار






و سامحوني اليوم حطيت الصور على السريع و نحس في روحي ملخبطة وراي هلبة حاجات ما درتهاش

و ان شاء الله نتلاقو على خير
و كيف ما قلتلكم راح نفضااااااااااااااااااااااااااااالكم بعون الله

كيتى حبيبتى شينو هالسفرة ايلى اتهبل ماشاء الله لاقوة الا بالله عليك صحيحة عليكم

كتبت بواسطة زينب محمد 2

ماشاء الله سفر عامرة بما لذ و طاب

الله يديم علينا نعمته و يحفظها من الزوال

مبروك التثبيت كيتي

كل عام و انتن بخير و صحة و سلامة

و الله يسلم ايديكن على الاطباق الرائعة

تفضلن هذه سفرتنا اليوم صورتها بعجالة في المطبخ

ماشاء الله تسلم الايادى زوبوبة السفره اتهبل صحيحة عليكم معليش زوبوبة بنسألك شينو هى ايلى فى الوسط والله معرفتها سامحينى ورمضان مبارك عليك حبيبتى

كتبت بواسطة kittygago

حبيباتي صفرتي لليوم الرابع

و اليوم الفطور على الخفيف

شربة + فليفلة ( امبطن فلفل حلو ) + أصابع الدجاج + ملصوقة محشية + سلطة درة + سلطة بابا غنوج

بالنسبة لأصابع الدجاج شويتها سوي في الفرن هي و الفليفلة ... و طلعو ما شاء الله خفاف ما فيهمش صنة الزيت بكل

و بارك الله في اللي عطتنا الطريقة في ملف أخواتي الليبيات ... و تسامحني اني نسيت الإسم ,,,, لأني خزنتها من غير اسمها و الله لين متحشمة و بالله عليكم يا بنات فكروني بيها باش نشكرها و نقوللها صويبعات الدجاج جو روعة من غير قلي










سلطة بابا غنوج



سلطة الدرة



الفليفلة



أصابع الدجاج





و ان شاء الله تعجبكم الصفرة و اي سؤال اني حاضرة يا حبيبات

كيتى حياك الله ماشاء الله عليك وعلى سفريك يعطيك ألف عافية عزيزتى معليش الفليفلة مش عارف اعلاش تجينى مش حلوة طبعا انى السنة هادى مادرتهاش كيف اديرى فيها والله نبى انشوف امتع ماما الاء ماشفتها وا مافضيتش
كيتى سامحينا على تعبك وربى يبارك فيك

كتبت بواسطة العجولة

فطورنا اليوم كان عبارة عن شربة
ومحشي عصبان
وقلاية
وبريك بالجبن
وشيش كباب الدجاج

وهذا الشيش

وهدا البريك بالجبن

وهادي صورة تانية للسفرة

وأنشالله أنزلكم الطرق بالتفصيل

عجولة يعطيك ألف عافية سفرة عامرة تسلم الايادى وربى يحفظك سؤال معليش كيف شيش كباب ورمضانك مبارك

كتبت بواسطة kittygago

السلام عليكم يا بنات كيف حالكم و صحة شريبتكم

و ما شاء الله على الهدرزة و اللمة الحلوة

و الأفكار القنينة و على المساعدة الطيبة اللي قايمين بيها لكل من يسئل على حاجة

أختي حرة ربنا ينوضك بالسلامة يا حبيبة

و أم السنفور سامحيني الوقت اللي سئلتي فيه ندبرو عليك فطور خفيف ما كنتش أون لاين و ربنا يعطيك الصحة يا حبيبة

العجولة ...... ما شاء الله عليك و على الصفرة و خاصة الشيش يرعش يا وخيتي ... لما شقته تقولي ما كليتش فطوري جوعتيني يا حبيبة من أول و جديد خخخ

بالله عليك الطريقة متاعه باش انديره و ندلع بيه خخخخخخخ

الله يعطيك الصحة يا حبيبة

بالنسبة ليا اليوم درت شربة عدس و طاجين برجر و أصابع ماما الاء خخخخخ قصدي اصابع السكالوب من ماما الاء لأني لقيتها في ملف اخواتي الليبيات مخترعتها و والدها الغالي قاللها سميهم اصابع لولو

و الحق اني بروحي سميتهم اصابع لولو ... و نقول لماما الاء الله يعطيك الصحة الله يعطيك ما في بالك يا رب و يفتحها قدامك دنيا و آخرة ... ما شاء الله بنة و صنة من اول ما حطيتهم في الكوشة الريحة عبت الحوش ما شاء الله .

و السلطة نفس سلطة امس بابا غنوج

و نقول لحرة راهو اللي يفضلي من فطور امس نحطه الحق و ناكلوه مانحبش نلوح حاجة

و توا اني نكتب في الموضوع و انزل في الصور و نتفرج على باب الحارة ....

الصفرة اليوم





طاجين البرجر
















أصابع لولو قصدي أصابع السكالوب خخخخ

شوفو و تبننو












ريتو منظرهم ما شاء الله .... وحدة تشكر في خدمتها

و بارك الله في كل من يحط في صفرته و من يقول على فطيره و من يعاون في البنات

ياعينى عليك يا كيتى وعلى سفرتك ماشاء الله عليك

كتبت بواسطة meme28

كيفكم يا حلوين كلكم بدون اسماء ان شاء الله تمام وهدا سفرتى ان شاء الله تعجبكم

وهده سفرة فطورى اتمنى تعجبكم والسفرة عبارة عن شوربة عدس بالخضار وكباب ورز وسلطة المقالى
وكودو التوست وسنبوسة التوست وسلطة مشوية ومحشى فلفل

وان شاء الله انزل الوصفات فى موضوع تانى بالتفصيل

نبدا بسم الله هده السفرة بشكل عام






هدا الرز والكباب


وهدا محشى


وهدا كودو التوست محشى طعمية


وهده السلطة المشوية


وهده سنبوسة التوست بحشوة الدجاج


وسلطة المقالى وشوربة العدس ما عندى صورة بروحهم

ا



وهدا كنافة


http://lakii.com/vb/showthread.php?t=588189


ان شاء الله تعجبكم ويالله نشوف تعليقاتكم واغلب الوصفات نزلتها فى المنتدى الى تبى شى تقولى نعطيك الرابط وسلام يا حلوين بنمشى نرقد نشوفكم على خير

ميمى طهوراان شاء الله لابأس عليك حبيبتى
ماشاء الله عليك سلمت يداك اطباق تفتح النفس بالهناء والشفاء ان شاء الله